مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس المحــــاورة والألغاز الشعرية (http://www.alajman.ws/vb/forumdisplay.php?f=28)
-   -   الشيخي و الميزاني (http://www.alajman.ws/vb/showthread.php?t=70560)

الحر الاشقر 22-02-2012 12:46 AM

الشيخي و الميزاني
 
http://ftll.cc/wp-content/uploads/20...شر-150x150.png

الـــــشـــــيـــــخـــــي
سلام تسليمٍ يحط العـذر فـي وجـه العتـاب
واليا عرضنا المشكله حضّر جميـع حلولهـا
الضيف لامن جاه دله ماكفاهـا فـي التـراب
لكـن مايحكـم عليهـا ليـن يـدرج دولهـا
ســـــــــوار الــــذهـــــب
يامرحبا ترحيب ماياخذ مـن الرحمـه عـذاب
واليا بغيت امن الكواكب شئ مانـت بحولهـا
المخطيه ماني مسجلها علـى بـاب الصـواب
وأهـم شـئ نخاطـب العالـم بقـد عقولهـا
الـــــشـــــيـــــخـــــي
سرقت سطرٍ فالكتاب امن أجل سطرٍ فالكتـاب
وأحسب علشانه مـدارت الذكـاء وفصولهـا
الله يكتب لك ثواب ان كـان غيـرت الثيـاب
لاتبلش العالم بحمل صعيـب فـوق حمولهـا
ســـــــــوار الــــذهـــــب
أنته نسيت إن الهزيمه من بنـود الانسحـاب
وأبناء عطا تقـدر تـرام المرجلـه وتطولهـا
ترى السحاب الغر مايقف على نبـح الكـلاب
باقـي علـومٍ بعـد ساعـه مستعـد أقولهـا
الـــــشـــــيـــــخـــــي
أعرف سباع الأرض منها كل ذي مخلب وناب
مار الجذيبـه فالجبـال وسهلهـا فسهولهـا
ياليت ياللي تختلف عويتك عن عوي الذيـاب
موعدك ساعه يجحد الرجل ويقف من هولهـا
ســـــــــوار الــــذهـــــب
يالله دخيلك من فساد الناس وأعمال الخـراب
البدو فالطايف لقيـت انـزول غيـر انزولهـا
ويش انت ياقرن الغزال اللي تحت ريش الغراب
أصحابنا اللي في تهامـه يختفـي مرسلوهـا
الـــــشـــــيـــــخـــــي
اليوم فالطايف وفي غيره صناديـق انتخـاب
ومرشحين مطير ماهي عرض الأرض وطولها
إن كان عبدالله منعه الشيب عن جيل الشبـاب
ميلـة عقالـه ماتغيـر فالبشـر وميولـهـا
ســـــــــوار الــــذهـــــب
انتـه خطـر لكـن ماتمنـع علـي الإقتـراب
وأنته فزوعك من يعينهـا ليـا صاحـوا لهـا
ياصاحبي مايغني الحطّـاب كثـر الإحتطـاب
بعد محمد ماتـت الأصنـام لـو صلـوا لهـا
الـــــشـــــيـــــخـــــي
الكلمه اللي قلتها قلعـه لهـا عشريـن بـاب
والعلـم بالنيـه يحـدد رفضهـا وقبولـهـا
ماكفاك جانا الحسبه اللي مايعرفون الحسـاب
لو قلت واحد ضرب واحد ماعرف محصولها
ســـــــــوار الــــذهـــــب
حنـا ترانـا مانزكـي مـال ماتـم النصـاب
لكـن يالشيخـي مياديـن الرجـال فعولـهـا

بندر العجمي 22-02-2012 01:22 AM

رد: الشيخي و الميزاني
 
الله الله


عزالله اني حضرت هذه اللعبه فالصباحيه


وانها ثمرة هذيك الحفله ولاهنت علا النقل الطيب

أســـيــر الــقوافــي 04-03-2012 01:21 AM

رد: الشيخي و الميزاني
 
صح لسانك على المحاورة الزينه ولا هنت

‏فاصل قصير 07-03-2012 07:00 PM

رد: الشيخي و الميزاني
 
محاورة جزله لا هنت

‏سلطان الصقر 09-03-2012 07:34 PM

رد: الشيخي و الميزاني
 
محاورة رااائعة

وافي بن وافي 17-03-2012 05:26 PM

رد: الشيخي و الميزاني
 
الشاعر / عبدالله الميزاني والشاعر / ابراهيم الشيخي

لهما عندي اهتمام خاص واحرص على متابعه كل منهما بغض النظر عن الشاعر المقابل

وقد تفضل اخي الحر الاشقر بنقل محاورتهما معاً .. وكأنه قد قصد امتاعي الى ابعد الحدود


شكرا لك اخي الغالي .. ولا عدمنا ذائقتك الرائعه

عبيد القحطاني 11-06-2013 08:38 AM

رد: الشيخي و الميزاني
 
بيض الله وجهك على الموضوع


الوقت في المنتدى حسب توقيت جرينتش +3 الساعة الآن 01:04 AM .

مجالس العجمان الرسمي