|
هاجس الذكرى
http://www.abyat.com/pictures/hamad-bn-ftais.jpg للشاعــر حمد بن فطيــس المــري كل ماجيت من غيرك مكان جديد .....اتذكر على شانك قديم المكان واطرب لهاجس الذكرى وابيها تزيد .....ياهواجيس يا ذكرى تراني ضمان قبل اجي مدهلٍ لك والمشاعر جليد ........اتذكر من اسباب المكان الزمان ما تخيّلت قلبي من همومه وحيد ....كن همي على فرقاك يضفي حنان يا هبوب لفتني والمسافه بعيد .....ارسلي له من النسمه صحيح البيان كنت احسب اجتماعي بكل طويل ومديد .....الليالي مع الدنيا بليّا ضمان ما سلم من الدنيا الرضيع الوليد ......كيف باسلم واراهن عليها رهان الحياة الزهيده منقبلها زهيد .....مارضى تبعت السيسان كون الجبان من بغى المرقب العالي وراسه عنيد .....يتصبر على وقته والى شان زان الليالي ولو قفت تراها تعيد .....كل ذكرى وتبقى مثل شاهد عيان لو ما غير المسافه لا تقطع البيد بيد .....اقطع الدرب كله لين اجيك احبيان اذكر انك مشيت ويوم فرقاك عيد .....عيد الاضحى وعيد فيه فرقاك شان والله انك على بالي وربي شهيد ....وان ذكراك لا حلّت تهز الكيان وانك اللي تولّى عرش قلبي وكيد .....وان الاريا بعد ما اقفت تبين سمان لا سقى الله يوم فيه شبت وقيد ..... نار فرقاك وارخيت الرسن والعنان تحياتى لكم اخيكم راشد المري |
لا هنت يا راشد المري على القصيدة الرائعه وصح لسانك ولسان الشاعر المبدع حمد بن فطيس
|
الاخ \ راشد المري
تسلم يالغالي على اختيار قصائد الشاعر \ حمد بن فطيس .. فهو شاعر معروف على مستوى الخليج تحياتي لك ياراشد |
الله لايهينكم ياابو حمد يا فهد ومروركم على موضوعي فخر لي واعتز فيه وان شاء الله نقدم لكم كل ماهو مفيد تحياتى لكم اخيكم راشد المري
|
تسلم يا راشـــــــــــد المري
وصح السان الشــــــاعر / حمــــــــد المــــــري |
راشد المري الله لايهينك طال عمرك على النقل لهذه القصيدة الجزله من جزل وصح لسان الشاعر
|
الله يعطيك العافيه وصح السانك والسان من قالها :)
|
صح لسانك ياراشد ولسان قايلها قصيدة رائعه من شاعر اروع
|
لاهنت ياراشد
وصح لسانك ولسان شاعرها اختيااار رائع من شخص رااائع الله لايهينك |
| الوقت في المنتدى حسب توقيت جرينتش +3 الساعة الآن 11:40 PM . |
مجالس العجمان الرسمي