مجاراه جديده الشاعر عامر الحجرف وشاعر يام ابن بلال
السلام عليكم ورحمة الله وبركاته هذه المجاراه بين الشاعر عامر الحجرف وشاعر يام ابن بلال اتمنى ان تلقى صدى اعجابكم وشكرا للجميع.
البارحـــــــه قمت آتحرا خـبر خـير= من طــــــارفة رجلن لفتني علومه رجلن حشــــــيم وله معـزه وتقدير= كريم مايملك عطــــــــــا لو هدومه تلقا الشحــــم ودلال صفرن مباهير= في مجلسه والظيف يقضـي لزومه سولف بها عندي ارجالن مســـايير= ناسن اتصلي فرضها ثم تصـــومه قالو نبيك اتفســــر العلـــم تفســـير= جو السما صــــافي وشفنا انجومه عن السـحاب اللي ردم تالي عصير= جتنا اعلومه والرجال امحشـــومه قلت الوفا وافين مــن غير تقصــير= مثل الرفيق اللـــي يشــرف قدومه في سـاحة الميدان من ســالم الزير= عليه مـن وصـــــفه وقوة اعزومـه سمــوه شــــاعر يام ليام المعاصير= سمـوه حكـــام العرب والحكــــومه حقــايقن ماقالها صـــــوير وعـوير= الحق واضـــــح بيناتن ارســــومه ماشـــوف فيها لفتن تعكس الســير= كم بيت مبني والبيوت امهــــدومه الشاعر عامر الحجرف
لاهـنت ياشــــــوق البني الغـنادير= وريث من بكبود الاعـــداء اوســومه ريف المســـير فاليالـي المعاســير= تذريه عـــن برد الزمــان اوســمومه اتورد افكــارك اوترجــع مصــادير= وتشـــتال عن بعض الرفاقه اهمومه واليا شـذب صاحـبك خطوا امعيثير= عود اوســــيفه كـــــاثراتن اثلـــومه ســوالف الانذال من باب تقصــــير= فـــــي كـــل طيب تعتبرهــــا غـنومه والوقت عبرعن هل الصــيت تعبير= فالبينات الشــــــامخه مـــن ارجومه نعطي ونقري ساعة العسر وانجير= وناطا على اللي به من الجهل زومه للــــي نخــــانا مـــاندور معـــــاذير= كـــم قومتن تهفـــو لهـــــا كل قومه عن من نخـــانا نحتمل للمخـــاسير= وقفاتنا عن كــــل دون امعصــــومه والحال واحــــد يافتى الجود لاغير=علم بهــــا من جــــاك يبدي احلومه اسمع قليل من الاشـــــاعات وكثير= والســـر ماينباع للـــــي يســـــومه مـــال الوجـــيه الطافيه غير تحقير= والشـــــعر يخدم والقروم امخدومه شاعر يام ابن بلال |
رد: مجاراه جديده الشاعر عامر الحجرف وشاعر يام ابن بلال
الشاعر المبدع عامر الحجرف صح لسانك على المجاراة الرائعة بينك وبين شاعر يام علي بن بلال
|
رد: مجاراه جديده الشاعر عامر الحجرف وشاعر يام ابن بلال
لاهنت يابو حمد الشامري على التعديل ولا خلا ولا عدم
|
رد: مجاراه جديده الشاعر عامر الحجرف وشاعر يام ابن بلال
الشاعر
عامر الحجرف صح لسانك على المجاراة الطيبة مع الشاعر يام بن بلال دمت بخير |
رد: مجاراه جديده الشاعر عامر الحجرف وشاعر يام ابن بلال
لاهنت يالغروب على المرور
|
رد: مجاراه جديده الشاعر عامر الحجرف وشاعر يام ابن بلال
الشاعر المبدع عامر الحجرف صح لسانك وصح لساااان شاعر يام علي بن بلال الله يعطيك العافيه و ابو سلطااااان كفو و انت كفو تحياااااااااااااتي |
رد: مجاراه جديده الشاعر عامر الحجرف وشاعر يام ابن بلال
مجاراه جزله من شعار جزلين بيض الله وجيهكم.
ولاهنتو. |
رد: مجاراه جديده الشاعر عامر الحجرف وشاعر يام ابن بلال
|
رد: مجاراه جديده الشاعر عامر الحجرف وشاعر يام ابن بلال
مطلق اليامي ماعليك زود ولاهنت على مرورك الكريم تقبل تحياتي وتحيات شاعر يام ابن بلال |
رد: مجاراه جديده الشاعر عامر الحجرف وشاعر يام ابن بلال
من بني يام لاهنت على مرورك الكريم تقبل تحياتنا جميعا |
الوقت في المنتدى حسب توقيت جرينتش +3 الساعة الآن 04:51 AM . |
مجالس العجمان الرسمي