مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس المحــــاورة والألغاز الشعرية (http://www.alajman.ws/vb/forumdisplay.php?f=28)
-   -   (( الــمــحـاورة )) : شروطها , و فنونها , و أوزانها (http://www.alajman.ws/vb/showthread.php?t=20904)

راكان المحفوظي 14-05-2007 05:33 AM

(( الــمــحـاورة )) : شروطها , و فنونها , و أوزانها
 
السلام عليكم ورحمة الله وبركاته...

اخواني الاعزاء...

اسعد الله اوقاتكم بكل خير..

انقل لكم من خلال هذا الموضوع عن المحاوره والتي زادت جماهيريها بشكل غير

متوقع في الاونة الاخيرة..


واتمنى ان ينال الموضوع على استحسانكم..



(( شــعــر الـمـحـاورة ))


المحاورة أو مايسميها البعض ((الردية)) فن خاص من فنون الشعر

التي حققت رواجاً وانتشاراً كبيرا على مستوى الخليج العربي.

وهذا اللون له عشاقه ومحبيه وهو يختلف عن شعر النظم.

اذ يعتمد على سرعة البديهه حيث انه يلقى في نفس الموقف ارتجالاً

هنالك عوامل مؤثرة في عطاء الشاعر وفي المحاورة نفسها منها:


1- الصفوف (شياله):

فكلما كان عطائهم جيدا وصوتهم مسموعا ... وكلما كانو منظمين اكثر كلما أعطوا
المحاورة .. متعة وجمال.


2- القافيه:

وهي على نوعين:

مطرود: وهي ان يلقي الشاعر بيتا واحدا .. ويرد خصمه ببيت.

وسمي: ان يلقي الشاعر بيتين مفصولين ويرد عليه الخصم ببيتين .. وهو الغالب.

3- الصوت:

وهو عامل مهم جدا ويعيب على اكثر الشعراء رداءة الصوت وبحاحته .

فكلما كان صوت الشاعر مسموعا وواضحا كلما رفع اسهمه عند الجمهور.

من الامثله على الشعار المتميزين بصوتهم الرائع :

تركي الميزاني , ابن جرشان البقمي ، مطلق الثبيتي (رحمه الله) ، صياف الحربي
وغيرهم لاتحضرني اسمائهم.

4- سرعة البديهه والرد:

وهذا عامل يميز بعض الشعراء

لعل ابرز الشعراء سريعي البديهه:

مستور العصيمي ، مطلق الثبيتي ، احمد الناصر الدوسري ، فيصل الرياحي ، حبيب العازمي وغيرهم

5- اللحن :

لحن المحاورة من عوامل نجاحها وتفاعل الجمهور معها

لعل ابرز الالحان الرائعة التي تأتي من حنجرة

تركي 200 ,حبيب العازمي، خلف ، مطلق الثبيتي ، صياف الحربي ...



***************************


((( أوزان القلطة )))


1-البحر الطويل :

مثل محاورة خلف والمعنى :

خلف:




المعرفة تجيك بها العوارف والعوارف تجيك بها وطنا=ياسلامي على شيخ فتح للشعر ميراد حق وصار عاده
يالمعنى عليك الله وامانه ياهل الملعبه وين المعنـى=غاب عشرين عام ولابغيت القاه والحظ جابه من بلاده



أو كقول حبيب العازمي في محاورة مع خلف:

حبيب:




يامرحبا ياخلف عقـب انـك وصلـت المطـار=والطايـرة وقعـت وانـت مـن بيـن ركابهـا
مدري حجزت على العودة حجز اوكي ولا انتظار=الله يامنا من العـودة ويحمانـا مـن اسبابهـا



2-المروبع المكسور:

كقول الشاعر مطلق الثبيتي في محاورة مع الزلامي:

مطلق:




من ضمير الرضى مرحبا بالضيوف=عـنــد شـيــخ الجـمـيـع
ياالزلامي تهرج يازين الوصـوف=زبــدتـــك لاتــمــيــع



3-القصير:

كقول احد الشعراء:




ياسلامي على كل الرجال=ردة خاطـري غنابـهـا
هبت رياحها شرق وشمال=والمعاني حسبت حسابها


او مثل محاوره احمد الناصر و علي الماجد

احمد:




ياسهيـل اليمانـي لاتغيـب=ودي اسري وابي درب العدال
شاب راسي قبل حل المشيب=ياعلي مـن غرابيـل الليـال




4- المنكوس:

مثل المحاورة التي جرت بين مطلق الثبيتي (رحمه الله) وصياف الحربي
صياف:




قلب الثبيتي طار.. تالي الليل .. قلب الثبيتي طار=قلته وانا خابر.. هواذينه.. قلتـه وانـا خابـر


مطلق :




صياف يامكار.. جاك السيل .. صياف يامكار=يالله ياساتر .. على عينـه .. يالله ياساتـر


أو كقول أحد الشعار:





سلام رديه.. بها راس وعيون.. سـلام رديـه=الليلة الليلة.. بها أشكال والوان .. الليلة الليلة
رده ومثنيه .. على اللي يغنون .. رده ومثنيه=كلن وتحليله .. إلى كان ماكان .. كلن وتحليله

