)) إحســاسكـ في ورطــه ((
http://img13.imageshack.us/img13/3839/334v.png مساكم أحلى من ألجوري ....وصباحكم أغلى من الشهد.. أعضـاء منتـداي الغـالـي بصراحة..... نقلت لكـم مـوضـوع أعجبنـي كثيـر وان شـاء الله يعجبكـم مثلـي راح أختار عضو / هـــ ويعبر لنا عن إحساسه العضو اللي اختاره لما يخلص من الاجابه عالاسئله يختار عضو ويورطه بهالورطه والموضوع هو (( إحساسك فـي ورطـه )) http://img14.imageshack.us/img14/2097/v373.gif في البداية عرفنا عن نفسك اللقب/ عمر إحساسك/ هوايتك/ 1: اكتب لنا تعريف للإحساس؟ 2: أبيات ترحيب مناختيارك أو كتاباتك .. ؟ أبيات حب؟ أبيات عتاب؟ أبيات شوق؟ أبيات وداع؟ 3: بعد الخيانة انتهت رغبتي فيك.. و إن كنت تذكرناترانا نسيناك (( وش إحساسك لما يوصلك هذا البيت على جوالك وشراح ترد )) 4: لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا البيت.. في بيت من اختيارك 5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟ 6: من أشعار شاعرك المفضل ؟ قريبه إلى قلبك وإحساسك؟ 7: نبي إحساسك باللحظة هذه توصفه لنا بأبيات؟ 8: الطيب أساسك و الفخر للي يماشيك ، و الذوق شخصك، و يا سعد من هو يخاويك (إحساسك لما يوصلك هالبيت عن طريق مسج ) 9:انت إنسان حساس ؟ أوصف لنا مدى حساسيتك؟ 10: صوره تعبر عن إحساسك؟ 11:وش أكثر إحساس تحسه بأيامك ؟ مع أبيات معبره لهذا الإحساس ؟ 12: وبعد نهاية الاسئله شنو إحساسك ألحين؟ ((تنبيه )) لاتنسى اختـــــيار عضو وتورطه . . أرسل له رابط الموضوع برسالة خاصة مآبي شي سوى تفاعلكم http://img15.imageshack.us/img15/3402/yy3brcc138.gif وببتدي بختيار أول عضوه ((أميرة الاحساس)) http://img15.imageshack.us/img15/2609/gzg85708r.gif http://img15.imageshack.us/img15/6627/443l.png |
رد: )) إحســاسكـ في ورطــه ((
موضوع مميز كتميز صاااحبته
لكن وين عضوتنااا الحلوه تنوره ونشوف التفاااعل فكره حلوه ومميزه لاهنتي غااااليتي m!ss وكلك ذوق على الموضوع الرائع |
رد: )) إحســاسكـ في ورطــه ((
في البداية عرفنا عن نفسك اللقب/ أميرة الاحساس .. عمر إحساسك/ مع اول صرخه بعد ولادتي .. كان إعلان اول احساس لي .. هوايتك/ من متطلبات وجود الهواية .. .. الوقت .. وهو شي مفقود مني حاليا .. So ماكو هواية .. 1: اكتب لنا تعريف للإحساس؟ هو وحده او عنصر حسي غير قابل للتحليل .. أو التفسير .. ولكن قابل للإدراك .. والوعي به .. 2: أبيات ترحيب من اختيارك أو كتاباتك .. ؟ أبيات حب؟ أنا ماهزني غيرك حبيبي بالبشر إنسان ولا حبيت أبد قبلك ولا فكرت أحب ثاني دخيل الليل والقمره ونجم في سمانا طال ودخيل الحب وعيونك ودمع غرق اوجاني أبي حبك يزلزلني .. يفجر في داخلي بركان أبيه يطهر جروحي يمحي باقي أحزاني أبي حبك ينسيني همومي وعالم الاحزان أبيك تشد من عزمي إذا همي تلقاني .. أبيك تشيل من قلبي معالم لوعة الحرمان أبيك توقف بصفي إذا ظرفي تحداني أبي حبك يجنني وينثر في سماااي