ويل حالي كل ماطرو منيره = جادل قفت بقلبي من حلاها
ان جفتني صارت احوالي دميره = وان دعتني قلت لبيه لهلاها
كنها للحب مرسوله سفيره =واليتني سعد ابو رجل ولاها
بد خلق الله بالخافق جديره = مهرة تجفل بقلبي في خلاها
الدلع كنه لعانه تستثيره = والغنج زايد وانا طحت بصلاها
شعرها الخمري شذى فله عبيره =مغري لو تعتلي فوق اعتلاها
والعيون رماح وسيوف شطيره = والحلى تملاه لين انه ملاها
طولها فارع وركزتها مثيره =فتنت كن القمر ضمن اعملاها
من نظرها مايفكر في مصيره = تمرة يقرا عليها من كلاها
ان تثنت قلت يا الله بالستيره = يابري حالي ويا وجدي علاها
كونت في داخلي قصر وديره = تحتميها من فلاها لي فلاها
بنت شيخ ومن شيوخ ومن عشيره = عزوة كل العرب تحذر بلاها
عيد ميلادش سعيد يا منيره = يا هنوف يسكن الخافق غلاها

المشاركة الأصلية كتبت بواسطة {بدر العجمى} ياسلام يا الكايد صح السانك جزاله وتمكن ومنيره ذى خطيررره اربها بعيد منا هههههه

المشاركة الأصلية كتبت بواسطة حبيب من نظرها مايفكر في مصيره تمرة يقرا عليها من كلاها الكايد جزل جزل والقصيده جزله لاهنت وسجل اعجابي يالكايد ولاتحرمنااااااااااااا من جديدك يالسنافي

المشاركة الأصلية كتبت بواسطة فهد بن محسن الاخ الكايد صح لسانك ولا هنت يالغالي على القصيده صح لسانك يالكايد تحياتي لك