في ما مضى لاقيل في الأرض عجمان .. كلن من الذلة تراعد وريده ...
هذه مرثية للشاعر سعود ابن علي ابن نوطان آل جابر المري في الشيخ راكان ابن (ضيدان-العيينة) ابن حثلين شيخ قبيلة العجمان المتوفي سنة 1402هـ :
سمعت علم كدر البال وشتان=جتنا الجرايد بالعلوم الوكيدة لابالله الا بينوا علم راكان=و رجل لوعت حسرته ما تفيده يا موت ما عينت غير ابو ضيدان=زعيم يام اللي عليهم فقيدة شيخ إليا عدوا رجال لهم شان=يهوم هومات قريب و بعيده مرحوم يا شيخ له المجد عنوان=لو كان يزعل من زعل ويش بيده عينه ورانا من خطا كل عدوان=شيخ نفاخر به ينزح ضديده الله يبيحك يا سلايل كحيلان=في جنة الفردوس روحك شهيده مرحوم يا مقدم موسعة الأطعان=ليته بقا معنا سنين عديده ينام في ظله شباب و شيبان=و يشيل حمل ما يشيله كنيده يخشا و يرجا عند زوغات الأذهان=و كم واحد منه تبطل حديده أقولها و أثبت على القول وكدان=و عندي على ذلك علوم وكيده يشهد على ما أقول ولد ابن هضبان=فعله يعد من السجايا الحميدة و الطيب يبقى له دلايل و برهان=ما هي حكايا أهل النفوس الزهيدة كسابت الطولة عطيبين الأكوان=عسا لهم عند الألهي عقيدة عقيده يدخل بها باب رضوان=في جنة الفردوس ينزل شديده أقولها من جد و من قلب و لسان=و لمستعان الله لمعظم عبيده و هذي تراها عادت الوقت خوان=الوقت جاير و المصايب عديده و حنا نقول اليوم جا دور ضيدان=يمشي على منهاج الأول يزيده ينهض شراع العز في كل ميدان=و حنا معه في كل شيء يريده بيت الوفاء ساس المروه و الإحسان=جعل السعد في كل درب عضيده مقدم رياجيل على الخيل فرسان=بديدة يا ويها من بديدة في ما مضى لاقيل في الأرض عجمان=كلن من الذلة تراعد وريده يشهد لهم تاريخهم سر و إعلان=هذي فعايلهم عتاق و جديده أقولها في لابة فعلهم بان=ترقا سنود في الليالي النكيدة هم سيفنا الصاطي على كل فتان=و حنا لهم درع حلاقه جديده و هذا و صلينا على نسل عدنان=عداد ما طاف الحرم من عبيده |
رد: في ما مضى لاقيل في الأرض عجمان .. كلن من الذلة تراعد وريده ...
الله يرحمهم جميعا ...
ولاهنت.. مسعطر .. على القصيدة الله يبيحـك يـا سلايـل كحـيـلان....في جنة الفـردوس روحـك شهيـده |
رد: في ما مضى لاقيل في الأرض عجمان .. كلن من الذلة تراعد وريده ...
اقتباس:
أشكرك أختي الملكة على مرورك العطر أخيك : مسعطر |
رد: في ما مضى لاقيل في الأرض عجمان .. كلن من الذلة تراعد وريده ...
الله يرحمهم
ولاهنت طال عمرك |
رد: في ما مضى لاقيل في الأرض عجمان .. كلن من الذلة تراعد وريده ...
اقتباس:
أشكلرك على المرور و جعل عمرك ما يقصر. |
رد: في ما مضى لاقيل في الأرض عجمان .. كلن من الذلة تراعد وريده ...
صح لسان الشاعر
ولاهنت على نقل القصيدة تحياتي لكـ |
رد: في ما مضى لاقيل في الأرض عجمان .. كلن من الذلة تراعد وريده ...
اقتباس:
أشكرك على المرور أخي قطنان. |
رد: في ما مضى لاقيل في الأرض عجمان .. كلن من الذلة تراعد وريده ...
الله يبيحـك يـا سلايـل كحـيـلان &&& في جنة الفـردوس روحـك شهيـده
مرحوم يا مقـدم موسعـة الأطعـان &&& ليتـه بقـا معنـا سنـيـن عـديـده الله يرحمه ويبيحه ويغفر له وصح الله لسان الشاعر المري ولاهنت يامسعطر على مواضيعك المميزه |
رد: في ما مضى لاقيل في الأرض عجمان .. كلن من الذلة تراعد وريده ...
اقتباس:
أشكرك على المرور أخي محمد الشامري. |
رد: في ما مضى لاقيل في الأرض عجمان .. كلن من الذلة تراعد وريده ...
الله يرحمهم وعز الله ما قال إلا الصدق وجه يــام في ضنا مرزوق
لاهنت يا مسعطر |
الوقت في المنتدى حسب توقيت جرينتش +3 الساعة الآن 07:06 AM . |
مجالس العجمان الرسمي