|
((ماهو بخل لكن مبدأ!!))
11 سالفة 11 عندما تحاسب عند كاشير الجمعية .. شي طبيعي .. أو خلنا نقول معتاد عليه .. إنك بعد ماتخلص يكون فيه عامل جمعية (بعض الناس يسمونه حمّالي) بالشدة على الميم ينتظرك بدون إشارة منك ليحمل لك أغراضك ..حتى لو كانت أغراضك تُحمل في 3 أكياس جمعية.. يحمل عنك الأغراض برسم الخدمة إلى السيارة << اللي واقفة طبعا عند باب الجمعية تقول ماهي مشكلة مالي خلق أشيل شي << ومن العجز ماقتل وضعت الأغراض بالسيارة .. أوكي تبي تحرك تروح البيت بعد هذا المشوار المتعب ماتاخذ وإلا بريق عيون المسكين الفقير:( ينبهك لغلطه فادحة ماعطيييييته الإكرامية!!!! :eek: فتتلاحق على عمرك وتعطيه ربع دينار كويتي .. ماتاخذ وإلا عيونه كلها شرر .. شنو هزا بابا:mad: << هذا واحد طماع طبعا .. يبي أكثر الأخ خلنا نصير كرماء وياه ونعطيه 1 دينار .. مر عليه 10 كرماء في هاليوم << هذا على سبيل المثال وهو طبعا يمر عليه أكثر هذي 10 دنانير في اليوم .. و300 دينار في الشهر .. يعني هذا كله فوق معاشه اللي مايتعدى 60 دينار حنا نقول فقير مسكين .. وهو أصلا غني و شبعان بعد z10 مرة دكتورة قالت لنا سالفة: تقول وهي داخلة الجمعية .. شافت وحدة طالعة ووراها عامل جمعية الوضع لحد الآن طبيعي .. بس وين المضحك واللي يغيض .. إنه حامل كيس واحد فقط !!!! :020: 22 سالفة ثانية بالجمعية 22 سؤال يحتاج لجواب: لماذا يضع عامل الجمعية كل علبتين في كيس .. بدل عشرة في كيس؟؟:53t: عجيب والله!! يمكن يبي يزيد عدد الأكياس البلاستيكية.. ألايعلم أنه يزيد من تلوث البيئة!! بعض دول العالم في جمعياتهم << أكثرها الأجنبية طبعا لايوجد من يحمل عنك أغراضك .. وتوجد أكياس ورقية .. ولا تقدم مجانا .. بل أنت من تشتريها!! تقول متى أستعين بالعامل؟؟ أقولك متى .. إذا كانت مثلا الأغراض كثيرة بحيث لاتُحمل إلابعربانة واحدة! والـــلـــه!! إن فينا دلع وغرور وعجز فاق الطبيعي!! طبعا الحديث هنا يستثني كبار السن .. وذوي الإحتياجات الخاصة لكن الإستغراب هنا !! إن كان فيني حيل وأخلي غيري يشيل ماهو بخل لكنه مبدأ! إسمحوا لي لصراحتي .. لاأعلم إن كان هناك من يوافقني عليها؟؟ أختكم/ ســراب |
رد: ((ماهو بخل لكن مبدأ!!))
بارك الله فيك
كلامك منطقي وحقيقي\\حتى بالأسواق يفتر وراك بابا يشيل أغراض سبحان الله وين إيديني الحمدلله موجودع وأقدر أشيل فيها طالما الإنسان بصحته وعافيته ليه ما يعمل والناس يقولون فينا ضغط وسكري وكرسترول كل هذا من الكسل أعتذر عن الإطاله |
رد: ((ماهو بخل لكن مبدأ!!))
لاهنت....ياسراب....يعطيش العافية...
مانع الوعيلي |
رد: ((ماهو بخل لكن مبدأ!!))
سراب
مرحبا بك مع هذا المشهد الذي بالتأكيد مر على الكل...وبالنسبة لي ولله الحمد ماحب أحد يمسك اغراضي يعني اخدم نفسك بنفسك :)...والسبب الثاني أنني ضد كثرة العمالة وتمسكنها والبلاوي ماشفناها الابعدهم والمعذرة للاطـــــــالة تحيتي لقلمك الواقعي |
رد: ((ماهو بخل لكن مبدأ!!))
