قصيده تبكي كل من قراها ؟؟؟؟
[line]
قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني طبعا منقول عشان عيونكم ...... تحياتي للجميع |
الله المستعان موت الوالدين شيء يحزن فكيف بموتة الام وفي حادثه وهو يشاهد مصرعها ، الله يرحمها ويرحم موتى المسلمين.
لا هنتي يا اميرة نجد على هذه المرثية المحزنه |
الله يرحم امه وامهات المسلمين والله مرثيه حزينه الله يصبره انشاءالله
وتسلم ايدك ياميره على المرثيه |
ولا انت يابوحمد الشامري اسعدني مرورك يالغالي
|
الله يرحم امه وامهات المسلمين
اللهم امين تشرفت بمرورك اخوي ركان اليامي |
الله يرحمها انشاء الله ويسكنها فسيح جنااته
تسلمين يا أميرة نجد |
بصراحة قصيدة مؤثرة جدااااااااااااااااااا ,,,, ويجب أن تكون عبرة لكل من تهاون في طاعة أمه وخدمتها والبر بها وهي لا تزال على وجه الدنيا,,,,,,,,,,,, الف شكر يا أميرتنا على هذه القصيدة المؤثرة وصح لسانك ولسااااااااااااااااان قايلها
محمد العرجاني |
مرثية رائعه وقليلة في حق امه الله يرحمها
تسلمين اميرة نجد على النقل المميز ,,, |
قصيده رائعه ومحزنه
لاهنتي يا اميرة نجد وصح الله لسانش |
هلا والله باخونا عبدالله الوعيلي
عاش من شافك |
الوقت في المنتدى حسب توقيت جرينتش +3 الساعة الآن 06:28 PM . |
مجالس العجمان الرسمي