مجالس العجمان الرسمي - محاوراتي مع فارس الحرف

السلام عليكم ورحمة الله وبركاته

صبحكم الله بالخير

هذه بعض من محارواتي مع الشاعر الكبير : سالم العجمي " فارس الحرف"

والمحاورات مع هذا الاستاذ السلامه منها مكسب وراس مال D:

وعساها تجوزلكم وتحوووز على رضاكم :

فارس الحرف

مرحبا في بندر العجمي تراحيبن كثيـره
يوم حل بحلة اهل القاف غالي ومخدومي

انت يابندر تسم الشارجه بسم الفجيـره
والفجيرة مستغله فالخصوص وفالعمومي

بندر العجمي

دام عزك والبقا يالله عسا بالامر خيره
وبارك الله في رياجيل الوفا واهل اللزومي

انت ياسالم نبا نحطك زعيم للعشيره
وانت رجال تعرف ان القمر قبل النجومي

فارس الحرف

عادة الشاوي يدس السمن ويغطي مضيره
لو يمره طرقيّن ينشده من حمض العلومي

وسعة الخاطر توال الوقت تكفي وتعميره
دام مابه كره وفره على القبـا القحومـي

بندر العجمي

ديننا الاسلام والاسلام وصى بالستيره
لو شيوخ الدين تبغى تكشف جداد الحلومي

الصبر قفت ركابه يالمواقيف الخطير ه
واكثر العالم من الضيقه يطيح ولايقومي

فارس الحرف

بندر مفتح بصيره مانقول اعمى بصيـره
يكتب القصه ونصه كنها جيـري وتومـي

السواري مانقلها كون من عنـده ذخيـره
والشجيع اللي خذا قسمه من خيار القسومي

بندر العجمي

سالم العجمي حبوبه بالرحاه المستديره
والعرب لدت عليه أنظارها في كل يومي

الطيور اللي تلااوح وقعت مـن كل ديره
وحسافه حومتك ياطير ليتك ماتحومي

فارس الحرف

الشقى للطرقي اللي مارقد يشعـب بعيـره
الحظيظ اللي مايذكر بين معطى ومحرومي

وقعت طارة ولا تلقى ولو حبـة شعيـرة
بين قرص البرد يابندر وهبات السمومـي

بندر العجمي

سالم العجمي لاشل السيف رده في جفيره
طول عمره وده يجاهد ولا شن الهجومي

ليت بعض الناس ماشغل قنوات الجزيره
ابتلش في بثها والبث جعله ماايدومي

بندر العجمي
ياليت سالم يبدل نكه " النتي " برحال

ويبدل النك مع صاحبه مشيليح الثمالي

من شان ليلي يبا يغامر ويدخل كل الادغال

من شان ليلي وليلي لابنات ولاعيالي

فارس الحرف

يابندر انته تعرف الذيب طبعه دوم جوال
وانته صحيب الذياب اللي تقانب فالعوالي

حقيقه ان الثمالي من رجال وراس رجال
مشيلح اللي معرب بين جد وبين خالي

بندر العجمي

في شركتك قلت يالله ساهمؤا في رؤس الاموال
وافلست واللي مفلس لاجنيه ولاريالي

لو عشت في وادي العجمان بنحط لك تمثال
استغفر الله لكن من غلاتك يالهلالي

فارس الحرف

لا بالله الا ربحنا وصبروا وتزين الاحوال
مار اللبس البشت وشماغك يثبته العقالي

ياوجد حالي يابندر لاتذكر داله البال
لا واحلالاه ياوقتن مضى وول وتالي

بندر العجمي

المشكله زين قامت تقطع بموجات الارسال
والمشكله زين ماجابت لنا عرض خيالي

ليت المهاجر يعود للبلد فالحال فالحال
ماله ومال العنا يومه معزم بالرحالي

فارس الحرف

انته تعرف الحمول اللي تشال اخفاف وثقال
يقولها اللي عرف فرق الخفاف من الثقالي

انا من العصر يابندر عيوني ترقب اخيال
الله عسى العين يسعدها مناصيب الخيالي

بندر العجمي

الحضرمي فالشعر ماعنده الا جبت موال
لكن ياليت زعزوعٍ مريح في ضلالي

يامناطح الشمس لاتفرش فراشك غير فـ ضلال
خل الدلع والغنج للام الدلع وام الدلالي

فارس الحرف

كلن يكفيه قسمه والعلوم قصار وطوال

سود الليالي بدت من دونها بيض الليالي

لا والله الا نسيت اني على ماقيل جمال

اومي براس العصا فالبيد وسوق الجمالي

بندر العجمي

اخذ الحقيقه وانا ماني لكم بالزور طبال
خل الشمالي يربع في مرابيع الشمالي

ياراعي الدله الصفرا على ضوك كم دلال
محد شربها مدامك عايش في جو خالي

فارس الحرف

انا ادري انك يابندر محترف في ضرب الامثال

لاكن مسجد نبي الله يذن به بلالي

اشرب من الدله الصفرا معي 20 فنجال

من بعدها تعدل وتخش حزب الاعتدالي

فارس الحرف

مرحبا في فالحله اللي تنبنى في يدين اهلها

ياصناديد الرجال وياطويلين اليماني

قوم يابندر وخلق تحاسب في عملها

قبل تكسير الحساب وقبل محصول رمضاني

بندر

والبقا ياللي تسافر من سهلها لسهلها
واخر الايام مالك لازمان ولامكاني

ماتغيبنا ولو انك مشدد في زملها
مير عزبتك نقصت ما اشوف انا شعيل العماني

فارس الحرف

ماطوى البيدا على وصف الرجال الا جملها

ون رعينا القفر عادتنا قبل قاصي وداني

العدود اللي تسقى وردها ياتي مهلها

اشرب الماء كان وردت ثم حركنا السواني

بندر

المطيه يوم ساقت رجلها منهو عقلها
هو عقلها صاحبي ولاصواديف الزماني

العدود الفانيه ماصدرت منهو وصلها
وعدنا بنيه جديد ولاعلى بنيه ضماني

فارس

ماتدري عن السطان لا مالت عدلها
مار اخذ فنجال اشقر فيه هيل وزعفراني

كل ذيب اسحم ليا حصل غنيمه ساع اكلها
الذياب السحم تنهبهاخفى ولا بياني

بندر

كان قلت ثري ولافور نعطيكم دبلها
كيف معطيكم ورب البيت من فضله عطاني

الذيابه ماعرفتوا وش رضاها ويش زعلها
والذيابه بارك الله فيك ماتعود حصاني

فارس

ماقطف قطف الخلية كون من يعرف عسلها
وانت يابندر من اللي ماجهل معنى المعاني

ماكسبنا الا مودتها على ماقيل والها
عندنا قدر..وكبير ومن خوان اليا خواني

بندر

كل خلق الله تجهل مير سالم ماجهلها
مير لاتلوي بعودك مثل عود الخيزراني

خل عنك أهل الرياض وخل عنك اللي نزلها
لاتصيف غير في جده وجده شكل ثاني

فارس

قصة العقاد نعرفها ونعرف من بطلها
استمع ونزح وفالك زين لا تاتي ..وزاني

عندي احمول وثقيله وانت لا من جيت شلها
دام مثلك فالوعد وافي ترا موعدك حاني

بندر

عارفين انجاد يومنه زرع شجرة بصلها
والشجر مايدرج فيها ياكود العقرباني

خل حملتك الثقيله وانت اضنك تحتملها
ياطويلين اللسان وياطويلين الاذاني

وسلاااااااااامتكم واعفااااااااااااكم ,,,