|
( الشــــــــاعر الكبير راشد الخـــلاوي ووصـــــف القبـــــائل العربية )
بسم الله الرحمن الرحيم
( الشــــــــاعر الكبير راشد الخـــلاوي ووصـــــف القبـــــائل العربية ) يروى ان راشد الخلاوي حل ضيفاً على ابن عريعر وكان من عادات القبايل أنهم ما يسألون الضيف لين يكرمونه وبعد ما عشاه من بكره سأله من أي العرب أنت ياضيف ( ابن عريعر أصله خالدي ولديه فراسة وهو يعرف ضيفه من أي العرب ولكنه أراد سؤاله ) .. فقال: الخلاوي : أنا من حفارة الأبيار مغلية الأسعار ابن عريعر: لا هذولا حرب ولا أنت منهم الخلاوي : أنا من كبار الصحون وساع الطعون ابن عريعر : لا هذولا شمر ولا أنت منهم الخلاوي: انا من اهل الشوايــع يوم الوقــايع ابن عريعر : لا هذولا الشـــــلاوى ولا انت منهم الخلاوي : أنا من ذباحت الحايل لطامة العايل ابن عريعر : لا هذولا عتيبة ولا أنت منهم الخلاوي : أنا من هل السبيب المتدلي والظعن المولي ابن عريعر: لا هذولا الظفير ولا أنت منهم الخلاوي:أنا من معسفت المهار متيهة البكار ابن عريعر: لا هذولا البقوم ولا انت منهم الخلاوي : أنا من اللي لبسهم قز وطعنهم كز ابن عريعر: لا هذولا عنزة ولا أنت منهم الخلاوي : أنا من لباسة البشوت كبار البخوت ابن عريعر: لا هذولا سبيع ولا أنت منهم الخلاوي : أنا من اللي ليا جلسوا سلاطين وليا ركبوا شياطين ابن عريعر: لا هذولا العجمان ولا أنت منهم الخلاوي: انا من كثيرين الحركة قليلين البركه ابن عريعر: لاهذولا قحطان ولا انت منهم الخلاوي : انا من شرابة القليب ................ ابن عريعر: هذولا مطير ولا انت منهم الخلاوي : أنا من نزالة الوعر مبلمة الجعر ابن عريعر: لا هذولا السهول ولا أنت منهم الخلاوي : أنا من مخيلة البروق موسعة الخروق ابن عريعر: لا هذولا الدواسر ولا أنت منهم الخلاوي : أنا من ركابة الشهارى ذباحة العفارى ابن عريعر: نعم هذولا صليب و أنت منهم .. وشكراً |
الشلوي2
بيض الله وجهك ولاهنت والخلاوي معرووووووف وصح لسانه الخويطري |
نعم نعم نعم جبتها يالشلوي و عز الله وانا مواصل كل ما جاء قبيلة و قريت كنك تذكرني باللى يقولها لى سنييييييييييييييييييين مضت ولقيت واحد يعرفها بس ماقالها لي و هي ما فيها شى و توصف قبايل طيبه من الجزيره (بقابا العرب الأصيله و أهل الطيب)
كمّل طال عمرك وباقي وااااااااااااااااجد |
ابو فيصل الخويطري
elshamri ومن قال مشكورين على مروركم يعطيكم العافيه وايضأ لقد ذكر قبيلة زعب لكن لم يحظرني ماذا قال فيهم لكن الاخوان مايقصرون يجيبونها انشاء الله |
مشكور يا الغالي وبيض الله وجهك
|
هلابك يامحمد
ووجهك ياعزيزي ومشكور على مرورك يالغالي لاهنت |
لاهنت يالشلوي وبيض الله وجهك
والله يرحم الخلاوي |
هلابك يالمولع
يعطيك العافية لاهنت على مرورك |
مشكووووووووووووووور على النقله الطيبه
كاااايهم |
لاهنت وبيض الله وجك
|
| الوقت في المنتدى حسب توقيت جرينتش +3 الساعة الآن 04:05 AM . |
مجالس العجمان الرسمي