شاعر الاحساس بدر ال شافي [و] لاتوادعني
لاتوادعني ولا تعلن رحيلك=لاتقول إنه بدآ وقت الوداعي والله إني مانويت أطلق سبيلك=ماتفكر في غرامي وإلتياعي أطلبك ياغايتي تكفى دخيلك=لاتفارق عاشقك من غير داعي ليه تنوي تبتعد ياقو حيلك=ماتروف ابحال قلبي ماتراعي لو نلف الكون مانلقىآ بديلك=لا على قاعك ولا حتى بقاعي كيف تنسى واحد(ن) كان ايحكيلك=بالمحبه والغلا مابه خداعي كيف تنسى يوم تنثرلي جديلك=واتلاعب فيه وأمسكه ابذراعي كيف تنسى يوم أنا كنت اشتكيلك=عن سهر ليلي وأنا بالليل واعي كيف تنسى يوم تدعيني وأجيلك=وأمشي ابدربك ولو فيه الافاعي كيف تنسى من يجيلك ويعنيلك=لاأمرته بالمجي (أمرك مطاعي) كنت أنا اللي ساهر(ن) صبحك وليلك=كنت أخفي لك همومي والوجاعي كنت تقـتلني وأنا دايم قتيلك=لو أنا في ساحة الهيه شجاعي شحت ايدينك وأنا طالب قليلك=أبدي ابوصلي وتبدا بالقطاعي ياحبيبي منيتي كمل جميلك=لاتطرُي للمفارق والوداعي !! |
رد: شاعر الاحساس بدر ال شافي [و] لاتوادعني
لاهنتي يابنت عز على نقل القصيده الرائعه ويعطيش الف عافيه
|
رد: شاعر الاحساس بدر ال شافي [و] لاتوادعني
{{ بنــت عــز }} / \ / مشكوره على هالقصيده الرائـ ع ـه الله يـ ع ـطيكـِ الـ ع ـافيه وعساكـِ على القوه ننتظر جديدكـِ المميز / \ / كل التحـــيهـ |
رد: شاعر الاحساس بدر ال شافي [و] لاتوادعني
الله يعافيك ياخوي مانع وشكرا طال عمرك
|
رد: شاعر الاحساس بدر ال شافي [و] لاتوادعني
شكرا يامراقبتنا ناثرة الورد ولاهنتي على حضورش الجميل
|
رد: شاعر الاحساس بدر ال شافي [و] لاتوادعني
كنت تقـتلني وأنا دايم قتيلك=لو أنا في ساحة الهيه شجاعي شحت ايدينك وأنا طالب قليلك=أبدي ابوصلي وتبدا بالقطاعي الله الله ,, صح لسانك و لسانه ,, تقديري و إحترامي ,, |
الوقت في المنتدى حسب توقيت جرينتش +3 الساعة الآن 06:37 AM . |
مجالس العجمان الرسمي