مجالس العجمان الرسمي - قصيده شاعر ال حبيش جراح بن فنيس

مجالس العجمان الرسمي (http://www.alajman.ws/vb/index.php)

- - قصيده شاعر ال حبيش جراح بن فنيس (http://www.alajman.ws/vb/showthread.php?t=44881)

قصيده شاعر ال حبيش جراح بن فنيس

السلام عليكم ورحمة الله وبركاته
:
اسعد الله اوقاتكم بكل خير
:
شاعر ال حبيش
:

تمدح الشعار وتشوش القباايل=والشعر وهبه وانا امثل قبيله
مرحبا يا عزوتي والشك زاايل=ارحبوا يا اهل الفعول المستحيله
كل يامي لا طنخ يسوي الهواايل=كبد شيخ القوم ما تشفي غليله
بالفجر والليل والا بالقواايل=من تعدى حدنا والله ان نزيله
قد حمينا الدار بظهور الاصاايل=ونحماها اليوم واليمنى طويله
نرتكي للحمل ونشيل الثقايل=الصدور دروع واليمنى فتيله
كلنا من دون ترفات وعواايل=كلنا من دون مقهور وشيله
ازهمي يابنت ورينا الجدايل=وابشري واللي تعدى عزتيله
كل يامي يعتزي والفعل هايل=العدو مردود والراس بشليله
ازهمي صبيان يام اهل الصمايل=والفحي وانتي بذرانا ياجميله
تسبق الاقوال في يام الفعاايل=لو لحقنا الزير عذبنا الجليله
نكسب الترفاات وكبار الشماايل=والعدو للموت ما خلي سبيله
كل يامي لا غزى ينهي سلايل=كل يامي مدته ياهي ثقيله
يذبح الحايل ويكعم كل عاايل=والدخيل يزبنه وينام ليله
((من بغى يعرف وش نجوم القواايل=يقترب من دارنا ونهد حيله ))
البيارق ترتفع والدم ساايل=والرحا بدور بسيوف صقيله
قد كسرنا الترك والباشا يخاايل=جمعنا منصور وجموعه ذليله
((ماعلينا خوف لو حنا قلايل=لا عطشنا نشرب المصري ونيله
وكان غزه ترجع بفعل وصمايل=بلغو شارون بترده قبيله ))
وارحبوا ثم ارحبوا يا اغلى القبايل=شاعر ال حبيش وابياتي جزيله

وسلامتـــــــكم