عزاه ليت الصبر يشرى والله اني لشتريه = وياطي حالي من غرابيل الزمان وطيته
اثر الهوى يخلي الرجال ينسى امه وابيه=الا بري حاله وعزيله وممحق نيته
يصد عن بعض الوجيه ويشكي لبعض الوجيه = لاهل دمعه عند خلق الله وربي بيته
ياليتهم يدرون باللي في فوادي كلّبيه= كان اعذروني واتركو قلبي على سجيته
(مجنون خلقه ) وابتلاني واحدٍ حسبي عليه= جنيتي من يوم شفته عانقت جنيته
شرع بقلبي من يسار وقام يسحب مايليه= لرتحت من شلفاه شفت الموت من جنبيته
الله مسخّرني كذا والقلب في راحة يديه= قلبي معه بشهود ومعرّف على ملكيّته
ماغيراراقب طلعته واقول يالله تهديه= عساه ياقع في محابيل الغرام وخيته
امشي معه كني سفيه وارجع معه كني سفيه= الله معنيني معه من بيته لكليّته
لاشفت زوله من بعيد وكل شبحي لد فيه= كنه يقول اني باموت ولا عَبر محميته
انشهد انه فالحلا والملح مامثله شبيه= كن الحلا في معصمه والملح في كفيّته
ابيه من قلبي ابيه وكل مافيني يبيه= لخطيت من حسناه راضي لو تجيني سيته
لو المطالب بالتمني دون كيف ودون ليه= كم واحدٍ لامن طلب تحققت امنيته
ياليت له اخٍ صغيّر واتعذربه واجيه= لاقال وش عندك هنا طلعت له عيديته
والله لعزّه وان تعثر قلت بسم الله عليه= ماهو لجل عين الصبي لجل عيون اخيّته
ذبحت نفسي من غلاه الله يرحم والديه= واللي ذبح نفسه بنفسه كيف تِدفع ديّته

المشاركة الأصلية كتبت بواسطة سالم بن جخير عزاه ليت الصبر يشرى والله اني لشتريه = وياطي حالي من غرابيل الزمان وطيته اثر الهوى يخلي الرجال ينسى امه وابيه=الا بري حاله وعزيله وممحق نيته يصد عن بعض الوجيه ويشكي لبعض الوجيه = لاهل دمعه عند خلق الله وربي بيته ياليتهم يدرون باللي في فوادي كلّبيه= كان اعذروني واتركو قلبي على سجيته (مجنون خلقه ) وابتلاني واحدٍ حسبي عليه= جنيتي من يوم شفته عانقت جنيته شرع بقلبي من يسار وقام يسحب مايليه= لرتحت من شلفاه شفت الموت من جنبيته الله مسخّرني كذا والقلب في راحة يديه= قلبي معه بشهود ومعرّف على ملكيّته ماغيراراقب طلعته واقول يالله تهديه= عساه ياقع في محابيل الغرام وخيته امشي معه كني سفيه وارجع معه كني سفيه= الله معنيني معه من بيته لكليّته لاشفت زوله من بعيد وكل شبحي لد فيه= كنه يقول اني باموت ولا عَبر محميته انشهد انه فالحلا والملح مامثله شبيه= كن الحلا في معصمه والملح في كفيّته ابيه من قلبي ابيه وكل مافيني يبيه= لخطيت من حسناه راضي لو تجيني سيته لو المطالب بالتمني دون كيف ودون ليه= كم واحدٍ لامن طلب تحققت امنيته ياليت له اخٍ صغيّر واتعذربه واجيه= لاقال وش عندك هنا طلعت له عيديته والله لعزّه وان تعثر قلت بسم الله عليه= ماهو لجل عين الصبي لجل عيون اخيّته ذبحت نفسي من غلاه الله يرحم والديه= واللي ذبح نفسه بنفسه كيف تِدفع ديّته

اررررررحب يابو جخيررر

صح السانك مليون ولايكفووون

قصيده جزله من شاعر جزل

لاعدمناك ياوكيل الجزااااااااله


اسمح لي على تثبيت القصيده


تحيااتي