اقفت بهم حمر المراكب عـن الدار= ومن عقبهم عيني تهل العــــــباري
اثـر المـفارق بـين الاحبـاب جــبار= كم واحد (ن) دمعه من البعد جاري
ثارك بقلبي والمشاعر لهــا ثار=ودي بثاري لو يغيب انتصاري
هذا قراري لتعجب وتحتار .= ولو كان حبك ... مااغير قراري
اقفت بك الايام والوقت دوار=وانا بعد فرقاك شفت العزاري
مانيب ناسي منك لو صار ماصار.=حبك ختم بالقلب ختمٍ وزاري
قفوا وخلوني مع الهم منهار=.هاجوس فكري يذبحنا الطواري
انشهد اني آآمن بحكم الأقدار=الحكم حكم الله على الكل ساري
أقفو وانا قلبي من البعد محتار=ولا عاد اميز ليلتي من نهاري
واليوم مالي حاجتن بك ياذالدار=قدني على قطع المسافات ضاري
من دارهم تقطعت كل الاخبار=والياس بانت له عليه مواري
والله لولا الخوف من واهج النار=لا اودع الدنيا واروح انتحاري
على وليف(ن) للمواثيق بوار = اللي خذا زينٍ بكثره يماري
ابو عيـونٍ كنـها عـين طيـــــــار = مـادربـوه الا لـصيد الحباري
والمبسم اللي تحته اللولواسطار= الى ضحك يذبح ولا هو بداري
وعنقٍ الى قسته يجي عدت اشبار = والا النحر كنه وسيع البراري
والخصر خصر اللي تقند بمسمار = صفراً من الرسلان ماهي تجاري
لو آصفه فالوصف والله لا احتار =عجزت لاالقى له شبيه(ن) مجاري