ديوان كامل مكتوب لابن فطيس ( الجــــزء الاخير) الحقوا عليه
بسم الله الرحمن الرحيم السلام عليكم ورحمة الله وبركاته هانحن قد وصلنا معكم الى أخر جزء من قصائد شاعرنا المميز محمد بن حمد بن فطيس المري . ومن هنا اشكر كل الذين تواصلوا معي منذ بداية الجزء الاول حتى النهايه ولهم مني كل الشكر والتقدير . وعساني قدرت على رد الجميل لمنتداي المحبوب ( مجالس العجمان) ولكم مني كل الاحترام والتقدير قبل ما حظي من الدنيا
قبـل ماحظـي مـن الدنيـا يجمّـد=ماحسب يومي ولا احـسّ بمـروره يوم كـان اسمـي محيميـد اتحمّـد=كان مسموح انظره وارقـى لسـوره احذف الكـوره علـى بيتـه تعمّـد=لجل اجي واقول ماحد شاف كوره !!؟ واستلـذ بشوفتـه تـوّي واكـمّـد=بالوصال جروح في الصدر محكـوره وقت واحرقه الزمـان ايليـن رمّـد=مايعـوّد لـو يـدور الفـيـن دوره راح من عمـري وقدنـي ذا محمـد=صعب حتى شوفته في وسـط صـوره سولفــــــــــــــــــــــــــــــــــــوا
سولفوا تكفـون لاعـد تسكتـون= قبل لا اهوجـس وياتينـي بـلاي= السكـات يـزوّد طعونـي طعـون= وتنكسر لا جا على راسي عصـاي= سولفوا لو مـا بغيتـوا تسولفـون= قبل لا اقعد في الحزن رايح ..وجاي= واضحكوا لو بالعمالـه تضحكـون= وجاملوني لـو يضايقكـم احكـاي= لي وليفن راح جعلـه مـا يهـون= هــو دواي وداي..او داي ودواي= راح لاكن طيف زوله فـي العيـون= مــرة ٍ قـدامـي ومــر ٍ وراي= وان سكتوا جا .. وهو طيفه يمون= رحت اهوجس له وابيّن لـه ولاي= مكسب عيوني من الفرقا مـزوون= تمطر لطاريه..والبرق ؟ اصدقـاي= كل ما طـروه لـو هـم يمزحـون= احرموني من غداي ومن عشـاي= ادري انه ما تناسـى الـود كـون= تسمع اذنه في قفاي اللسن اعـداي= وكانهـم قالـو نسيتـه يكـذبـون= والا انا فيـه امتلـك نظـره وراي= كان حبه لي على خبري مصـوون= والله ان كني بقـدري ..وبغـلاي= ذي بقايا الحب واطـلال الجنـون= والله اعلم في ضميره وش بقـاي= غيـر طيعونـي ولاعـد تسكتـون= ولا والله ان اسمعكـم ابـكـااااااي= الحزن ما يذبـــــــــــــــــــــــح
بشت الوقــــــــــــــــــــــااااااااااااار
الشااااااااااااااااااااارع العااااااااااااااااام
عقبال ياماخذ فـؤادي ميـة عـام= ضيعتني منك وانـا مـا اهتديتـك= لا ..ما نسيتك كيف بانساك مـا دام= ذكرى الفراق تهزني لـو نسيتـك= حبك قدر وانا على ديـن الاسـلام= مكتوب في وجه الجبين ورضيتـك= لك في الضمير الود والحشمه اتوام= ولي في ضميرك مثل ما انا بغيتـك= ولك منزلٍ في نايف القلـب وخيـام= وذود الغـلا ترعـاه ولا شكيـتـك= يفطر عليك القلب وان فارقك صـام= والله لونك شـوك سـدره كليتـك= القلب طيرٍ لادعـي للهـوى حـام= والا انت وكره من كثـر ماهويتـك= كن العيون من النظر عقبـك ايتـام= وكني ماريت الا انت من يوم ريتك= وكنك معي وانا فقدتك مـن اعـوام= مـع الخيـال القـاك كنـي لقيتـك= من صعب وصلك ما تهنيتك احـلام= وان جابتك فزيت شـوق