بعد بكره ليـا قفّيـت .. والا لفّنـي غيـرك=لا تِلحقني مشاريه الغرام .. وقسوة فعولـي
انا طيرٍ يحلّق فالهـوا .. ولا نـي بطيـرك=على متن السحابه .. والبسيطه ماهي بحولي!

:0015:

تدرون .. ويش اللـي يسمّـج حياتـي=لا طحت من عين الرفيق .. وتحطّمـت
وانـا علـى نيّاتـي .. اروح وآتــي=وان شفت ما يخدش شعوري .. تلطّمت!

:cool:

صورتْك .. دايم .. ليا من جات .. في بالي = ضمّيتها .. بكلّ ما أوتيت .. من قوه !

1bh1

يا ليل .. وجهك مظلم .. وخاطرك شين=وانـا بعـد .. نفسيتـي لـك عليـهـا
اسري مع ظني .. ولا ادري على وين=اخاف يخيـب الظـن .. واروح فيهـا
يا ليل تكفى .. مـا بقـى غيـر ثنتيـن=فـي ذمتـي مـا ادوّر .. الا حديهـا
اما يجي مـن بيننـا .. نـازح البيـن=والا دفعت الشـوق .. ليـن احتويهـا

:0015:

يا مشاريه الغرام .. وقسوته .. ودموعـه=ما بقى من ذكرياتي .. غير بيـتٍ قلتـه
الشموخ المرتفع .. والرايـه المرفوعـه=ما تساقط .. في متاهات الزمن .. واسئلته
ويش ادوّر فالرجا .. وحباله المقطوعـه=والعذاب اللي يهـز الخافـق .. بولولتـه
آآه ليت الله ما حط بخاطري .. موسوعه=آتصفحها .. ونورك يا قمـر مـا طلتـه
مشكلة قلبي .. يحب ويستلـذ .. بنوعـه=واعتقد لاهيب مشكلتـي .. ولا مشكلتـه!

:0015:

بقول الك .. الكلام اللي بغيت اقوله .. وصديت = لك الله ما عشقت انسان غيرك .. وانت لو تدري
عرفت اني .. ليا حبّيت .. يا روح الغلا .. حبّيت = واهيم بكل شيّ فيك .. واضمّه على صدري!

:0015:

يا كثر ما خشّيت في صدري .. علوم = اخاف ابيّن بعضها .. وآتحسّف
وياليتني من هزّة الشوق .. محروم = من شان اخفّ من الندم .. والتأسّف!

:0015:

رصاصة الرحمه .. معك يا حياتي = نيشن على قلبي .. وحطّم ضلوعي
خلني احس بقيمتي .. في مماتي = حتى ولو موتي .. يبكّي ربوعي
يمكن بعد موتي .. تحس بغلاتي = ويهزّك الطاري .. وتذكر دموعي!

:0015:

خمس الحواس .. اللي منوّل علـى الكيـف=فقدتهـا مـن عـاد حلـمـي .. صغـيّـر
لكن كبر حلمي .. وانا اصلاً .. على طريف=الـيـا لمحـتـك .. يالـغـزال المـذيّـر
خليتنـي ارقـا .. بــروس المشـاريـف=تقـول كنّـي .. مـن محيطـي .. مطيّـر
سميتك سويّر .. وهـو اسـم .. تشريـف=امـي منـوّل .. كـان اسمهـا سـويّـر!

1bh1