ياليتني عن حب مثلك .... ترفعت
آسف انا في جيتي لك تسرعت***ظنيت الاقي
فيك شيٍ فقدتـــــه كنت احسبك مجروح مثلي تولعت ***جربت فرقى شخص قلبك وهبتـــه كنت احسبك من مر جرحك تجرعت***حبيت فيك احساس طفلٍ لمحتــــه لو...قلت...اه بوسط روحي توجعت ***ولو شفت دمعاتك شعوري سكبتـــه ولو تطلب اعيوني ابد ما تمنعت ***واعطيك قلبي لو بعد ما طلبتــــه وصلت بك..... اعلى مكان وتربعت***وفي قلب غيري ياالغضي ما وصلتـه واصبر على صدك واشوفك تدلعت ***واعطيك ود وما اظنك حسبتــــه اذهلتني بطباعك اللي ...تطبعت ***حتى قصيدي فيك ابد ما فهمتـــه لو كان غاياتك حروفي فانا بعت ***منك الشعور اللي بنفسي كتبتــــه خل القصايد تنفعك يوم ودعت ***وافرح بجرح الشاعر الي جرحته وأرجوك من صدك تراني تشبعت***خلك مع اللي عاجبك او عجبتــه يكفي قهر في جيتي لك تواضعت***تركت غيرك لجل عينك وبعتــه ياليتني عن حب مثلك... ترفعت ***ياليت قلبي قبل اعرفك دفنتـــه لكن اب ابعد دامني ماتولعت ***الله يرحم حبنا اللي ذبحتـــــه انا شريت الود والحين انا بعت***وانا عطيتك قلبي اللي قهرتـــه في يوم جيتك اطلبك ود واقنعت***نفسي بانك شخص عادي عرفتـه كمل حياتك مثل ما انا توقعت ***تبقى اسير الماضي الي فرضتـه ولا يحزنك اني جبان وتراجعت ***حولك بدالي الف شخصٍ عجبتـه اما انا لا يمكن اخضع ولا طعت ***يحرم على اعطيك قلبٍ خذلتــه باريّحك من شوفتي يوم قاطعت ***اسلوبك اللي بة تجامل كرهتـــه غلطان يا المقفي انا ماتتبعت ***غيري يتابع خطوتي ما تبعتــه ما ينحني راسي لو اني تقطعت ***وما هو بنا من لا رميتة لقطتـه وان كان غرك حكي عذالي وطعت***الله يعلم كيف قلبي سكنتــــه اللي ملا قلبك علي وتسمعت***خله يعوض شخص مثلي خسرته انا بما فية الكفاية تولعـت ***واللي بقى من قلب فيني حرقتـه وان شفتني صدفة بعينك تطلعت ***ذكرتني با نسان غالي فقدتـــه باول لقا سلمتة احساسي وضعت ***غلطت حياتي يوم قلبي سلبتـــه واستسمحك في البعد كاني تراجعت ***ما عاد ابلقى فيك شي نزفتــه وسلالالالالالالامتكم |
رد: ياليتني عن حب مثلك .... ترفعت
ومن قال سالم
صح لسانك .. لاهنت عالقصيده الجزله أبدعت في المعاني والمعنى .. أنتقائك للمفردات جميل جدا دمت في عالي القمه تقبل إعجابي |
رد: ياليتني عن حب مثلك .... ترفعت
الله يديم عزش ويطول عمرش
صح بدنش شرفتي يالشيخه :) |
رد: ياليتني عن حب مثلك .... ترفعت
صح الله لسانك يامحمد بن دويش
ولا هنت على هذا النص الرائع وفقك الله تحياتي لك |
رد: ياليتني عن حب مثلك .... ترفعت
صح بدنك طال عمرك
لاهنت يالسنافي على المرور الروعـه |
رد: ياليتني عن حب مثلك .... ترفعت
صح الله السانك يابن دويش
لاهنت على القصيدة |
رد: ياليتني عن حب مثلك .... ترفعت
صح بدنك يآ الامير
ولا انت نفـداك :) شرفتني :) |
رد: ياليتني عن حب مثلك .... ترفعت
محمد بن دويش
صح الله لسانك وسلمت |
رد: ياليتني عن حب مثلك .... ترفعت
صح بدنش
شرفتي :) |
رد: ياليتني عن حب مثلك .... ترفعت
صح السانك
يا محمد بن دويش تقبل تحياتي |
الوقت في المنتدى حسب توقيت جرينتش +3 الساعة الآن 09:52 PM . |
مجالس العجمان الرسمي