شيلة على شانك.. كلمات وأداء علي الكدادي (مسرعة + عادية)
بسم الله الرحمن الرحيم : أسعد الله أوقاتكم اخواني وأخواتي أعضاء وزوار مجالس قبيلة العجمان الكرام بكل خير.. : غبنا وطالت الغيبة لكن بإذن الله نعوضكم.. ونطيب خواطركم,, : شيلة للشاعر: علي مبارك الكدادي :
سقت رجلي زاير أوطانك =يا حبيب عندنا غالي :جيتي والله على شانك=يا عشير مشغل بالي ضمني يازين بأحضانك=واحتويني يا بعد حالي كم أنا محتاج تحنانك=بعد غيبة وقتها طالي ارحم اللي مابعد خانك=يرحمك معبودنا الوالي ولا تعذبني بـــــهجرانك=بعدكم هـــــم وغربالي لا تطالبني بنسيـــــانك=وأنت لك في القلب منزالي والحــلا والثقل عنـــوانك=وبالوصف تضرب بك أمثـالي وكل شي بالحـــلا زانك=مثل بدر في السماء عالـي فتنـة في نظـرة أعيانــك =ورمش عينك سهم قتالي والورود الحمــــر بأوجــانك=ومبسمك فيها العسل حالي ولمعة البراق بأسنانك=افتنتني فيـك طـــوالي يا حلو المنطوق بلسانك=وتوزن الكلمة بمعدالـي والجديل اللي كسا أمتانك=أســود ناعــــم ويحلالــــــي وآه يــــا توتك ورمانك=شي ما يذكر وينقالي هاضني لبسك وفستانك=يـوم شفتك تمشي قبالي تنثنــــي وتهز بأردانك=في تغطراف وميالي كنك لحالك في بستانك=واثــق الخطـوات تختالي عودك الريان و أغصانك=يـا حبيبي في وظلالي البنـــات البيـــض بوزانـــــك=صفر يا خلي على شمالي وراجـــح بالــــود ميزانـــــك=من قديم الوقت ومن تالي من غلاك أغليت أنا اخوانك=والأبـــو والأم والخالــــــــي فوق هذا حب عمانك=باقـي في القلب مازالي ذا الغلا والله على شانك=وطالبــك يامشغل بالـــي ضمني يا زين بأحضانك =واحتويني يا بعد حالــي الشيلة عادية : : للتحميل من هنا : : الشيلة مسرعة : : للتحميل من هنا : تقبلوا خالص الود والتقدير : 1bh1 |
رد: شيلة على شانك.. كلمات وأداء علي الكدادي (مسرعة + عادية)
لا هنت على القصيدة
|
رد: شيلة على شانك.. كلمات وأداء علي الكدادي (مسرعة + عادية)
لا هنت يا الغالي على الشله
|
رد: شيلة على شانك.. كلمات وأداء علي الكدادي (مسرعة + عادية)
تسلم
لاعدمناك |
الوقت في المنتدى حسب توقيت جرينتش +3 الساعة الآن 01:54 PM . |
مجالس العجمان الرسمي