اهدي اليكم هذه المتواضعه وارجوا ان تحوز على ارضائكم

في ليلتن غدرا شكا قلبي الحال = على الضلوع العوج من دون تمثيل
وسراني الهاجوس من جال لجال = والجو يبعث للحزن والغرابيل
والوقت ذاك الليل باالذات بي طال = وعقارب الساعه تعذر عن الميل
سريت لين النفس ماعاد تحتال = امن المشي والهم والغم والويل
وعودت صوب البيت من دون جوال = لا ابغي اتصالاتن ولا ابغي مراسيل
مليت من شوفه هل القيل والقال = الي حكاياهم على الناس تضليل
ناسن ترفع بك على كل موال = ان كنت موجودن وان اقفيت 00ياليل
اذنك اتصفر لامن اقفيت باالحال = من صادق الغيبه وزود الاقاويل
ومليت من ناسن على ناس تحتال = تظهر لنا الطيبه وتخفي المحابيل
ناسن يغذيها الحسد حقد واذلال = وامنين ماعدلتها ترجع اتميل
غايه مناها00 كيف00 وشلون00 تغتال = اهل العلوم الطيبه والمشاكيل
ومليت من همن على البال لازال = يقبل ويقفي كل مره بتشكيل
يرويني اليا حل ضيقن وغربال = وليا رحل شفت الهنا والتهاليل
ودي افضفض مابقلبي من اهوال = واظهر المكنون جمله وتفصيل
لكن عسا فالصبر خير وسعة بال = والله على قد الصبر يعطي الكيل
والصبر مفتاح لكثيرات الاقفال = وبقدرة المولى نشوف التساهيل

وسلامتكم

صح بدنك

طال عمرك

ولاهنت

يامراقبنا

صح بدنش

يامهره

ولاهنتي على المرور