مجالس العجمان الرسمي

يازيـن ياللي ذابـحـنّي صدودك = ان كـان ماتـلفي تـرى اليــوم بـجـيـك

دايـم تـجــاهـلني وتبـدي جحودك = وشــلـون تـقـدر تـحـرق انسان يبـغيك

لوكنت غايب في حشايا وجـودك = طيـفـك يـمـر الـيــا تـسـمّـعـت طاريـك

أغـار من نفسي واعاتب شرودك = واغـار مـن نـفـسـك لـيــا جـت تناجيك

ياغـصـن يافـتــّان ريّــان عـودك = ودّي اضـمّـك وابـدي الوجـد وارويــك

أهــواك ياهـتّـان واهـوى رعودك = أبـغيــك تــروي ظامي الروح من فيك

العــقــل عاتــبـني عـلامــه يقـودك= والقـلـب زمـجـر ياغـبي وش يــدرّيك

هــذا حيــاة القـلـب حـبّـه يـزودك = مـن مـا عــطاه الله يـاصــاح يـعـطيـك