لافض فوك..... عزالله صدقتي اختي الكريمه....ونسأل الله السلامه الواحد فينا مايقدر او بالاحرى متعاجز عن حمل هذا الكيس ...الله لايزيلها من نعمه...ولكن هذا يسمونه مرض الاتكال والكسل..... ولكن عندي نقطه اود اضافتها اختي الكريمه... يصدف في بعض المرات....اذا حاسبنا الكاشير ...تكون هناك...خرده...واكثرنا لايعيرها اي اهتمام... ولكن هي ذات اهميه اذا فعلنا او احيينا فيها صفه هي ممكن غائبه عن كثير من الناس... اختي الكريمه...لو انك اعطيتي هذا العامل الذي هو موضوع اساسا ليحمل الاكياس ويستلم على هذا العمل اجره كل شهر..... ولكن قبل ان نعطيه هذه الخرده التي لا نلقي لها بال ولكن في نفس الوقت....ننوي انها صدقه لنا...ولوالدينا.... ونحتسب الاجر من الله ....اليس ذالك افضل بكثير...من انفاقها بدون احتساب نية الصدقه....والصدقه بعشر امثالها.... اختي الكريمه انتي تقولين غني ....وثلاث مئة دينار....... ولكن تذكري....غلاء الاسعار علينا نحن الذي اقل واحد فينا معاشه.....700 دينار كويتي ...ونحن نتشكا من غلاء الاسعار....والغلاء المعيشي..... وحديثي ليس في هذه النقطه لانها تتوجب صفحات من النقاش.... ولكن تخيلي كل ثلاث ايام انتي خارجه من الجمعيه ...ومتصدقه...على هذا البنقالي بربع دينار.... فكم من الصدقه سوف تجنين في الشهر...والحسنه بعشر...امثالها..... واخيرا بارك الله فيكي على الموضوع القيم...والجميل.... والاختلاف في الرائ لايفسد في الود قضيه.....وسمحيلي على الاطاله |
رد: ((ماهو بخل لكن مبدأ!!))
لا بالعكس لاإطالة ولاشي رأيكم جميعا يهمني في هالمسألة وأحترمه ----- في الأسواق وفي كل مكان بعد. واساس الكسل .. كثرة العمالة اللي أثاره السلبية واضحه في المجتمع .. وطبعا هالشيء ولّد الإعـــتماد على الغير!! نعيش في مجتمع إجمالي العمالة فيه أكثر من السكان نفسهم!!!! :53t: عسى ربي يفكنا بس من هالزيادة! جزاك الله خير أخوي السنافي1 لمشاركتنا رأيك الكريم بمرورك الطيب |
رد: ((ماهو بخل لكن مبدأ!!))
يعافيك أخوي مانع الوعيلي لاهنت لمرورك الطيب |
رد: ((ماهو بخل لكن مبدأ!!))
أوووف من ناحية كثرة العمالة وبلاويها .. كثري منها!! المشكلة وين؟؟ .. إننا أي شي نطيح عليه .. إما ننفذ سلبياته مباشرة أو نساعد على نشر تلك السلبيات! شكراً غاليتي الغروب لمروركِ الندي بإطلالة بحروفكِ وشكرأ أيضا لإبداء رأيكِ الذي أحترمه وجزاكِ الله خيراً :21t::21t: |
رد: ((ماهو بخل لكن مبدأ!!))
الاختلاف في الرأي لايفسد في الود قضيه. أختلف معك في نقطة! مبدأ الصدقة .. من الناحية الشرعية والإنسانية والقانونية .. مباحة .. وأنا معها بالطبع تقول يتبقى بعض الخردة .. صحيح! .. لانحتاجها .. صحيح! لكن إذا بغيت أتصدق فيها .. البنغالي آخر واحد أفكر أتصدق له! والله ياأخ ناصر .. هم ناس لو دروا عنهم هوليوود لعطوهم الأوسكار منذ مبطي! أنا لاأؤيد الصدقة لمن لايستحقها .. هذا رأيي! أحس أفضل إني أتأكد إن صدقتي راحت لأناس يستحقونها أفضل من أنها تضيع! طبعا الأجر هو! هو! .. مادامت النية صافية بس أحس الأفضل هنا التصدق للأقربون بدون علنية .. بنية الصدقة والحصول على الأجر من الله .. هنا لايضيع المال! ----- مجرد رأي!! :53t: ومشكور أخوي ناصر لطيب مرورك يشرفني تواجد رأيك هنا بل وأحترمه جزاك الله خيراً |
رد: ((ماهو بخل لكن مبدأ!!))
|
| الوقت في المنتدى حسب توقيت جرينتش +3 الساعة الآن 06:45 PM . |
مجالس العجمان الرسمي