ومحيتـك= يعني وصالك صعب واهدافي اوهـام= يعنـي زرعتـك للقـدر ماجنيتـك= صبرك يقولون العرب كـل الايـام= يوم عليـك ويـوم لاجـاك جيتـك= ويا قلب ياللي ورثك اجـروح وآلام= بليتنـي ماهـو بانـا اللـي بليتـك= ولعتني من عادني في الهوى خـام= واسرفت بي وانا خطامـك عطيتـك= طعتك وزبدة طاعتـك هـم وهيـام= مالله كتب لي واستخرت وعصيتـك= لوللقلـوب اسـواق بايـع وسـوام= لاابدلـك وان جيتنـي ماشريـتـك= والا انت ياللي جيش عينيك مقـدام= لا اقنعت منـك والرجـا مارجيتـك= كني سجين بين..افـراج ..واعـدام= وكنك سجن وانـا بنفسـي بنيتـك= تنبيك عن حالي محاصيـل الالهـام= وتخبرك نظراتـي نهـار التقيتـك= عقب الوصال اللي على عين من لام= قدهو يكفيني عن الوصـل صيتـك= وقدني الى مريت بالشـارع العـام= لديت من ما في الضميـر ودعيتـك= ادري ان صوتي ماقطع عشرة اقدام= وادري بي اعود الى مـن نصيتـك= ياشينهـا يامحنـيٍ راس الابـهـام= ماقدر على شوفك وانا عنـد بيتـك= الاعمار ما تضمن وانا اخاف الاحكام= يابريئــــــــــــــــــــــــــــــــــــــه
يـابـريـئــه وانـتــي ابـعــد مــا يـكــون مــن الــبــراءه= اكـتـشـفـت انـي انــا الـمـخــدوع ..وان مـنـتــي بـريـئــه= تـذبـحـيــن الــحــب وتـعـزيـنــنــي فــيــه بــجــراءه= وتـذرفـيــن الـدمــع لـفــراقــه ولا كــنــش مـسـيــئــه= كـنـت اقــول انـحــن حـروفــه انــا حــاءه وانـتــي بــاءه= وكـنـت اقـول ان فـي مـلامـح وجـهــش اوصــاف الـبـريـئــه= وكـنـتــي لـقـلـبــي كــرات الــدم يـعـنــي... يــاغــذاءه= وكـنـتـي اغـلا مـن مــراح الاكـسـجـيــن ومــن مـجـيـئــه= وكـنـتــي الـسـلـطــان بــه والــشــوق والـغــيــره ولاءه= والـعــروق مــن الـوفــا والــصــدق واللهفـــه مـلـيــئــه= بـس بـعـد الـلـي حـصـل ســرت اعــرف الـبـيــر وغـطــاءه= اشـهــد ان الـكــذب مـهـمــا تـمـتــن حـبـالــه ..رديـئــه= عـلــمــوش الــلــي مـبـادئــهــم سـخــافــات ودنـــاءه= وانــا مــا الـومــش لأن الاصـدقــا لـلـشــخــص بـيــئــه= يـعـنــي مــاعــادش بــبــاء الــحــب ولاانـــا بــحــاءه= اصـبـحـت عـنـدي عـبــارات الـهــوى ..عـفـوا..(بـذيـئــه)= وانـهــزم جـيــش الـثـقــه واضــرب عــن الـرفــه لــواءه= الـريـاح تـقــول لــه رفــرف وهــو يـئـبــا الـخـطـيـئــه= الـخــيــانــه داء والــفــرقــا اشــــوف انـــهـــا دواءه= عـــازمٍ مـــا عـــاد اطـولــهــا ولــلــه الـمـشـيــئــه= الـفــراش الـلــي يـغــره فــي الـمـصـابــيــح الاضـــاءه= والا انـا اعـرف الـوجـيــه الـســود لــو كـانــت مـضـيـئــه= ان حـسـبـتـيـنــي جــريء وشـفـتــي ان هـــذي اســـاءه= فـانـتــي اول مــن اســاء بـحـقــي وكـنــتــي جـريــئــه= اعــرفــي ان الـخـيــانــه مـــا تــواطـــن والــبـــراءه= ومـوتـي بـسـيـف الـهـجـر..لـن الـهـجـر....مـوتـه بـطـيـئـه = تصفيــــة الحســــــــــااااااااااب
