شارون وش بك عابس الوجه تعبان=قول لي تكلم وش جرى وش حصل لك

يا بوش طول الليل مانمت سهران=خايف من التفجير يا بوش مثلك

تخاف وانته اتخوف اليوم قطعان=من هو يجي لك يا صديقي ويذلك

المنتحر يا بوش ماهو بجبان=يتسلل بليل الظلام ويفلًك

خوفتني يا صاحبي والجبن بان=مني واخاف اليوم من زول ظللك

يا صاحبي المسلم يريد الجنان=مدري علامه يبغى اليوم يهلًك

شارون خذ مني نصيحه وتبيان=أحكم زمام الامر قبل التملك
واحنا نمدك بالمعدات و أطنان=من الذخيره لين خصمك يملك
حنا صداقه ولازم نكون أخوان=وفي ساعة العسره ترانا نشلك
وخل العرب في غفلة الملك دلهان=ماحد يريد الحرب شارون مثلك
العب على كيفك ولا تقول خسران=حنا معاك وديرتي هي محلك
واللي يعادينا تعاديه نيران=من البحر والجو كلها بتهلك

طمنتني يا بوش يا ولد ريجان=ابوك ذا خالي وعرقي وصل لك
عقب الكلام الطيب اليوم كدحان=اني ابيد بيوت واقتل واسفك
ارتاح يوم اشوف نار ودخان=مكتوب يا مسلم في وقتي أذلك
مادام عن دينك بعيدٍ فخسران=لا ترتجي نصرٍ بعيد ياصل لك
ما خفت انا اليوم من انسان جبان=الخوف ما يلفي ضميري ويسلك
خوفي الوحيد وحاسب له بحسبان=هو المسلم اذا قام يهلك