لبيه،، لبيه،، لبيه
لبيه صوتٍ من الهاتف يناديني = وإن بدلت صوتها داري بمقصدها ماهو بشخصي ولا طبعي ولا فيني = لا تختبر عاطفة نفسي وتنْقدها شريت حبك مثل ماقلت شاريني = وعهودنا اللي مضت ماني بجاحدها ماكل زولٍ تشوف العين يغريني = نفسي على المشرب الأول موردها أول شبابي وتالي العمر ملهيني = حتى هلي ساعة لي جيت مقعدها يا اغلى من الروح ياشوقٍ مخاويني = يافرحة العمر في دنيًا نكابدها رسمت لك صورة في داخل العيني = صورة وفاء ماحد يقدر يقلدها وبين الحنايا وضعتك بالشراييني = تسرح وتمرح وتغضبها وتسعدها وعلى حياتي بتامرني وتنهيني =آمر تدلل ، نعم دايم ارددها بس الرجاء ياحياتي لا تجافيني= وكرامتي وإن عشقتك لا تهددها لولاك ماشيب راسي ظاهر فيني = ولا المحاجر بدمع العين مجهدها ولا نسيت الحضر هم والبداويني = ياسيد كل العذارى يامهجدها ياجادل وصفها داخل دواويني = ولولا الحياء كان ديرتها محددها إن جيت للوصف شعري ما يكفيني = ويش القصايد معك ؟ لو جيت بقصدها |
حسن اليامي صح السانك يا السنافي قصيدةٍ جزله من شاعر جزل
لا هنت يا السنافي تحياتي |
صح السانك ياحسين ولا هنت
|
صح الله لسانك يا رفيـــــــــــع الساس!!!
اشهد انها قصيدتن جزله !!!! أدامك الله ياليـــــــــــــــــــامي!!!! |
اقتباس:
|
لبيه صوتٍ مـن الهاتـف ينادينـي
.........وإن بدلت صوتهـا داري بمقصدهـا صح لسانك ياحسين قصيدة رايقة لأبعد حد.. |
صح لسانك
ابدعت ماشاء الله عليك |
اقتباس:
|
اقتباس:
شهادة افتخر فيها طال عمرك |
اقتباس:
لقد انار مرورك متصفحي هذا تقبلي خالص تحياتي وكل عام وانتم بخير بمناسبة الشهر الكريم |
الوقت في المنتدى حسب توقيت جرينتش +3 الساعة الآن 09:39 PM . |
مجالس العجمان الرسمي