يالله عفوك يـوم تصفيـة الحسـاب= يومٍ حصاد لما زرعنا فـي السنيـن= يوم الحشر قـرب ولا معنـا زهـاب= اليوم فـي الدنيـا وبكـره راحليـن= نجني ذنوب ونرتجي عفـو وثـواب= وعلى نصر ربـي لنـا مستعجليـن= تدرون ليـه امالنـا كنهـا سـراب= تدرون ليه النصـر سيـف الاوليـن= الاوليـن اعمالهـم وفـق الكـتـاب= قاموا عليـه وباعـوا الدنيـا بديـن= وحنا غفلنـا بيـن مـا لـذ وطـاب= والنصـر سيـفٍ مايسلـه غافليـن= نصبح على شوف انتهاكات وخـراب= ونمسي على دمـع وتنهـات ونيـن= بصدورنا شي تذوب الـه الهضـاب= وافعالنا والواقـع ريـاح ..وطحيـن= وعلى العيون من الفتن مثل الضباب= معد درينا من يسـار ومـن يميـن= ما للضعيف الا الدعـا لـو مايجـاب= ماغيره الا الشوف مكتـوف اليديـن= يالله زلزل تحـت الاعـداء التـراب= والطف بنا واحقن دمـاء المسلميـن= ندوعك ياقادر على جعـل السحـاب= جيـش لنصـرة قلـةٍ مستضعفيـن= اغرقهم بنوع مـن انـواع العقـاب= غرق الغلام اللي يحسب انـه فطيـن= لوما عصى نوحٍ نجا به في رحـاب= سفينته وامضى معه في العمر حيـن= لكنـه اختـار الخسـاره والذهـاب= اصنع بهم صنعك به وانـت المتيـن= والا اخذهم يامجري ٍ سـود الحقـاب= اخذ العجوز اللي بقت في الغابريـن= ذوقـهـم اللهم انــواع الـعـذاب= اللي عثوا في ارضك امن المفسديـن= والطف بمن لبسوا من التقوى ثياب= عبـادك المستهدفـيـن المتقـيـن= تكالبـت عليهـم انيـاب الـذئـاب= ولا غير عونك يامعيـن الصابريـن= من بينهم شيبه يعجـزون الشبـاب= من وقفته من طولها. في الركعتيـن= ومن بينهم بنت تـون بـلا حجـاب= احجابها لفوا بـه الجـرح المكيـن= وطفلٍٍ عن عيون امه الثنتين غـاب= تبكيه عين وتلتفـت لأخيـه عيـن= من هول مايجري لهم شاب الغـراب= ياوسع حلمك وانت مافوقـك مديـن= ادعيك وانت ادرى بحال اهل المصاب= وامد كفي لك يـا اكـرم الاكرميـن = عكس احرف حرج
وش عليك ان همت في وادي مرادي= وش على فـراج لاهوجـس فـرج= لاتشك اني الـى ماصحـت هـادي= خاف ابين لك مـن انـت وتنحـرج= النصيحه خلها لـك وانـت عـادي= منـت باللـي راح للقـدس وعـرج= العواذل عشـرة واصبحـت حـادي= عشـرة راحـوا مراويـح الـدرج= غادي وانا لو اسمـع منـك غـادي= واشهد انك اللي ماصاب الى هـرج= كيف باطرح من على شفي شـدادي= واقتـدي باعمـى وتايـه واعـرج= وكيف بانساها وانا لاجيـت انـادي= اتمسـك باسمهـا خـوف يـخـرج= فكـرة النسيـان منـزال بــوادي= وطيفهـا سيـل مسيـره يـنـدرج= وقدرها في العين وان حول فـوادي= والغـلا يطلـع علـى مثـل الـدرج= حسنهـا واسلوبهـا سـر انقيـادي= والوفـى والصـدق حـدث لاحـرج= وصلها كايد وهـي تسكـن بـلادي= انشـد اللـي بالمرابـع قــد درج= روحت باسلـوب مقبـول وحيـادي= وخلدت في القلب عكس احرف(حرج)= عقبها الابيض غدا مثـل الرمـادي= وفي عيوني ضاقـت افجـوج زرج= وانتهى ضحكـي وحاربنـي رقـادي= وانقطع حبل الرجـا واقفـت مـرج= وفر اهروجك وانـا هـاذا مـرادي= ليـن ربـي زيـد ياتـي بالـفـرج= لي عين تكتبله وله عين تقرى
