|
عقب المعزه....؟
بسم الله الرحمن الرحيم
السلام عليكم ورحمة الله وبركاته هذه الحكاية لفتاة من الباديه يقول الراوي . . . أن هذه الفتاة دارت الدنيا على أهلها وكانت ابنة شيوخ معروفين وحصل أن أغار قوم وقتلوا أهلها كلهم وهربت هي وعبدها من القتل . . . وهناك رواية أخرى تقول أنها رحلت من قبيلتها إلى قبيلة أخرى وكان معها عبدها يقوم بخدمتها ووصلهما الخبر وهما بالطريق أن والدها قتل . . . خلاصة الحكاية أن العبد تجبر على عمته بعد أن عرف نكبتها بأهلها وبدلاً من أن يخدمها أصبح يأمرها بخدمته وبالغ بإذلالها . . . وفي ليلة سهرت وهي تبكي على ما جرى لها وعلى دورات الأيام . . . فأمرها العبد بأن تنام . . . فأنشدت تقول :
هنيكـم يـا أهـل القلـوب المريحـة= وما لوم عينـي لو جـرى دمعهـا دم أبكـي هلـي أهـل الـدلال المليحـه= وأخوانـي اللـي كـل ما قلطـوا تم يا لعبد هذي من حكـايات الفضيحـة= خل السهـر لي وأنت يا لعبـد قـم نم مـن أولـن نامـر تجيـب الذبيحـة=واليوم يا عبد الخطـا صـرت لي عم وفي الصباح راح يوقظها فوجدها جثة هامدة .... |
لاهنت ياوسيع البنايد وهذي القصيده كامله وهي ل نوره الرشيد بنهايه حكم الرشيد
ابكي هلي هل العلوم المليحه==ولا الوم عيني لو بكت دمعها دم اخواني ابكي علي القصور الفليحه==اخواني اللي لابغوا لازم تم ياما انتخو باسمي لياحل صيحه==اليا انتخو بي كافر الجن يسلم اسمي كما نجم ضرب قاع بيحه==او الصواقع يوم للضلع ترجم نوره انا بنت الشيوخ الفليحه==ابوي حاكم واخوتي صفوه الجم ياحيف حايل فارقن ريح شيحه==بذيك الشغايا تقل ماقيل لي سم محمد الطلال اللي جرح القريحه==وناس بنا خانو وناس بنا نم خانوا بحايل كاسبين للفضيحه==واهل العمايم جعلهم في جهنم اهل العمايم يدعون النصيحه==جهال بدو ماتعرف التيمم يالعبد عقب العز كبدي جريحه==حب الوطن يالعبد من عصر ادم يالعبدماهي من حكايا الفضيحه==خل السهر لي وانت يالعبد قم نم من اول نامر تجيب الذبيحه==واليوم يا عصر الندم صرت لي عم |
لا هنت يا وسيع البنايد على القصة والقصيدة الرائعة والمؤثرة والدنيا تدور باهلها مره ملك وعزة ومرة الاخرى ذل.
ما قصرت يا السنافي |
من اول نامر تجيب الذبيحه==واليوم يا عصر الندم صرت لي عم
لعنبا ذا العبد وصح لسان نوره وكيبووورد من ناقلها لعندناا تسلم والله يا خوي وهل من مزييييييد ؟؟ تحياتي بووح |
الله عليك يا وسيع البنايد ووالله سالفه رائعه وقصيده اروع لا هنت يالغالي ونترقب ابداعاتك تقبل تحياتي.
|
| الوقت في المنتدى حسب توقيت جرينتش +3 الساعة الآن 09:20 AM . |
مجالس العجمان الرسمي