قم ياعويضه يابن وقدان=جتك القصايد باليقيني
جاتك على كفين وأعيان=جاتك من اللي محتويني
ياالصاحب اللي ماله أثنان=في كوكب اللي عايشيني
كل ماهجرت الحب ينزان=وكل ماقربته لي يشيني
هذا ترى حالي من أزمان=عله تعل الجاش فيني
والله لو هو غالي أثمان=لأشريه وأشري من يبيني
مني سلام القوم عجمان=ربع(ن) على رأسي وعيني

علم(ن) لفاني به كحيلان=نسل الرجال الغانميني
حاز المراجل طيب وأحسان=أحمد عسى حظه يزيني
أن طاب حظك منت شقيان=وأن خاب جعل الله يعيني
جاء يشتكي من هجر خلان=والحب قبله مبتليني
الحب له بيت(ن) وسيسان=والوصل له حبل(ن) متيني
مره تعيشه وأنت نشوان=ومرات له جرح(ن) مكيني
اللي جفاك اليوم خسران=خسران وأمن الضايعيني
ختامها ياطير حوران=أهديت لك علم(ن) ثميني