ألوان أبي قلبك يحسسني بصدق الحب لاجاني أبيك الصاحب الوافي يحطني دايم بعينه أبيك العاشق المخلص يشافي دوم جروحي أبي حبك أبي قربك أبي حب كما البنيان أبي قلب كبير لا ملاه الشوق ناداني أبيك الشاعر الصادق ابيك المغرم الهيمان تبيع الروووووووووووووووووح من شاني أبي أبقى وسط قلبك لوحدي ما معاي إنسان أبي أملك كل تفكيرك وتملك كل وجداني وأبي قلبك يوعدني لو خان البشر ما خان أبي أطلب طلب وااحد رجيتك وهو المهم الأن وأنا أدري مستحيل ترفض لأنك جد تهواني أبيك تعيش في قلبي إذا تسمح مدى الازمان ابيك تشوف ماتملك في قلبي وماتعداني أبيات عتاب؟ ماقول أن الصدر ضايق أقول الكون فيني ضاق ماقول أن غيبتك صعبه أقول البعـد ينهينـي أنا يامازعل قلبـي عليـك وماطريـت فـراق أشيل بخاطري [يمكن] وارضى لـو ما تراضينـي ياليتك بس تفقدني كثـر ماأفقـدك واشتـاق قسـم بالله مايطـري علـى بالـك تخلينـي بعيني انت هالدنيا وومن غيـرك لعينـي لاق كثير وماملوا عيني وقلبـك بـس يكفيني فراق! وكنت أبي منّك تعوّض هالصبر بعنـاق عشانك بعت هالعالم وجيـت اليـوم تنفينـي حبيبي حلت الفرقـا وبعثـرت بجفـاك أوراق عزاي بغيبتك صوره علـى بعـدك تواسينـي أنا غصب علي أرضى ببعدك وأكتم الأشـواق وأكابر رغم حرماني وأداري دمعتـي بعينـي حبيبي حس في حزني ترى دنيـاي ماتنطـاق أهونهـا ولا هانـت كبيـرة صدمتـي فينـي وشاللي يصير بالدنيا لو إنك جيتنـي مشتـاق وش اللي تخسره يعني إذا فكـرت ترضينـي من الآخر ترى بعدك عطاني هالزمان طراق لأني كنت احسـب إنـك تمـوت وماتخلينـي أبيات شوق؟ اشتقتلك قبل لجيك وجيت واشتقتلك البارحه طول ليلي بين هاذي وذيك مليت حبر انتظارك واستحيت اسألك واحسبتني مابعد جيتك وفكرت اجيك اثرك بقلبي من البارح وانا استعجلك واثري نسيتك من الفرحه وقمت احتريك أبيات وداع؟ طالبك خذ قلبي معك لا تخليه اخذه ترى ماعاد لي فيه حاجه لا صرت عني مبعد إيش أبي فيه خله معك مادام صعب نتواجه اول خفوقي صوتك العذب يحييه واليوم ماحصلت غير انزعاجه نوره طفى من عقب ماكنت مضويه عقبك خفوقي بات مطفي سراجه مالي مزاج أحب غيرك وأحاكيه حتى لو إني كنت داخل مزاجه غلاك مهما كان ماني بناسيه منساه لو غيرك ضحك لي حجابه أنت بحياتي وين مارحت ألاقيه ألقاك في حزن العمر وابتهاجه أموت في جرحك وأحبه وأداريه وخايف مع الايام ألقا علاجه كن النظر من يوم ماغبت معميه احرجت قلبي وأنت سبة إحراجه كمل جميلك طالبك لا تخليه اخذه ترى ماعاد لي فيه حاجه |
رد: )) إحســاسكـ في ورطــه ((
3: بعد الخيانة انتهت رغبتي فيك.. و إن كنت تذكرنا ترانا نسيناك (( وش إحساسك لما يوصلك هذا البيت على جوالك وشراح ترد )) مجبور أنا أعيش من بعد فرقآك وأخفي جروحي بين نفسي وذآتي صدقني راح أقوى ع ـالبعد وأنسآك وألقى أمل غيرك يجدد حيآتي غلطاتك أكبر من سطورك لو أقراك وصبرت لين الصبر فجّر سكاتي كم جرح أثر بي تألم وناداك ويقول لك بالله هذي جزاتي! واصل طريقك وإتبع دروب ممشاك