العلوم عفاك يابن زلـفه
قصيده للشاعر ناصر الاحمري
اعجبتني واحببت ان اضعها لكم عسى ان تنال على اعجابكم
سيوف حرب الخنبقه مع شِلْفِه=اشوفها تالي الزمـن مسلولـه احدٍ شرى سيفه واحد مستلْفـه=زلق اللحا وأشنابهـم مفتولـه وكلٍ يساند في الملاقـا حِلْفـه=لو كان حلفـه مايعـنّ خيولـه لكن نفـوسٍ بالـردى مئتلْفـه=هذا يـدق وذا يهـز رجولـه مع بعضهـم رافعيـن الكلفـه=مازعّلو الحمّص على التبولـه نواعم الليل الدغـوش وجلْفـه=توالـفـو لكنّـهـا مقيـولـه ما صدق الكذاب ساعة حلفـه=إلا رفيـقٍ لـه يحـب فعولـه والوقت يبرم والليالـي صلْفـه=وامّا طلوع الرجم والا نزولـه فاللي طلع مايلتفت وش خلفـه=واللي قعد ردّه بـلاً بحثولـه! ما ردّ ذود ولا حلب له خلفـه=وماسار بأطلال الجبل وسفوله همه بملبوسـه وقصّـة زلفـه=واكله وشربه والطرب واطبوله خروف حوشٍ علته من ظلفـه=احيان عيب الشي جا من طوله تفكير ذولا في الونس والعلفـه=يمشون بس أفكارهم مشلولـه واللي يفكر في الوليف وولفـه=اشوى . ولازالت يدَه مبلولـه واللي يفكر كيف يقضي السلفه=فياحيّ من ذا علمـه ومدلولـه وانا على كثر الظروف الجلفه=فلا هي بهمي ولا هي حولـه ياصدر همي لا وصلك إستلفه=الدين همّي ماهـي المكحولـه زاد التساهل وأسرفو المعتلفـه=واخر خبر منه العرب مذهوله مضمونه الموتر ودقـة سلفـه=والنتق لو في سكّـةٍ مجهولـه ومعايرة زيتـه ووزنـة بلفـه=بيصير حقٍ للمره في الدولـه! والعالم الله عن حقوق الخلفـه=بتصير حق القير والصامولـه! يعني العلوم عفاك يبـن زلفـه=فكْرتْك هذي ماهـي بمقبولـه وتقبلوا تحيتي |
ياصدر همي لا وصلك إستلفه *** الدين همّي ماهـي المكحولـه
الله الله صح الله لسانك ياسمو الاميـــر ولسان شاعرها ولاهنت على النقل والاختيار الرائع |
ما صدق الكذاب ساعة حلفـه
إلا رفيـقٍ لـه يحـب فعولـه صح السانك يا الامير والساان الاحمري اختيار موفق تحياتي |
صح السانك يا سمـــــــــو الامير والساان الاحمري
تسلم طال عمرك |
الاخ سمو الامير صح اللسانك ولسان الاحمري
اختياااااااار رائع تحياااااااااااتي |
اخواني الاعزاء
محمد الشامري,حبيب,عبدالله الوعيلي,العووود صحت ابدانكم ولاهنتم على المرور والردود الطيبه |
صح الله لسانك ياسمو الاميـــر ولسان شاعرها
|
صح بدنك ياسعد ولاهنت على المرور
|
الوقت في المنتدى حسب توقيت جرينتش +3 الساعة الآن 09:30 PM . |
مجالس العجمان الرسمي