&&الرجال بنوك &&مصافحه اولى لهذا المنتدى
مصافحه اولى لهذا المنتدى الغالي
مرت ايام وليالي وحاكم ومحكوم=فيه ناس الله سترها وناسٍ عاريه والعرب تفكيرهم بين لهو وبين نوم=والعمار مروّحه والليالي ساريه والتغير في اللغه والمذاهب والسلوم=لين قد بنت المشايخ تعود جاريه لأخ قد كنه ابن عمي وقد لصحاب قوم=والتغير صاب حتى الهبوب الذاريه والرفيق اللي تصدد إلى جالي لزوم=ويش ابي لو مانفع بالظروف الطاريه يحسب اني جاهل ماعرف ويش العلوم=مادرى اني داري بالعلوم الجاريه الرفاقه بعضهم داريه بنحور كوم=والله اني داري ويش ببطن الداريه لو يبيعك صاحبك ماعلى شرواه لوم=الرخامه بايعه والشهامه شاريه الرجل يعرف بفعله وقسمه بالقسوم=والفعايل كاتبه والمراجل قاريه والسنافي كل مازل يوم وجاك يوم=تذخره مثل الذخر للسيوف الفاريه الرجال بنوك وان شفت مقصدها رسوم=حلها قطع الحسابات لوهي جاريه الليالي مقفيه والعوافي ماتدوم=والرفيق تحصله في الظروف الطاريه وسلامتكم |
رد: &&الرجال بنوك &&مصافحه اولى لهذا المنتدى
صحل الله السانك جزل ومبدع يابو سالم
في انتظار جديدك لا تبطي :) |
رد: &&الرجال بنوك &&مصافحه اولى لهذا المنتدى
صح السانك يا عبدالله
جزل ما يحتاج ! تحياتي لك :) |
رد: &&الرجال بنوك &&مصافحه اولى لهذا المنتدى
و التغير في اللغة و المذاهب و السلوم=لين قد بنت المشايخ تعود جاريه الأخ قد كنه ابن عمي و قد الأصحاب قوم=و التغير صاب حتى الهبوب الذاريه و هذا الحاصل للأسف ..
والرفيق اللي تصدد إلى جالي لزوم=ويش ابي لو مانفع بالظروف الطاريه يعقـّـب اللي مثله ..
لو يبيعك صاحبك ماعلى شرواه لوم=الرخامه بايعه والشهامه شاريه الـلـه ,, الـلـه
الرجل يعرف بفعله وقسمه بالقسوم=والفعايل كاتبه والمراجل قاريه والسنافي كل مازل يوم وجاك يوم=تذخره مثل الذخر للسيوف الفاريه الرجال بنوك وان شفت مقصدها رسوم=حلها قطع الحسابات لوهي جاريه الليالي مقفيه والعوافي ماتدوم=والرفيق تحصله في الظروف الطاريه ^ ^ أنشهد ,, عبدالله ابن سالم ,, حياك الله في منتداك ,, و ابرك الساعات إنظمامك لنا ,, و صح لساااانك مليووون على القصيدة الجزلة ,, أستمعت بقرائتها :) تقبل مروري ,, أستودعك الله ,, |
رد: &&الرجال بنوك &&مصافحه اولى لهذا المنتدى
ابوسالم
صح الله السانك على هذه الرائعه والجزله وفي انتظار جديدك تحيتي لشخصك الكريم |
رد: &&الرجال بنوك &&مصافحه اولى لهذا المنتدى
اقتباس:
مرحبا محمد وصح بدنك وابشر بالجديد والفريد |
رد: &&الرجال بنوك &&مصافحه اولى لهذا المنتدى
والرفيق تحصله في الظـروف الطاريـه :)
الرجل يعرف بفعله وقسمه بالقسـوم = والفعايـل كاتبـه والمراجـل قاريـه والسنافي كل مازل يوم وجـاك يـوم = تذخره مثل الذخر للسيـوف الفاريـه قصيده جزله من راس جزل وماهي غريبه على شاعر متمكن صح الله لسانك ياعبدالله وحياك الله معنا وابرك الساعات اللي انضميت فيها للمجالس ولاهنت ياخوي |
رد: &&الرجال بنوك &&مصافحه اولى لهذا المنتدى
اقتباس:
خالد صح بدنك ولاهنت |
رد: &&الرجال بنوك &&مصافحه اولى لهذا المنتدى
اررررررررررحب
صح الله لسانك والله لايشينك يالمبدع وجزززله من جززل اخوكـــــ |
رد: &&الرجال بنوك &&مصافحه اولى لهذا المنتدى
اقتباس:
صح بدنك وابك البقاء وبيض الله وجهك ومرورك شرف ولك التحيه |
الوقت في المنتدى حسب توقيت جرينتش +3 الساعة الآن 11:35 AM . |
مجالس العجمان الرسمي