وإنسى إني بيوم وهبتك غلاتي وأنا بأعيش العمر من بعد ما أنساك وأبقى مع حزني وبآقي صفآتي 4: لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا ردعلى هذا البيت.. في بيت مناختيارك ودي اكتب والقلم عيا يطيع مدري الاشواق ولا انت السبب كيف اعبر والحكي مني يضيع اسعفيني ياقواميس العرب وش ابكتب فيك يالحر الرفيع وانت وصفك من اعاجيب العجب هذي اقلامي بكسرها جميع في سكوتي تصبح اشواقي ذهب 5: منهوفنانك المفضل ؟اكتب لنا أبيات من أغنيه له وتكون محببة إلى قلبك والقريبة من إحساسك؟ ما في فنان مفضل .. الاغنية الي تعجبني اسمعها .. بس الي في بالي الحين .. تعال ومابقى لي يوم في غيابك يصبرني أخاف أموت من شوقي وانت مطول غيابك تعال وكل شي صار في بعدك يذكرني دروبك ضحكتك طاريك وريح العطر بثيابك انا من غبت عن عيني وخيالك مايفارقني تصدق حالتي صعبة وعمري ضاع بأسبابك ياأجمل من سكن قلبي عمرّني ودمرّني تعال وشوف وش سوى حنين الشوق بأحبابك 6: من أشعار شاعركالمفضل ؟ قريبه إلى قلبك وإحساسك؟ ياصاحبي قل للعيون الحزينه ارسمي لوحه كذب لوحه كلها الوان الفرح يمكن تمحي ظلمه الليل اللي يسكنك او تشفي ذاك الجرح اللي يعرفك ياصاحبي أرسم كذب وانا بصدق الكذبه وأفرح رغم الحزن بس قل للعيون الذابله تزهر شوي تكذب شوي ودي ابتسم ولو شوي حتى وان كانت لحظه كذب بس يا صاحبي ارسم كذب وانا بأصدق كذبتك ******* والله انى ما نسيتك لو ثواني ... ولا نويت اغيب ياروحي شويه ... من غيابك صرت افكر بك واعاني ... يا .....غيبتك عني قويه ... ما كتبت الشعر يا قلبي عشاني ... ولا سهرت الليل وعيوني شقيه ... يوم ربي في محبتكم بلاني ... ماخذن قلبي من ضلوعي هديه ... قالها ..... وانا ادرى انه يعاني ... وصارت الدنيا بعينه فوضويه ... 7: نبي إحساسك باللحظة هذه توصفه لنا بأبيات؟ هـات ريـشة نـرسم اللوحـة [ وداع ] .. شخص مقفي ،، وشخص واقـف في ضيـاع ،، قـلب شـ / ـاري .. وقــلب بـ / ــاع .. ونـرسم اللوحـة ظلام ،، والدموع [ امطار ] والنظرة كلام .. والفـرح يغفى وينــام،، والحـزن يبدي الـدوام 8: الطيب أساسك و الفخر للي يماشيك ، و الذوق شخصك، و يا سعد من هو يخاويك (إحساسك لما يوصلك هالبيت عن طريق مسج ) a22 9:انت إنسان حساس ؟ أوصف لنا مدى حساسيتك؟ ماعندي مدى ثابت .. كل يوم له قياس .. واليوم درجة احساس .. منعدمه .. |
رد: )) إحســاسكـ في ورطــه ((
10: صوره تعبر عن إحساسك؟ 11: وشأكثر إحساس تحسه بأيامك ؟ مع أبيات معبره لهذاالإحساس؟ احساس مجهول .. .. أو .. يمكن .. احساس بالوحده في عالم غريب .. ما اقدر اتعامل معاه .. " أنثر خاطرة أو بيت شعر معبر عن هذا الإحساس " عالم غريب وأناس متقلبين الأدوار في كل لحظه بل دعني اقول في كل ثانيه أناس تتأهب لرؤيتهم وانت في قمة سعادتك ولكن الفاجعه تاتي بعد خروجهم من مجلسك !! طعنة في الظهر تدمي من سمع بها فما بال من اصابته تلك الخناجر في الظهر أناس تعجز التعايش معهم !! ولكن هل بإمكاني أن اكون على موالهم ؟؟ وأفعل بهم كما يفعلون بي ؟؟ ليتني أستطيع ولكن ..... لن اكون صغيرة في نظر نفسي أبدا 12: وبعد نهاية الاسئلهشنوإحساسك ألحين؟ احساس بالراحه مابغينا نخلص .. ثانكس m!ss-83 عالموضوع الروعه .. وإنشالله يلاقي التفاعل الي يليق فيه .. وابي اورط .. امممممممممممممم ايه .. جدي حكيم الجامعه .. جدوووو مسعطر .. حياك .. |
