لـي الفخر لا اعتزيت وقلـت ابن عـارج
السلام عليكم ورحمة الله وبركاته يــقــول الشاعر :: سالم بن عبيد العرجاني : نبدأ بذكـــــر الكريــــم الواحد الـفارج.............اللـــــه ولا غيره اللــي يعلم النيــه اللي ســــرى بالرسول بقدرته عارج.............رب يغفر الذنوب ويدمح الســــــــيه من عقبها يامريد القلــــــــب يامـارج............افـــــهم كلامي وخل اذنيك مصـغيـه اطيب بنات القصيــــد ألقبها ســـارج...........جاتك تــــولم وقـــــو البيت مــاريـه لي الفخر لااعتزيت وقلـت ابن عـارج.............قبــــــيلة ماتهــاب المــــوت والهـيه يـوم المـعارك تـــدور ودمـــــها دارج.............آلاد عــــراج تارد كــــــــــل محميـه خيالنا لا اعتزا والــــــوقت متـحارج.............كنه يقول البشر ذا الــوقت في ايديـه حنا أليا من حمى المــيقاف نتـخارج.............بسلة سيوف من ارض الهند مشريـه مانلتفت للضـــعيف وهرجة الــهارج.............وافــــــــعالنا من قديم الـــوقت مبنيه والطيـب عند القبايل كلـــــــها دارج.............افعـالها ثابته ماهـــــــــــيب منسيـــه وســـلامـــتكــم |
رد: لـي الفخر لا اعتزيت وقلـت ابن عـارج
صح لسانك يا الغالي ونعم في بني عمنا ال عارج عزى الله انهم يقولون ويطولون
|
رد: لـي الفخر لا اعتزيت وقلـت ابن عـارج
لي الفخر لااعتزيت وقلـت ابن عـارج.............قبــــــيلة ماتهــاب المــــوت والهـيه
يـوم المـعارك تـــدور ودمـــــها دارج.............آلاد عــــراج تارد كــــــــــل محميـه خيالنا لا اعتزا والــــــوقت متـحارج.............كنه يقول البشر ذا الــوقت في ايديـه حنا أليا من حمى المــيقاف نتـخارج.............بسلة سيوف من ارض الهند مشريـه مانلتفت للضـــعيف وهرجة الــهارج.............وافــــــــعالنا من قديم الـــوقت مبنيه والطيـب عند القبايل كلـــــــها دارج.............افعـالها ثابته ماهـــــــــــيب منسيـــه الله لايهينك ياعرجاني وصح لسان الشاعر |
رد: لـي الفخر لا اعتزيت وقلـت ابن عـارج
كفو والله يا بني عارج وتستاهلون المدح
صح لسانك على القصيدة يا العرجاني |
رد: لـي الفخر لا اعتزيت وقلـت ابن عـارج
صح لسان شاعرها ولاهان ناقلها
العرجاني55 بيض الله وجهك وتسلم يمناك |
رد: لـي الفخر لا اعتزيت وقلـت ابن عـارج
كفوووو في ذمتي كفووو
يالبى ربعي وعزوتي تسلم يا العرجاني ولاهنت وصح لسان قايليها ولاهان ناقلها تقبل مروري |
رد: لـي الفخر لا اعتزيت وقلـت ابن عـارج
صح السان قايلها وناقلها وأنا اشهد شهادة حق أن ال العرجاء كفوكفوكفو ومن فوق الرجال بكثير يكفيك أنهم يحتمون على اطرف يام
|
الوقت في المنتدى حسب توقيت جرينتش +3 الساعة الآن 06:07 AM . |
مجالس العجمان الرسمي