ردية ناصر القحطاني و خالد عبدالرحمن ,,,,,
السلام عليكم و رحمة الله و بركاته .... فاجأنا الفنان المبدع خالد عبدالرحمن والشاعر المتألق ناصر القحطاني قبل ايام معدوده بقصيدة الرديه التي اعجبت الكثيرين هانحن نضع بين ايديكم القصيده كامله مع تحياتي ناصر
سلام و المركب عليه اثنين و الساعة تـدور= و الموج هادي و الوعد قدام و الرحلة ذهـاب = أن غابوا الأجواد ما غابوا من أقفاص الصدور= دق الجرس و العلم عجل به بعد طول الغياب= خالد
يا مرحبا يا صاحبي وأعبر بنا سبع البحور= علّي أدير البوصلة و أنت الله الله فالزهـاب = أنا سمعت أنك تحديـت الذيابـة و النمـور= و العام لك قلب خضر و اليوم ما كنك شباب= ناصر
الوقت قاسي و الفتى يبقى على الشدة صبور= و أن ما غدا الرجال ذيب يطيح بأنياب الذياب = حتى الصديق الله وكيلك صار دمه ما يفـور= و أنا لقيت الأصدقاء معظمهم أشبه بالسراب= خالد
لا تأمن الدنيا و لكـن لا يجـي قلبـك فتـور= أحد يشوف أحلى البنات و لا يجي فيه انجذاب= ما للحباري في القنص يا كود هدّات الصقـور= و أن ما كفخ طير الفضا معناته أن الراس شاب = ناصر
كلش و لا قطع الرجا في الطيبات من العطور= لكن على شـرع الله و سنـة نبيـه و الكتـاب = بيض العذارى عسجديات الجسد ضمر الخصور= سود العيون مجدلات الروس تلعـات الرقـاب = خالد
بالله قلي ما برى جرحك بعـد بـدر البـدور= ما عوضوك الفاتنات الذاهبة و الجرح طـاب = كم واحد لو مرته مزيونـه بعمـر الزهـور= ضاعت علومه و الصواب الله يجيبك يالصواب= ناصر
أحد على الدنيا وهو كنه من أصحاب القبـور= خالد و احد يجي و يروح مع خله وهو تحت التراب = ياللي نسيت أن الهوى يبقى على مر العصـور= نشدك عن برقٍ سرابك و أنت من فوق السحاب =
معلّمك يا صاحبـي بالسالفـة و العلـم نـور= وش بك تقول الشمع ذاب الشمع ما يمديه ذاب= و البارق اللي مرني و أنا أدعي بقلب شكور= هذاك خير طاح بأرض الغير و الرب أستجاب= ناصر
وش بينك و بين المدينة و الشـوارع و القصـور= ما قد شبعت من الخلا الخالي و من روس الهضاب= الناس ما تبطي ولـو راحـت مراويـح الطيـور= ترمي تعبها في البيوت و تستريـح مـن العـذاب = خالد
البر يشرح كل صدر و يقلب الضيقة سـرور= و أنا إلى جيته يمر الوقت ما أحسب له حساب= يا ما حلا طوي الخبوت و سجة الخاطر شهور= ولا معك غير النشامي اللي يعـزون الجنـاب= منقووول ... |
بصراحة رديــة حلـــوة
يا مرحبا يا صاحبي وأعبر بنا سبع البحور علّي أدير البوصلة و أنت الله الله فالزهـاب أنا سمعت أنك تحديـت الذيابـة و النمـور و العام لك قلب خضر و اليوم ما كنك شباب لاهنتي |
صح لسانك...
|
لا هنتو على مروركم اخوي الهتلاني
و فديت العجماااان .. |
رديه حلوه من العيار الخفيف
صح لسان القحطاني ولاهنتي ياراعية الذووود على التميز والنقل |
و لا هنت اخي محمد الشامري على مرورك العطر ,,,,
|
عز الله انها حلوه
بس لوانها بالفيديو وااذا لقيتي الفيديو حطيه لنا الله يجزاش خير |
لا والله ما عينت و لو عينت ابشر على ذا الخشم ,,,
و لا هنت على مرورك الطيب ,,,, |
راعيـــة الذوووود لاهنـــتي جلعش تحيـــن على نقـــل ذا الرديـــة...
|
راعية الذووود لاهنتي على نقل ذا الردية الرأئعة
|
الوقت في المنتدى حسب توقيت جرينتش +3 الساعة الآن 03:40 AM . |
مجالس العجمان الرسمي