رد: )) إحســاسكـ في ورطــه ((
بعد السلام و التحية ,, جزيل الشكر لأختي miss على النكبة العالمية :) و اوصل الشكر لحفيدتي على إشتراكها في جريمة فضح إحساسي :) في البداية عرفنا عن نفسك اللقب/ مسعطر عمر إحساسك/ أكل عليه الزمان وشرب ;) هوايتك/ متغيره و غير ثابته ,,ولا يوجد حالياً ,,a25 1: اكتب لنا تعريف للإحساس؟ عنصر حسي غير قابل للتحليل أو التفسير ، ولكنه قابل للإدراك والوعي به . ونستطيع القول بأنه عملية التقاط المعطيات الحسية التي ترد إلى الجهاز العصبي المركزي عن طريق أعضاء الحس المختلفة. فمن طبيعة الإحساس أنه أمر يحدث دون معرفة أو توقع من جانبنا غالباً. و الإحساس يختلف من شخص لشخص ,, و يأثر على القلب و العمل الوظيفي و الدارسة للأسوء او الأفضل ,, 2: أبيات ترحيب من اختيارك أو كتاباتك .. ؟
يا مرحبا ترحيب ينشر فالاخبـار=ترحيب من شاعر تحرك شعوره يا مرحبا ترحيب يكتب بالانـوار=و النور عم المكان بحظـوره اسمك مثل برق ٍ يبشّر بالامطـار=و القلب بوجودك تزايد سـروره الطيب بين الناس ماهوب منكور=و اللّي يزور الناس لازم تـزوره من الفرح رحبت بكي نثر واشعار=يا مرحبا باللّي يشرف حظـوره أبيات حب؟
أحبّك .. ايه احبّك و إن بغيت أنساك كيف أنساك = اشوفك يا عويني في عيون أهلي و فأوطاني توهّقت بغلاك و صرت أحبّك و أعشقك و اهواك=و حاولت آتراجع و أنسحب لاشك ممداني أبيات عتاب؟ ما اعرف للأسف .. او بالاحرى مالقيت مايروق لي حالياً :o أبيات شوق؟ ينزع الحر .. للعالي المنيف = عادة الحر .. لطام يعاف ذلني الشوق يالقاسي اللطيف = ولحظة الوصل .. من صدك تخاف انا قلبي .. جناح ٍ له رفيف= يتبع الشمس في الريح الصلاف للوعد جيت من لون الخريف = وللوعد جيت من طعم الجفاف ومر في ساعتي وقت ونزيف =ومر في خاطري حزن وزفاف آه وينك انا مثلك كفيف= وليه قمراك تطلع ما تشاف أبيات وداع؟
فمان الله يا أول من سكن بيـن الضلـوع العـوج=عسى دربك سفير و يـا عسـى الله مـا يخلينـي توكل لا توادع رح عسى درب الجفـا المسهـوج=يصادف درب فرقى ٍ عقبهـا مـا تلمحـك عينـي سمحت من الهوى و من القصيد و من زراق الموج=و رميت أغلى المجاديف الغرام و جيـت بيدينـي أبغرق في عذابك لا رحلـت و يصبـح المنتـوج=قصيد في حياتـي سلوتـي و أن مـت يرثينـي و اذا هبن بنات الريـح للذكـرى بـدون سـروج=أبسرج مهرة النسيـان و أرحـل مـن عناوينـي وبنسى لين أسج و برسل الونـات فـوج و فـوج=وبنسى دمع عيني ينتثـر و أنسـاك مـن حينـي صبور ؟ أي و الله اني ما ثنيت العزم قبـل أدوج=بريضان الجفا و أظمـا لوصلـك ليـن تروينـي شجاع ؟ اي و الله اني ما عرفت الذل قبل أسـوج=قدم رجلـي علـى درب لبيـت أهلـك يودينـي كريم ؟ اي والله اني ما عرفت الشح قبـل تـروج=دموعي في عيونـي ثـم أشـح بحسرتـي فينـي أحبك ؟ حسبي الله ليت مالك في سمـاي بـروج=و لا لـك بالبسيطـه كـود شـي بينـك وبينـي دخيلك لا تلتفت رح بفالـك و أتـرك المرجـوج=تغانم ما بقى لـك و لا أنـا مـا عـاد يمدينـي فمان الله سق ركبك علـى درب السنيـن العـوج=و لكـن طالبـك لا أقفيـت عنـي لا تخليـنـي 3: بعد الخيانة انتهت رغبتي فيك.. و إن كنت تذكرنا ترانا نسيناك (( وش إحساسك لما يوصلك هذا البيت على جوالك وشراح ترد )) ماعرفتك عشان انساك و اذكرك,,:) 4: لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا البيت.. في بيت من اختيارك مشتاق لي و أنا بعد مشتاق لك =يا شوق قلبي إنت يا كل الغلا
5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟ ابو نورة ,, و تعجبني كثير من اغانيه ,, منها هذي :
يا سحايب سراة أبها تعـدّي شمـال=و استعيري دموعي سيّلي كـل وادي غطي أرض الحبيّب بالندى والجمـال=مثل ماهـو منـدّي بالمحبـة فـؤادِ وارعدي يا سحابه فوق هاك التـلال=صوري له حنيني عقب طول البعـادِ ولعي يا سحابه بالسمـا كـل جـال=مثل ما أشعل فواد فيه كـدح الزنـادِ مير أشوف التسلي عن هواها استحال=وقفي يا سحابة حمـل الأشـواق زادِ دوك قلبي وعيني دوك بعض الخيـال=دوك كلي تبعتك ما بقـى لـي قعـادِ 6: من أشعار شاعرك المفضل ؟ قريبه إلى قلبك وإحساسك؟
أنت مطلوب الهـواوي وطمعتـه=ماعلـى زينـك تخيّـر واختيـار لـ / حمد بن قريّانو أنت مَن جَدّه عريـب وسمعتـه=شرّعت مـن دار ٍ لـي دار ٍ ودار ماشكـو جيـران بيتـه خمعتـه=شيخ ربعه هيبـه وقـدر أووقـار وأنت جامع زين صعـبٍ جمعتـه=زينكم ورث الصغار مـن الكبـار والله إن قلبـي عليكـم رمعـتـه=فرخ حـرٍ للدعـو نهّـض وطـار كل ما حظّي وقـف جـت قمعتـه=منك بالهامـه و حـوّل بإنحـدار شف حمد راح الخميس و جمعته =ما سمع صوتك و حاله في دمـار 7: نبي إحساسك باللحظة هذه توصفه لنا بأبيات؟
على كل حال البعد(اخيذة ضحى) وغبـون"=" لو ازعل عليك احيان وارضى عليك احيان تساقط عليه اوراق وتميـل منـه غصـون"="ياكم دق به خافـق وياكـم نبـض شريـان تدلى حشف غيبتك لين انحنـى العرجـون"=" وصدا غيبتك عتق على الباب والجـدران وانا والله انـي ماتعـودت اعيـش بـدون"=" مفارق-وقل-وضيق صدر-وزعل خـلان وعـذال مـايـدرون لوانـهـم يــدرون"="وكلامن نقله فلان مـاادري حكـاه فـلان يقولـون ويزيـدون فالهـرج ويعـيـدون"="وانا عاسفن قلبي على الصبـر والكتمـان يقولون هامان امس يضحك على فرعـون"=" ولكن طلع فرعون يضحك علـى هامـان وانا ابني على رجعتك حلمي واقول تهـون"=" يهون الامر لكنـه ابطـى وهـو ماهـان ليا اليوم وانا ابني على كل شكـل ولـون"="واشيد لـك البنيـان واهـدم لـك البنيـان اشيد من اسمنت المحبـه قلـع وحصـون"=" وواسع لك المدخل واشرع لـك البيبـان اذا