يـا موتر عشرين مرة موديك= يم الحراج وما حصل لك مبيعة
نشبت في حلقي وانا ناشبن فيك =ضيقتهـا ضاقت عليك الوسيعة
يا ليت من يشريك والا طلبنيك =أحط لي عند النشــامى صنيعة

غير لي الماتور والقير واشفيك = واربع تواير بالتوازن رفيعة
يا كثر ماني ماشي في مشاهيك =أروح للدكان وأرجع سريعة

الاح \ محمد


لاهنت يالغالي على هالمشاركة الطريفه .... لاكن مابقي شي الا وطلب تغييره الماطور .. والقير .. والكفرات ,,

الا والله الحراج هو دواه تكفا


تحياتي لك