ما كِنّي آآعرفـه ولا كِنّـي ابغيهـ = وأنا عليه من أمه آآحـب وأجرى
ياكثرهـا تسليمـةٍ يـوم ألاآآقـيهـ = لي عين تكتب له وله عين تقـرأ
ولا حل طاريّه تجاهلـت طاريهـ = ماكِنّي أدري عنه وانا بـه ادرى
لا أسولف بحبه ولاني بكانيهـ = وغيري لو إنه يوالفه كان هـذرى
لايحسبنـي يـوم قفيـت ناسـيهـ = لعيونـه إني ماتحاليـت عـذرا
ليت الزمن يرجع وأنا أعلمـه ليـهـ ! = وإلا الحظوظ من المقابيـل تشـرى !
كل العذارى في الوفـا ماتساويهـ = كِنْه اليمين وباقـي الغيـد يسـرى
قولوا له : إني ما أرتضي بالبدل فيهـ = لا مال قارون(ن) ولاعرش كسرى
وأكبردليل إني إلى غاب أحاتيهـ = كم ليلةٍ ماتت على كف مسـرى؟
وإن قالوا إنه شرق وأزريت لا آآجيهـ = وجّهت وجهي كل ما نمت حـدرا