انـت ياللـي لاتحـب ولا تهيـم=ما اشعفنّـك مثلـي ريـاح الغـرام
مرجهـنٍّ بيـن عربـانـك مقـيـم=والقلـوب اللـي يعرفنّـك هـيـام
لاتجينـي عقـب ذا كلـه خصيـم=وانـت تدريبـي ولا فيهـا كــلام
انت سالـي قلـب ولا انـا سقيـم=انت ماتسأل وانا بعـدك مـا انـام
شايلٍ جرحـك معـي والله العظيـم=ماكنٍ في القلب قد لـه حـول عـام
لا تغيشـم لا نـذر منـت بغشيـم=انت في ذالـدرب ماخذلـك وسـام
خلّهـا للمستحـق مــن الكـريـم=سَـوْ فينـي خيـر لاتكسـب أثـام
ادري اني لك مـع طيوفـك نديـم=وادري ان لي في وسط قلبك مقـام
بس صدك ذا اعـوذ مـن الرجيـم=بالله المعـبـود خــلاّق الانــام
حط في كبدي من الحرقـه جحيـم=ما بقى الا اصيـح ياصبيـان يـام
مايهـدي الجـرح ويخليـه نـيـم=غير لامن قلت: وشلونـك ..تمـام
بعدها كل شي عندي ..سيـم سيـم=تضحـك الدنيـا ويغشانـي غمـام
تمطر اجوا الحـب ويهـب النسيـم=وتمتلـي الارض بعناقيـد الخـزام
واكتبـك طـاروق بالنهـج القديـم=واتغنابـك عـلـى روس الـعـدام
بيـن وصفـك واغنيـة عبدالحليـم=لاذكـرتـك يـاسـلام الله ســلام
عود موز..وعين خشف..وعنق ريم=نضر كتف..وعرض ردف..وانسجام
من جمالك كـل مـا منـك عديـم=كن وصف الزين في غيرك حـرام
الخلل في (الشرق الاوسط) يستقيـم=ـو يحطونـك مفـاوض للـسـلام
واحـدٍ مثلـك تربـا فـي نعـيـم=متـرفٍ ماساقـت ضعونـه جهـام
عذره اللي جايبه لـي مـن صميـم=يمسح الشرهـات ويحـل الخصـام