5- المخومس:

كقول الشاعر :





ياناقلين الطـرق عنـي=من جنب الطاروق غادي
إن قالو العالـم تعبنـا=أنا قوياتـن عضـودي



تعاليل ياهل الملعبه هذي تعاليل




6- المسودس:

كقول مرشد البذال:




اسمعـوا وافهمـوا رد الكـلام=ياسلامي على اللي يفهمون أقوال


مــن قــدم شـريــف الـكــلام بـلاجــزا

شاقه الالم ... واغرم يوم جابنه مطاليب حاجات الرفيق

مــن عـنـالـه وجـــب حـقــه وصـــار




7- المثومن:

مثل قول الشاعر:




وصلنا كلامك ونفهم كلامك

تبي تركب البرج والبرج عالـي
ترفق وخل المشي يارجل بالهون

لقيتك لقيتك وانا مانسيتك

تصلي الفروض وتبوق القرايب
توضيت والا مصلي ماتوضيت




8- المربوط:

وهي ربط شطري البيت او آخر البيت بكلمة او جملة مكررة.

أ- مربوطه بجهة واحدة:

مثل قول مستور العصيمي :





سلام الله بردية ولي نية ولي مقصود=ومقصـودي شليويـح المـطـاري



واسر ياساري



ب- مربوطه من الجهتين:

مثل محاورة احمد الناصر ومطلق الثبيتي (رحمه الله):

احمد:





عيني تحب اصحابها .. والله يلوم اللي يلوم=بجمادى والا رجب ... عيني تحب أصحابها



9- السهل:

وهو الشائع.

كقول احمد الناصر في محاورة مع سلمان السبر:

احمد:




وين سلمان وينه واحمـد الحمـاد=كل واحد يغيـب ويطـول الغيبـه
ودي أقعد ولايصلـح لـي المقعـاد=وقلبي أقشر ولاادري وش اسوي به


او كقول نجر بن فيصل العتيبي في محاورة مع نايف العماوي
نجر:




العماوي ينادي وانا عنه غايـب=يبحث النار بيدينه وهذي مصيبه
كل ماقلت لاتشعل علينا الحرايب=قال انا عنتر الشداد وامي زبيبه



هذا والله اعلم ..

واتمنى من الاخوان الاضافة..

وتقبلوا فائق تقديري واحترامي..

مهرة النسيان 14-05-2007 06:43 PM

رد: (( الــمــحـاورة )) : شروطها , و فنونها , و أوزانها
 
لاهنت ياراكان شرح وافي ودقيق ..

دمت بود..

عبدالله آل عامر 15-05-2007 02:19 PM

رد: (( الــمــحـاورة )) : شروطها , و فنونها , و أوزانها
 
صحت يمينك والله لايهينك يا راكان على هذا الشرح الوافي لفن المحاورة

تحياتي لك؛؛؛؛؛؛؛؛؛؛؛؛؛؛؛

راكان المحفوظي 17-05-2007 07:22 AM

رد: (( الــمــحـاورة )) : شروطها , و فنونها , و أوزانها
 
لاهنتي يا مهره على المرور العطر ويعطيش العافيه تقبلي تحياتي

راكان المحفوظي 17-05-2007 07:23 AM

رد: (( الــمــحـاورة )) : شروطها , و فنونها , و أوزانها
 
ارحب يابو سراج ولاهنت على المرور الكريم ويعطيك العافيه تقبل فائق الشكر والتقدير

راشد العتل 19-05-2007 02:50 AM

رد: (( الــمــحـاورة )) : شروطها , و فنونها , و أوزانها
 
تسلم يدينك ياركان شرح جميل و واافي يالوااافي
تحياتي وتقديري لك .. :)

سعود الخويطري 22-05-2007 02:42 AM

رد: (( الــمــحـاورة )) : شروطها , و فنونها , و أوزانها
 
بيض الله وجهك يـ راكان المحفوظي



وسلمت يمناك على الشرح التفيصلي والجميل لـ فنون المحاوره وشروطها وأوزانها



وتقبل سلامي واشواقي

عذوب 25-05-2007 10:52 PM

رد: (( الــمــحـاورة )) : شروطها , و فنونها , و أوزانها
 
مشكور على هذا الشرح
يعطيك العافية اخوي:


( راكـــــــــــــــان )




وتقبل تحيتي العذبة

راكان المحفوظي 13-06-2007 02:04 AM

رد: (( الــمــحـاورة )) : شروطها , و فنونها , و أوزانها
 
ارحب يا راشد لاهنت على المرور الكريم ويعطيك العافيه

عـسـاه خـيـر 19-06-2007 02:29 AM

رد: (( الــمــحـاورة )) : شروطها , و فنونها , و أوزانها
 
صحت يمينك والله لايهينك يا راكان على هذا الشرح الوافي لفن المحاورة


الوقت في المنتدى حسب توقيت جرينتش +3 الساعة الآن 01:33 PM .

مجالس العجمان الرسمي