لا شفت نوّ ً عريض و شفـت برّاقـه=و جا للرعـد فـي مقاديمـه ترزّامـي
وسم ٍ بكور و تباشربـه هـل الناقـة=سيله يشق الطعوس الحُمـر لا عامـي
لا شلّعو خلّو الشـاوي علـى الساقـه=يبغون نبت الوسامي قبـل الاغنامـي
عيني لـشوف الفجوج الخُضر مشتاقه=فيه ام سالـم تجـر الصـوت قدامـي
و معنا اشقر ٍ لا طلع هدّيـت مسباقـه=و اومى عليهن يهـز الريـش لزّامـي
و الجيب مع ساقتـه يجلـده سواقـه=و الخرب من قو ضربه طاح ما قامـي
غيـره طيـور ٍ تـرد الشـرد لحّاقـه=لكن طبع الوحـش نـزر ٍ و حوّامـي
راعيه من شين طبعه ضيّـق اخلاقـه=ليته قعد عندهـم مـا جابـه الشامـي
طير ٍ نحبـه و طيـر ٍ نبغـي إفراقـه=مـن جنبـه عايفـه مهـوب ينلامـي