رحلة العمر.. كلمات وإلقاء غازي بن عون وأداها المبدع سعود الدلبحي شيلة
بسم الله الرحمن الرحيم : هذه القصيدة من كلمات الشاعر الكبير: غازي بن دخيل الله بن عون : وقام بأداءها المبدع: سعود الدلبحي :
العبد له من عالم الغيب ميلاد =ويقضي بدنياه الخضر والعجافي :ولو عاش عمر شعيب فيها ولو ساد =ما دامت لغيره نعيم وعوافي ولا فرق من بين الموالي والأسياد =من حل يرحل بنتهاي المطافي له ساعةٍ في اللوح خطت وميعاد= وله مدةٍ يعيش فيها وتافي لقاف قدامه وقافيه طراد =ولا له مفر ولو تحذر واخافي إن كان ما صاده مع الدرب صياد =يشده اللي يطرده من خلافي أحدٍ من التقوى والامجاد يزداد =وبطيب الأعمال يملى الصحافي يبا ليا نودي على روس الأشهاد =يعطى كتابه في يمينه يشافي واللي من أودية الجهل هام في واد =وقلبه عليه من المعاصي غلافي لاجمعت أرواح البرايا والأجساد =عض الأبهوم من الندم ولا شافي وعرش المعاني في العبادة والأمجاد =ما ياصله راعي العزوم الضعافي ومراتب الطاعة تبي صبر وجهاد =وتبا الجنوب عن المضاجع تجافي وممشى بسلم ورثوه إلنا الأجداد =ما فيه مع هدي الشريعه تنافي سلوم مجد عقبوها للأحفاد= كرم وشيمة وإلتحام وتصافي ويا اللي حياتك كلها لهو ورقاد =وعن منهج الأسلاف فيك انحرافي وشلون تقضي أيامك أفراح وأعياد =والشق ما يرفاه بالسلك رافي؟ القدس محتلة وكابل وبغداد =والله هو أعلم وش بعدهن يضافي والوقت قامت تعترك فيه الأضداد =جميع عاقل شاف منه اختلافي وتغيرت فيه المخايل والأنواد =والجو كتم عقب ما هو بصافي وتمض السنه ما حن فالمزن رعاد =والبر مجدب والمواشي هجافي والزرع كنّه باديٍ فيه حصاد =من الجفاف ومن لهيب الهيافي وجميع عدٍّ كان للناس ميراد =نضبت جمامه عقب طول الجفافي وأهل العقول الراجحة وأهل الارشاد =بقلوبهم مما يرون ارتجافي ما يعتبر من قوم صالح ومن عاد= وأمثالهم من كل مذنب وجافي وبنصح اخواني حكومات وأفراد =بتقوى الذي خيره على الناس ضافي وأنا أكبر مقصر من الحضر والباد= وأشهد بتقصيري وأحط اعترافي قدمي مسافات ومفازات وأنجاد =مع جرهدٍ مقفر من الناس عافي يا ما أصعب الرحلة ويا ما أطول الماد =والحمل باهظ والمزاهب خفافي يارب جيتك لا مطية ولا زاد =جيعان مذنب درك عريان حافي جيت بخطايا ما لها إلا أنت عداد =تعلم بها يا عالم بالخوافي وجميع ما حشته بدنياي ما فاد =جيتك منه فرد وتركته خلافي ما فاد مال ولا جماعة ولا أولاد= نهار فرقى الشمل بين الولافي من عقب مد الشوف مع بيض الأجراد =ومن عقب ممشى في وساع الفيافي وبعد القصور اللي تفرش بسجاد= وفرش منعمى ولحف رهافي أمسي بقبرٍ مظلمٍ بين الألحاد= أرضه فراش لي وطينه الحافي مير أرجي اللي له براياه سجاد =ومن ألتجوا به ما عليهم خلافي وصلوا على الهادي عدد رمل الأنفاد =وعداد من حج وسعا عقب طافي : للتحميل اضغط هنا : تحياتي للجميع : 1bh11bh11bh1 |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
يعطيك العافية ولاهنت على الشيلة الرائعة يا راعي (ا~~ل~~ج~~ل~~ن~~ط):p
1bh1 |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
الله يعافيك ولاندمت يالأمبراطور711
: 1bh1 |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
{{ عبدالله ال عـامـر }} , , آآبداع غير مستغرب دمـت بهذا الرقي تقديري .., |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
صح السان الشاعر ][ غازي بن عون ][
ولاهــنت اخـوي ][ عبدالله ال عامر ][ ويعطيك الله الف عافيه 1bh1 تقـبل تحيــأتي |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
الله الله
صح ألسان الشاعر غازي بن عون ولاهنت يا عبدالله آل عامر على الشيلة |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
الله يعافيكم وتسلمون على تشريفكم الراقي
: تم تحديث الروابط : 1bh1 |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
|
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
لاندمت يابو فهاد وتسلم على تشريفك
: 1bh1 |
رد: رحلة العمر.. كلمات وإلقاء غازي بن عون وأداها المبدع سعود الدلبحي شيلة
|
الوقت في المنتدى حسب توقيت جرينتش +3 الساعة الآن 05:51 PM . |
مجالس العجمان الرسمي