|
(( يـــــبــــــه ))
السلام عليكم ورحمة الله وبركاته اعضاء وزوار مجالس قبيلة العجمان اسعد الله اوقاتكم بكل خير قصيدة متواضعة في والدي آمل ان تنال على رضاكم واعجابكم.. . . .
يالله زينها من اليوم ياوال=انت ارجى ربي وانا اليوم برجيك وانت الكريم اللي عليمن بالاحوال=وانت البصير ماشي بالكون يخفيك وانت الذي أمرك بحرفين ينقال=كن فايكن والأمر جاهز بياديك يالليت عندي من خزينات الأموال=تامربها يبه على العز تاتيك واشيل حملك وانا للحمل حمال=واجلب لعينك كل شين يهنيك انا يمينك لاحتمى الوقت اومال=وانا مخلابك صيده اللي يعشيك انا لك الفيه ونسانس وضلال=وانا من رمضى حذايا مواطيك شوفك على روس المنيفات بالعال=شين يهنيني وهذي مرابيك حي الفتى لاصار للحمل شيال=يشيل حملك فوق حمله يبديك بشرب علشانك من الموت فنجال=بوردك عدن من الشهد يرويك ياشيب انا ذيبن على القوم مدهال=وانا على دربك وبتبع خطاويك اما يقولون العرب جاب رجال=ولاحرام اني جليسك موازيك وسلامتكم |
رد: (( يـــــبــــــه ))
شرف لي آكون اول من اطلع على قصيدتك
صح لسـآنك ..~ والله يطول في عمر وآلدك.. |
رد: (( يـــــبــــــه ))
صح لسانك يا القرم وبيض الله وجهك على القصيدة الجزلة
|
رد: (( يـــــبــــــه ))
عسى عمره طووويل
وصح الله السانك على الجزله والوافيه ويخلي لك شايبك ولاهنت |
رد: (( يـــــبــــــه ))
صح لسانك
وأتمنى المزيد |
رد: (( يـــــبــــــه ))
انــــا لــــك الـفـيــه ونـسـانــس وضـــــلال
..............وانـــا مـــن رمـضــى حــذايــا مـواطـيــك شوفك علـى روس المنيفـات بالعـال ..............شــــيــــن يـهـنــيــنــي وهــــــــذي مــرابـــيـــك ^ آنششششهد .. مترك صح منطوقك وإحساسك .. وجعل عمر شآيبك طويل .. . |
رد: (( يـــــبــــــه ))
صح لسانك ... ويستاهل الشايب
وفالكم طيب |
رد: (( يـــــبــــــه ))
الله يطول بعمرالوالد على الطاعة والصحة
قصيدة معبره بكل النواحي مترك العمره صح لسانك ودام ابداعك. |
رد: (( يـــــبــــــه ))
صح لسانك يبن عمره والله يخلي لك الوالد ويطول بعمره .. قصيده جزله سواء بموضوعها وسواء بمعانيها .. والله ياجرك ان شاء الله على بر الوالدين ..
وانت الكريم اللي عليمن بالاحوال وانت البصير ماشي بالكون يخفيك بشرب علشانك من الموت فنجال برودك عدن من اشهـد يرويـك ما ادري ارجو انك توضحلنا اللي بالاحمر منوه عليه انا .. لأنه ابداً مايدخل بالشعر النبطي الموزون المعروف .. ومثلك عارف انه بحر "المسحوب" اللي انت كاتب عليه من اسهل البحور حتى على سنه اولى شعرياً .. ارجو انك تفيدنا يا استاذنا الاديب مترك ابن عمره .. علشان استفيد انا وغيري من فحول الشعر من ابداعاتك الجميله .. شاكرلك اولاً واخيراً .. تقبل ودي واحترامي .. |
رد: (( يـــــبــــــه ))
اقتباس:
الاخ العزيز/ ملامح بوسفيه يامرحبا والله ومسهلا سعيد بحضورك العذب ويشرفني بانك اول الحضور ..وصح الله ابدنك وكلك ... وتسلم على الدعاء الطيب .. حضورك شرف شكري وتقديري |
| الوقت في المنتدى حسب توقيت جرينتش +3 الساعة الآن 12:36 AM . |
مجالس العجمان الرسمي