سمعت علم كدر البال وشتان=جتنا الجرايد بالعلوم الوكيدة
لابالله الا بينوا علم راكان=و رجل لوعت حسرته ما تفيده
يا موت ما عينت غير ابو ضيدان=زعيم يام اللي عليهم فقيدة
شيخ إليا عدوا رجال لهم شان=يهوم هومات قريب و بعيده
مرحوم يا شيخ له المجد عنوان=لو كان يزعل من زعل ويش بيده
عينه ورانا من خطا كل عدوان=شيخ نفاخر به ينزح ضديده
الله يبيحك يا سلايل كحيلان=في جنة الفردوس روحك شهيده
مرحوم يا مقدم موسعة الأطعان=ليته بقا معنا سنين عديده
ينام في ظله شباب و شيبان=و يشيل حمل ما يشيله كنيده
يخشا و يرجا عند زوغات الأذهان=و كم واحد منه تبطل حديده
أقولها و أثبت على القول وكدان=و عندي على ذلك علوم وكيده
يشهد على ما أقول ولد ابن هضبان=فعله يعد من السجايا الحميدة
و الطيب يبقى له دلايل و برهان=ما هي حكايا أهل النفوس الزهيدة
كسابت الطولة عطيبين الأكوان=عسا لهم عند الألهي عقيدة
عقيده يدخل بها باب رضوان=في جنة الفردوس ينزل شديده
أقولها من جد و من قلب و لسان=و لمستعان الله لمعظم عبيده
و هذي تراها عادت الوقت خوان=الوقت جاير و المصايب عديده
و حنا نقول اليوم جا دور ضيدان=يمشي على منهاج الأول يزيده
ينهض شراع العز في كل ميدان=و حنا معه في كل شيء يريده
بيت الوفاء ساس المروه و الإحسان=جعل السعد في كل درب عضيده
مقدم رياجيل على الخيل فرسان=بديدة يا ويها من بديدة
في ما مضى لاقيل في الأرض عجمان=كلن من الذلة تراعد وريده
يشهد لهم تاريخهم سر و إعلان=هذي فعايلهم عتاق و جديده
أقولها في لابة فعلهم بان=ترقا سنود في الليالي النكيدة
هم سيفنا الصاطي على كل فتان=و حنا لهم درع حلاقه جديده
و هذا و صلينا على نسل عدنان=عداد ما طاف الحرم من عبيده

أشكرك أختي الملكة على مرورك العطر
أخيك : مسعطر

المشاركة الأصلية كتبت بواسطة فارس الحيان (المشاركة 387243) الله يرحمهم ولاهنت طال عمرك

المشاركة الأصلية كتبت بواسطة قطنان (المشاركة 387672) صح لسان الشاعر ولاهنت على نقل القصيدة تحياتي لكـ

أشكرك على المرور أخي قطنان.

أشكرك على المرور أخي محمد الشامري.