مجالس العجمان الرسمي - كانـت تقـول ايامنـآ كلهـا عيـد ...و اليـوم زل" العيـد "مـا عايدتنـي ...!!!!!!

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

كانـت تقـول ايامنـآ كلهـا عيـد ...و اليـوم زل" العيـد "مـا عايدتنـي ...!!!!!!

يسعد صـبـآحكم ...

السلام عليكم

للتواصل

اصـعب موقف بالنسبـه لـك ان العيـد يمر بدون ما يعايدك شخص كنت تتوقـع انه اول النـآس بيعايدك ..

صح بيصير العيد فرحـه بس جت ع الفـآضـي ...

استمتعوآآ ...

الدمعه اللي حدرت في ضحى العيد
خنقتـهـا خنقتـهـا واخنقتـنـي

ثم فيضت واسقت قفـار جراهيـد
لكنهـا تحـت المدامـع كوتـنـي

والحقتهـا ونـه وحنـه وتنهـيـد
وضربت صدري من كثر مابلتنـي

كثـروا علـي مدوريـن المناقيـد
نـاس تـدور زلتـي واشتمتـنـي

لو ان بعض الهرج مثل العباريـد
قدمه صخر لو صابنـي مانحتنـي

والهرجه اللي جات من زيد وعبيد
طمرتهـا طنخـه ولا عذربتـنـي

اكحـل العـذال واكـيـد للكـيـد
واقدح بزنـدي واتعصـى بمتنـي

ناسٍ تقول العشق ماظـن بـه فيـد
وكلن على همـه وشوفـه نعتنـي

ماذاقوا اللي ذقت من شـرد الغيـد
سكـرات حـب وعلـةٍ طاولتنـي

لاني عشقت من الظبى قايد الصيد
عنقاً سبت كل الغـلا ثـم سبتنـي

مدعوجة العينيـن منتوقـة الجيـد
اللـي تمنـى فرحتـي واهبلتنـي

لاجيت اعلمها من الشعـر وازيـد
ثم اهمست واغضت بعيـنٍ بلتنـي

تقول يفدونـك جميـع القواصيـد
واقول انا فـدوة عيـون اهبلتنـي

واليوم دون القرب حل التصاديـد
ويش السبب واللي هوتني جفتنـي

العيـد راح وخلـد الهـم تخليـد
من يومهـا غابـت ولا وادعتنـي

كانـت تقـول ايامنـا كلهـا عيـد
واليـوم زل العيـد مـا عايدتنـي

للشـآعـر ... عبدالله العصيمي

و عـسـى ايامـكم كلـهآ عيـد ..