ياسلام الله على الى يجيبون العلوم=الرجال الى ليا جات معها اخبارها
يوم انا قسمى معاها من اخيار القسوم=والحرار اطير ون وقعت بوكارها

يامرحبا ترحيةٍ تنعش الروح=قد قالها ابونمر والبال مشروح
يانمر مافي صكة الباب مصلوح=بـســم الله الـرحـمـن وبـلـيـس مـلـعــون

مرحبا وعداد ما الطير في العليا يحوم= بالرجال اللي لياجات شبة نارها
لادخلنا السوق يابدر با لغالي نسوم=هات علمك والبلد صرت من تجارها

لانشدت الناس قالولى احبيب يصوم=وحسب انه صام فى ليلها ونهارها
انت ياحبيب توقف لها وقت اللزوم=بس شفت الطايره طاحت وطيارها

بنت الهوا ياناس كلن يبيها= والعود ماله يالربع حيل فيها
وانا حبيب دونها محتميها=بـســمالله الـرحـمـن وبـلـيــس مـلـعــون

والله اني صايم وكل ماشفت الخصوم =قلت يالله تبعد اديارنا عن دارها
الشهاده فخر منك عسى عمرك يدوم= والبيوت الثابته مايهد جدارها

من بغاها يعتلى فوق من فوق النجوم=وانت ما نظلمك بالخير ظمن اخيارها
والعميد ايحوف والظاهر ايعد الهجوم=وصاحبه غشام وده يعرف اسرارها

البنت ماتبغيك لاصرت شايب=واللي سواتك من هوى البيض تايب
بكره على راسك نحط النصايب=بسم الله الرحمن وبليس ملعـون

اعتلينا يابدر والطمانه للرخوم=وانت مثلك يعرف اقيامها واسعارها
والنعم بالربع ياصاحبي ربعٍ قروم=غير انا قدامهم قد قطفت اثمارها

نفذ الاحكام يلى تحت لمر امحكوم=وحذر امن ام الكباير لا طقت طارها
ماعلينا منهم عندنا فرك الخشوم= يحبيب اظبط ام الشبب بعيارها

اخذتها بالغصب حسب اختياري = ومن دونها ياصاحبي بالسواري
وفرخ الحباري يالسنافي حباري=بسم الله الرحمن وبليس ملعون
زلة الشايب تمشى على شان السلوم= يوم اروح ايمينها كيف راح ايسارها
انتبه ياصاحبي بدر عينك لاتنوم=دلتك ياصاحبي انتبه لبهارها