هلا يامرحبا باللي حظر في منتدى العجمان = تراحيب المطر لاهل ودانن من سحابه
هلا يامرحبا ترحيب من قلبي نطقه لسان = نظمته في قصيده ثم جاء فكري وغنٌابه
بإسم الاعضاء وريسهم ترا سلطان بن سلمان = وهو ريسهم الفخري . ويفخر منتدانا به
وسلام الله على يام وعوال وعيل والعجمان = سلام مايخجل من تكلم به وحيابه
سلام فيه ريح الخزم والوسمي على الصمان = بعد عشرين مع عشرين جات الذود ترعابه
سلام يهفي الهافي سلام يدحر الشيطان = سلام يجعل الضايق يحاول يمسك اعصابه
سلام يشرح الخاطر سلام يرضي الزعلان = سلام يجعل الرجال دايم يكرم اصحابه
سلامٍ لذته تسوى شراب الماء وأناء عطشان = بعد ماينبني بيت الشعر ونمسس أطنابه
سلامٍ وافي قدره ولا زود ولا نقصان = سلامٍ ينصي الطيب يجي ياقف على بابه
وانا ربعي هل السمراء مدحهم قبلنا راكان = لهم فعلٍ بعرض الصلب حتى اليوم يحكابه
ترا حنا المخيلة جات تمطر من طرف نجران = لهم يوم على العدوان شد الشيخ بأسبابه
ولو بذكر فعل ربعي يطول الشرح في الديوان = ولكن يكفي انكم ياعوال عجيم عصابه
نعم ربعي وبني عمي وحزامي في الزمن لو شان= أهل وقفه..وأهل فزعة.. وأهل مجدٍ يمارابه
وفزعتكم لمنها جات .. كأنها النور لامن بان = ماهي تأتي تخفي عندنا ولا بطلابه
ليا من ذكرو العجمان تسمع طاري الشجعان = أقوله صادق في ذمتي ماقصدي أرقابه
وجمعتكم تترجم فعلكم في ماضي الازمان = عسى الله مايفرقكم ويجعلكم من احبابه
وسلام الله على يام وعوال وعيل والعجمان = سلام مايخجل من تكلم به وحيابه