ايقول بن سلمى يوم حـده زمانـه حـد = حداه الزمان الشين ليـن أوصلـه حـده
تصارع مع الأيـام مابيـن جـزر ومـد = وموج الدهر ملعون جـزره علـى مـدَّه
يخليـك لاترتـاح ساعـه ولا تسـعـد = ولا تـدري إنـك تايـه إلا بعـد مـده
ويخلي رفيقك لا بدت حاجتك بـه صـد = ولا كنه مـن صلبـك ولا عـدك بعـده
لاكن كل مطنـوخ شجـاع وطايـل يـد = إلا أحتجت له فالضيـق ماترتخـي يـده
سلامي على اللي لا وقف للهجوم إيصـد = إلا واصلـت الأيـام هجماتهـا صــده
تصـدى لهجمـات الليالـي عليـه ورد = هجوم(ن)عنيف وجات عكس(ن)ومرتـده
وأنا يوم جربت العرب شفت نقص(ن)وند = وكل(ن)من العربان معـروف مـن نـده
ترى اللاش مانحسب إحسابه ولوهو ضد = ونحسب إحساب الند وان قابـل إنضـده
وندي من الأصحاب يمشي علـى مـاأود = وأنا والله إن أدراه وأمشـي علـى وده
ولو أختلف ويـاه فـي مـزح ولا جـد = علي الطلاق إن كـان عديـت لا أعـده
ولا أحتاجني ولا نصانـي وهـو محتـد = حرام(ن)علي لا أقـوم والـلازم أسـده
كـلام المجـرب والمجـرب بكفـه شـد = احبال التجارب يوم ولـد الـلاش هـده
ولولا التجارب والنصايح مـن إب وجـد = قعدنـا بـهـا ولا بـعـد صابـنـا رده
وترى من كسره الوقت يلزم عليه يـرد = كـذا فالكسيـره قالـو إتعـوض الـرده

حجز أول


صح الله لسانك وأنا عادني ما قريت ولا حرف منها

منت بجايب إلا الجزل يالجزل




تقبل مروري