للغلا عربون انـا اعطيتـك العربـون"="عطيتك وانا كالعاده اعطـي بـلا حسبـان اذا اني م000مون انا اشهد انك علي تمون"=" واذا تقدر النسيان انـا مااقـدر النسيـان انا مـن سببـك بكـون والعالميـن بكـون"=" ياراعي حضور جنان- راعي غياب جنان الين ان بعدك صار اخيذة ضحى وغبـون"=" لواني رضيت احيان ولا زعلـت احيـان 8: الطيب أساسك و الفخر للي يماشيك ، و الذوق شخصك، و يا سعد من هو يخاويك (إحساسك لما يوصلك هالبيت عن طريق مسج ) اتمنى ان الله يجملني في عيون المرسل ,, واكون عند هقوته ,, 9:انت إنسان حساس ؟ أوصف لنا مدى حساسيتك؟ اتوقع لا ,, 10: صوره تعبر عن إحساسك؟ http://img2.imageshack.us/img2/9281/95344009.jpg 11:وش أكثر إحساس تحسه بأيامك ؟ مع أبيات معبره لهذا الإحساس ؟ ما فهمت السوال زين ,, لكن بجواب باللي اشوفه ,,:) مرّ علي موقف فالايام الاخيرة,, و تذكرت هذه الابيات ,,
البارحه و اكثـر العُشّـاق فـي كـل دار =فـي خيـر ولاّ انـا والله مانـي بخيـر جوال ( ليلى ) سرى ليله علـى الانتظـار =ياويل حالي وانا ليلي سرى فـي سعيـر اعـد حبـّات مسبحتـي و ادوّر قــرار =و اقلّب ارقام جوالـي غضب..و استخيـر واقول من صدمة اللي صـار و الإنهيـار=وانا احس الغضب داخل عروقـي يسيـر ياليتني معطي ٍ ( ليلى ) اسمـي المستعـار=ماهي تعرف اسمي الاول والاسم الاخيـر 12: وبعد نهاية الاسئله شنو إحساسك ألحين؟ تمام التمام ,,:) ((تنبيه )) لاتنسى اختـــــيار عضو وتورطه . . أرسل له رابط الموضوع برسالة خاصة مآبي شي سوى تفاعلكم " مـابه جـديد " ادن دونك ;) |
رد: )) إحســاسكـ في ورطــه ((
& آهـــات الحـــزن & 1bh1
شاكره مرورج الجميل و المميز أميرة الاحساس 1bh1 مسعطر 1bh1 يسعدني تفاعلكم ويعطيكم العافيه ع الاجوبه الحلوه :) وفي إنتظار .. " مــابه جديـــد " 1bh1 |
رد: )) إحســاسكـ في ورطــه ((
السلام عليكم ورحمة الله وبركاته
في البدايه أحب اشرك ميس على الموضوع الرائع مثل ماعودتنا واحب أهد لمسعطر الله يجازي من يسوي سواتك:) وقبل البدايه ملاحضه ارجو انكم تحطونها بعين الاعتبار : شدو حيلكم مع البدليات والله لاعادني بمعود معدل المشاركه:) عرفنا عن نفسك اللقب : مابه جديد عمر إحساسك منيوم جا عمري سنه هوايتك
وين انت يالي لك هوايه وملحوض=مع النشاما في فياض البراري يازين شب النار في مدمث الروض=روضٍ عشيب وفيه جرت حباري 1: اكتب لنا تعريف للإحساس؟ لحد لمسني:) 2: أبيات ترحيب من اختيارك أو كتاباتك .. ؟
أرحب عدد ماغيم الجو روعد=وعداد مابين سهيل اليماني باغوص في بحر الشعر واتركد=وأختار منه طيبات المعاني حيث ان جزال الهرج لمعرب الجد=حزام جنبي من قديم الزماني أبيات حب؟
أحبك... حسبي الله ليت مالك في سماي بروج=ولا لك في البسيطه كود شين بينك وبيني توكل لااتلفت رح بفالك وترك المرجوج=تغانم ما بقالك ولا انا معاد يمديني فمان الله سق ركبك على درب السنين العوج=ولااكن طالبك لاقفيت عني ... لا تخليني أبيات عتاب؟ شفني على كثر الجفا ماتعلمت=لو ماورا فرقاك هاذا وصالي شفني ذكرتك همت بك كثر ماهمت=لاضاق بك قلبي ولا ضاق بالي[/poem] أبيات شوق؟ كلي شوق وقلبي شوق وعمري شوق :) أبيات وداع؟
