بعد ما نفذ صبري وصدوا بعض الاصحاب=وقامت هل المنات تقصر جمايلها
تنصّيت شيخٍ فزعته تنقذ المنصاب=ومن فعله العجمان تفخر قبايلها
محمد بن مانع حسب للرجال حساب=ليا واعدك في كلمةٍ ما تجاهلها
يسوقه على درب الوفاء واهسٍ جذاب=ولا خاب دعوىً وابن جمعه تكفلها
يمد الضعيف ويبذل الجهد مع الاسباب=وينقذ نفوسٍ مايل الوقت مزعلها
ليا من زهمه المنقهر يفقد الاعصاب=وله سمعةٍ بالطيب تعرف دلايلها
خذا المرجله بالطيب ماهيب ضحكة ناب=ولا كل من يبغي المراجل يحصلها
راعا موقفٍ يامن به الخايف المرتاب=جهوده مع جاهه لمن جاه يبذلها
فدته الرخوم اللي تكبر على الاقراب=كبار النفوس اللي تولع فتايلها
مثل من يغير منهجه والغراب غراب=على منهجٍ لابليس وابليس مشغلها
وختم المثايل عد ما بان نجم وغاب=ذكر من خلق خلقه والاعمال سجلها