مجالس العجمان الرسمي - رفقاً بالقوارير .. اللي معرسين مبطي ويمونون على بعض لايجون

بنات هذي نصايح لشهر العسل والاتيكيت قسم بالله قريتها قلت الا انقلها لكم وافيدكم مثل مااستفدت < مايجي منش خير :o
ولايمنع ان الشباب يستفيدون لان اكثرهم يسمعون بالاتيكيت ويحسبونه اكل ولاأثاث < مهيب هي ابد اللي فكرت كذا:D
عاد هذي فرصتكم ياشباب ;)

يالله بسم الله نبدي :D

1_ لازم تعرفين إن الشوكة والسكينة يمسكونها مع الطرف
يعني مهوب مع الوسط ولا مع البوز كنها خنجر ولا من فوق طبعًااا

2- الخبز:

اذا جابوه لكم مهوب تفشلينا تمسكين الخبزه بيدينش الثنتين وتقسمينها نصين كنش عند فوال والا تدعسين خبزه وش كبرها في حلقش كنش بتدخلين شريط كاسيت.. لا لا لا تقطعين الخبزه بالسكينه شوي شوي < يوم قلتها لخواتي حذفوني باقرب ماعندهم قلنا اتيكيت بس موللدرجه هذي :D
المهم نكمل تاخذين منها قطع صغيره مع الحمص او غيره بزعمك نفسش مسدوده ياوجه الله http://www.4zz.net/show.php?pic=126687

2-الشوربه
الله يرحم والديش تكفييييين http://www.4zz.net/show.php?pic=126682
الشوربه جزء مهم في جدا.. اشربيها من غير صوت حاره بارده بدون صوت .. ولا تقعدين تنفخينها كنش واحد ينفخ حجر الشيشه .. http://www.4zz.net/show.php?pic=126687

وطبعا بالملعقه مهوب ترفعينها كنش تشربين حليب خلفات في غظاره؟؟
وتتركين ثلث الصحن مليان مهوب تلطينها لط كنش جايه من الصومال :D

4- الرز
تاكلينه بالشوكه .. ايه بالشوكه مهوب بالملعقه .. ويكون اكلش كنش تبوسينه مهوب تاكلينه.. وانسي اللقم اللي تدلقمينها في بيتكم ولو مؤقتا < فاضحه حركاتكم يالبنات :D

5-المكرونه
هذي بعد بالشوكه مهوب بالملعقه
تلفينها على طرف الشوكه وتحطينها في بحلقش وانتي ساكته وبدون صوت.. والا ترى ما تدرين الا الهيئه طابه في بطنش انتي وزوجش اللي ما له ذنب < كني جبت العيد هنا http://www.4zz.net/show.php?pic=126684

6-السمك..
تشيلين اللحم عن الشوك وشلون مدري..
واذا خلص مهوب تقلبين السمكه للجهه الثانيه عن الشفاحه انتي ووجهش
والا تدرين وش تبين بالسمك؟؟؟
بيخرب كل شي.. تقطيعه غثا واكله غثا .. قولي له انش ما تحبين السمك وافتكي لين الله يفرجها
والا قولي له اني كلته مره وشمت ريحته امي وحسبتني سكرانه < لعنبا الوجه :D خخخخخخخخخ

7-الربيان

اذا شفتيه.. هذا اذا عرفتيه اصلا.. طالعيه بقرف وسوي فيها انش مالتن منه في بيتكم ولايعتن كبدش منه وافتكي منه.. الا ان كانه مقشر وجاهز كلي لك حبتين وبعد ما يغصبش عليها http://www.4zz.net/show.php?pic=126687

8-البطاطس
مهوب تخمين منه بيدش وتسفين.. لا خذيه حبه حبه بالشوكه وتاكلينه وانتي خانقتش العبره انش خربتي برنامجش الغذائي< ايه هين :D

9-الفاكهه

لو اكلتي فاكهه فيه بذور مهوب تقعدين تتفلينها بوجه الرجال.. طلعيها من فمك بالراحه وكنك تمسحينه وحطيها بمنديل بدون ما يشوفها -ok-

10- الحلى
طبعا ارفضي رفضا قاطعا انه يطب بطنش الا ان كان زوجش حلف بالطلاق ان تاكلين.. وفي الحاله هذي اذا كان الحلى كيك مثلا بطرف الشوكه تاخذين لش ريحه منه قدامه بس عن الحلف والا انتي تدعين عليه يضربه بطنه ويروح للحمام علشان تاكلينه :D

11- اذا خلصتوا حطي ايدش على بطنك ..اللي يا حياتي تقرقر من العينات الخفيفه اللي كلتيها وقولي له الله يهديك خليتني اخرب برنامجي الغذائي ..لازم اوقف اكل اسبوع :o

بعدين تاخذين الفوطه اللي دايم على الطاوله مدري وش سنعها وتبوسيها ينقال لش تمسحين خشتش برقه ودلع :o

12- بعدين تستاذنين منه انش بتروحين لدورة المياه تضبطين مكياجش وترتبين نفسش :o
واول ما تدخلينها تسكرين الباب

0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
000000
0000
00
0

وتطلعين المطبق والفلافل اللي خاشتها بكيس في الشنطه

وتسفينها سفا مبرحا

وبالهناء والشفاء :D

كلمة راس للشبيبه :o
- شباب خفو على البنيات بهالفتره ولاتقعدون تدققون في كل شي يعني ماعمر البنت كلت برى بيتهم وان سوتها تكون متغديه ولامتعشيه بالبر وش عرفها بالشوكه والسكين ولوازمها :o
- تكفون احلفو عالبنت انها تاكل تراها ودها وميته عالاكل مير مستحيه احلفووو عليييها :D
- اللي معرس من زمان ويمون على مرته وهي تمون عليه ماينفعهم هالموضوع لانهم عادي يشرب اللبن ويبقى على شاربه عااادي < هذا اذا كان فيه شارب عقب موضة جطل الشوارب :o
يمووون وهي تدلقم اللقمه وتسف نص الصحن قدامه عااادي < امحق عرب تقول كل واحد يتحدى الثاني وشلون يسد نفسه :D
[fot1]- رفقاً بالقوارير
[/fot1] http://www.4zz.net/show.php?pic=126687