لو هانت ايامي عليك - للشاعر مسفر الدوسري
حاب اشاركم اليوم بقصيده من تصميمي من روائع الشاعر المبدع مسفر الدوسري قصيدة لو هانت ايامي عليك . http://www.youtube.com/watch?v=cOU_lmQXEOM لو هانت ايامي عليك ايامك انت ما راح تهون ايامك انت ماي العيون واحلى جنون ايامك الليل اللي لبسني القمر الماس خاتم بإصبعي وايامك الصبح اللي لبسني الضوا ثوب وزبون وايامك اللي لحفت اطرافي في عز الشتاء وكان وقتها اقرب دفا مسافة احزان وطعون انا من قبل ما التقيك ما كان يحب نبضي ابد قلبي ولا كانوا يحسون بفرح لو يلتقون ايامك اللي خلتهم على طول المدى يتصالحون انا من قبل ما التقيك ما كان ابد ينبت على شرفة هناي عشب الاغاني الساحره وماكنت اقلب الصبح واشوف اثر ندى بدفاتره ايامك هي اللي عطت هذا الجمال لدنيتي وخلتها في هذا الفتون وهي اللي اهدتني مفاتيح المزون وهي اللي خلتني اشوف اني عظيم واني رغم قبحي وسيم ايامك الغيث الكريم وايامك القلب اللي كان في حاجتي دايم عليم وكل ما طلبته قال ابشر تمون ايامك العمر الحنون وشلون تهون ايامك انت رغم الفراق وشلون تهون |
رد: لو هانت ايامي عليك - للشاعر مسفر الدوسري
الله ع الابداع و مسفر ماهي غريبة عليه يسلموو |
رد: لو هانت ايامي عليك - للشاعر مسفر الدوسري
صح لسان مسفر الدوسري على الأبيات الجزلة وتسلم يمينك على التصميم الرائع
: 1bh1 |
رد: لو هانت ايامي عليك - للشاعر مسفر الدوسري
اقتباس:
مسفر مثل النهر لا ينضب دائماً مبدع وساحر بكلماته شاكر مرورك وكلام الجميل |
رد: لو هانت ايامي عليك - للشاعر مسفر الدوسري
اقتباس:
والله يسلمك وشاكر مرورك |
رد: لو هانت ايامي عليك - للشاعر مسفر الدوسري
خسارة ... ياليتها من دون موسيقى
ومشكورة ع القصيدة ماقصرتي |
الوقت في المنتدى حسب توقيت جرينتش +3 الساعة الآن 04:28 PM . |
مجالس العجمان الرسمي