قالت فمان الله لي خمس مرات=وانتي بحفضه مانطقها لساني من دون هرج عبرتي ياملا جات=ولو قلت كلمه ماخفى العين باني يانور عيني سيد ك العفيفات=تضحك وانا طو المفارق طواني؟ ياقو عزمك يوم كفيت بسكات=كانه وطاك من الغلا ماوطاني 3: بعد الخيانة انتهت رغبتي فيك.. و إن كنت تذكرنا ترانا نسيناك (( وش إحساسك لما يوصلك هذا البيت على جوالك وشراح ترد ))
أشيل عنك اللو ماقصدي غلا=رأفتن في حالتك يوم انتهيت
4: لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا البيت.. في بيت من اختيارك ارد عليه ع الطاير من عندي:)
يامرحبا وعداد مادق هوجاس=في بال منهو منشغل فيه بالي مشتاقلي وانا بعد ماله قياس=شوقي وحبي والغلا لك خيالي 5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟ محمد عبده واكثر ماحب من اغانيه واكره في نفس الوقت
6: من أشعار شاعرك المفضل ؟ قريبه إلى قلبك وإحساسك؟
يارجل سوقيها كذا ولا كذا ولا عليش=يابعد خطوات العرب ودروبهم متقاربه لـــ علي بن حمريخذنا من الدنيا عبر تكتب ولاهي تنقريش=من لاايغبر في زمنا مايدسم شاربه 7: نبي إحساسك باللحظة هذه توصفه لنا بأبيات؟ بوصفها من ابيات لي برشيفي القديم
أهدي نفسي بنفسي وهونها عليا مير=ليا منه طرالي صاحبي جبت المطمه الا ياوجد حالي وجد امن ولدها صغير=خذاه الموت وهي تبكي تجود ثوبه تشمه عليه اشفق من الضامي ليامنه بغاله بير=انا الضامي وهو عندي غلاه اغلا من الجمه 8: الطيب أساسك و الفخر للي يماشيك ، و الذوق شخصك، و يا سعد من هو يخاويك (إحساسك لما يوصلك هالبيت عن طريق مسج ) ماعليك زود ولا اداني رياسل المهايط بالجوال 9:انت إنسان حساس ؟ أوصف لنا مدى حساسيتك؟ كبر السما:) 10: صوره تعبر عن إحساسك؟ للأسف ماعرف احط صور:) 11:وش أكثر إحساس تحسه بأيامك ؟ مع أبيات معبره لهذا الإحساس ؟ والله مافهمت السؤال او ماستوعبته لاكن برد بكم بيت من ابياتي
القلب طير وصدر الانسان وكرا=والحب سبق الطير لينقطع حام عشاه لاايقنص ولا هو بيشرا=وملالواح طيري هي تصاريف الايام وقلبي قبل عرفش وحش ماتضرا=يصيد من يمنها وليا ضلم شام 12: وبعد نهاية الاسئله شنو إحساسك ألحين؟ الحمدلله على كل حال:) ((تنبيه )) لاتنسى اختـــــيار عضو وتورطه . . أرسل له رابط الموضوع برسالة خاصة مآبي شي سوى تفاعلكم العسر البيت بتيك:) |
رد: )) إحســاسكـ في ورطــه ((
إقتباس مع بعض التعديلات البسيطه أنا ناقل الأبيات وطلع فيها أخطاء مطبعيّه توني أشوفها أرجو شطب المشاركه السابقه [QUOTE=العـــسر;859856] اقتباس:
|
رد: )) إحســاسكـ في ورطــه ((
اووووالله اللي به دشير هنا :p .. لاهنت يا مس على فضايح الشباب وانا متابع من بعيد:)
|
الوقت في المنتدى حسب توقيت جرينتش +3 الساعة الآن 09:47 AM . |
مجالس العجمان الرسمي