يا بنت انا سني تعدى الثلاثين = وانتي على ما ظن في نصف سنــــــــّي
بيني وبينك فرق في العمر يا زين= ولا اعتقد في الحب ترضين عنـــــّي
الفرق نصف العمر وش با تقولين= بنيّه وشايب حبهم ما يســــنّـــــّي
جيلي وجيلك يختلف يا اريش العين= وافكارنا ما تتفق حسب ظنــــــّي
انتي لو اخطيتي خطا ما تلامين = وانا الخطا محسوب لا صار منــــّي
خلاص من حب العذارى المزايين= ما اقول بعد السن ذا يعشقنـــــّي
باب الهوى لا ينفتح بيننا البين = اخاف يلعب بك وانا يمتحنـــــــــــّي
ما في الهوا راحه ولا فيه تطمين = وانا عرفته واخذي العلم منــــّي
راعي الهوا والحب يا بنت مسكين = يقضي الليالي بالسهر والتمنـّي
عزّي لحاله لا ذكر ناس غالين = يمسي من الفرقا عليـــهم يونـّي
ما يستريح الا بشوف المحبين = ولا طواري من قداهم يجنـــــــــّي
يا بنت انا قد خضت كل الميادين = خبرات عندي بالبشر عرفنـــــّي
مريت في الدنيا على الزين والشين= وافراح واحزان الحياه التقنــّي
الزين انا احبه من اول وذلحين = واهل الهوا كلن بسلمـــه يغنـــّي
لكن انا ســــني تعدى الثلاثيـــن = ولا اعتقد في الحب ترضين عنــّي