|
قصيدة الشاعر الكبير علي بن بلال اليامى فى حفلة العجمان
هذه القصيده النادره والحماسيه للشاعر الكبير بن بلال فى حفلة العجمان فى الكويت وفزعتهم المشهوره أمام حشود رجال يام وقبائل كثيره بعد الفوز وهى من ضمن نتائج قصيدة شايب آل شامر ابن عمره يوم زهمهم واللى اوردها الاخ ابوحمد الشامرى . ويقول فيها :---------------
ياسلام الله على الدرع القوي الضافـى=جمع يام اللى لمعاصير الدول نبراسـه وللجميع اثنى سلامى من ضمير صافى=ماهمل وبل السحاب وذعذعت نسناسه المواقف والقوافى والحقـوق اصنافـى=والرجال اسماعهـا وقلوبهـا عساسـه والتجارب مدرسه والشرح شرح وافى=والزمان استاد وظروف الحياه دراسـه والجنيهي بالحصاه يطقـه الصرافـى=يحتمى نقد الذهب عن فضته ونحاسـه يا(وعيل)(هشام)(مذكر)(يام) رمزاسلافى=ياملينت الحديـد اللـى قـوي باسـه احتزمنا واعتزينـا بالجمـوع اردافـى=الوفا من طبعنـا ومجدديـن ارماسـه ارثـوه شيوخنـا وابطالنـا العرافـي=من زمـان الجبخـان مولـع مقباسـه ياهل الميقاف جينـا ساعـة الميقافـى=حامسين الشعر حمس البن فى محماسه حمي راسى من حماسى وابتديت بقافى=لاقصر عن مستحق ولايساق دساسـه كلنا (العجمان) حتى نبـدى المشرافـى=وكل من سود الليالى ماتغبـي راسـه ومن وفا مع يام من يام الوفا يستافـى=وانتم أهل كويت ثوب العز يـا لباسـه وسلامتكم ،،،،،، منقول من الشامري |
الله يعطيك العافيه
صح السان من قالها تحياتي :) |
لا هنت يا ابو سالم على القصيدة الجزله بيض الله وجهك يا السنافي وصح لسانك ولسان ابو سلطان علي بن بلال
|
صح لسان ابوسلطان على القصيدة الجزله ... ولاهنت يابوسالم على النقل الموفق
|
ياسلام الله على الدرع القوي الضافـى
جمع يام اللى لمعاصير الدول نبراسـه وللجميع اثنى سلامى من ضمير صافى ماهمل وبل السحاب وذعذعت نسناسـه المواقف والقوافى والحقـوق اصنافـى والرجال اسماعها وقلوبهـا عساسـه والتجارب مدرسه والشرح شرح وافـى والزمان استاد وظروف الحياه دراسـه قصيــــــــــــــــــــــــــــــده جميله جدا يا بو ســــــــــالم والاجمل من قيلت فيه ..لك خالص الشكر والتقدير |
الاخ راكان اليامي
لاهنت على القصيده الطيبه من لسان جزل كلنا (العجمان) حتى نبدى المشرافـى وكل من سود الليالى ماتغبـي راسـه ومن وفا مع يام من يام الوفا يستافـى وانتم أهل كويت ثوب العز يـا لباسـه نعم كلام جزل تقبل سلاااااااااااااامي |
هلا وغلا يامونامورا والله يعافيك يالغاليه
|
هلاا وغلا يابو حمد وتسلم على الرد يالغالي وصح بدنك
|
هلاا وغلا يالعنيد وتسلم على الرد يالغالي
|
اررررررحب يابو عبدالله وتسلم على الرد ياذيب
|
| الوقت في المنتدى حسب توقيت جرينتش +3 الساعة الآن 04:52 PM . |
مجالس العجمان الرسمي