ما كنـي اعرفـه ولا كنـي ابغيـه= وانا عليه من امه احـب واجـرى= ياكثرهـا تسليمـة يـوم الاقـيـه= لي عين تكتب له وله عين تقـرى= ولا حل طاريـه تجاهلـت طاريـه= ماكني ادري عنه وانـا بـه ادرى= احشم قريبه حشمـة لـه واداريـه= واخشا يجي في خاطره شي وادرى= بسكات يغليني وانـا حيـل مغليـه= لا تيلفـون ولا مواعيـد غــدرى= لا اسولـف بحبـه ولانـي بكانيـه= وغيري لونه يوالفه كـان هـذرى= لايحسبنـي يـوم قفيـت ناسـيـه= لعيونـه انـي ماتحاليـت عـذرى= ليت الزمن يرجع وانا اعلمـه ليـه= ولا الحظوظ من المقابيـل تشـرى= كل العذارى في الوفـاء ماتساويـه= كنه اليمين وباقـي الغيـد يسـرى= قولوا له اني مارتضي بالبـدل فيـه= لا مال قارون(ن) ولاعرش كسـرى= يرتاح ماغيره مـلا عيـن هاويـه= غلاه نهر النيـل والقلـب مجـرى= واكبر دلليل اني الى غـاب احاتيـه= كم لليلة ماتت علـى كـف مسـرا= وان قالوا انه شرق وازريت لا اجيه= وجهت وجهي كل ما نمـت حـدرى= واولا واخرا اتقدم بالعذر ان حصل قصور وجل من لا يخطئ والسلام خير ختام والله يوفق الجميع |
رد: ديوان كامل مكتوب لابن فطيس ( الجــــزء الاخير) الحقوا عليه
وجهك ابييييض وماقصرت يامسفر ومرجع لقصايد بوحمد حقيقه ..
تحياتي لك .. |
رد: ديوان كامل مكتوب لابن فطيس ( الجــــزء الاخير) الحقوا عليه
لاهنتي اختي مهره على التواصل ولكي مني كل الاحترام والتقدير
|
رد: ديوان كامل مكتوب لابن فطيس ( الجــــزء الاخير) الحقوا عليه
صحت يمينك والله لايهينك يالقرم على هذا اليوان الكامل لابن فطيس
|
رد: ديوان كامل مكتوب لابن فطيس ( الجــــزء الاخير) الحقوا عليه
يعطيك العافيه...يا مسفر..
وماقصرت من البداية..ليمن الحين بس مو توى الناس على النهاية... بعد..ماخلصت القصايد.>>>> كنا نطمع على الاقل 50 قصيدة http://www.roro44.com/smilies/happy/003.gif المهم :3rbe68: :3rbe68: :3rbe68: |
رد: ديوان كامل مكتوب لابن فطيس ( الجــــزء الاخير) الحقوا عليه
لاهنت على المرور يبو سراج ولك تحياتي ياذيب
|
رد: ديوان كامل مكتوب لابن فطيس ( الجــــزء الاخير) الحقوا عليه
يعطيك العافيه اختي الملكه على التواصل ولكي مني كل الاحترام والتقدير
اما بالنسبه للقصائد فهذا كل مافي جعبتنا لكم وفيكم الخير |
رد: ديوان كامل مكتوب لابن فطيس ( الجــــزء الاخير) الحقوا عليه
يعطيك العافيه اخوي مسفر ولاهنت
تحياتي... 4عاشق5الجمس4 |
رد: ديوان كامل مكتوب لابن فطيس ( الجــــزء الاخير) الحقوا عليه
لاهنت على المرور اخوي عاشق الجمس ولك تحياتي
|
رد: ديوان كامل مكتوب لابن فطيس ( الجــــزء الاخير) الحقوا عليه
صحت يمينك والله لايهينك يالقرم على هذا الديوان الكامل لابن فطيس
تحياتي لك ،،،، |
الوقت في المنتدى حسب توقيت جرينتش +3 الساعة الآن 12:58 PM . |
مجالس العجمان الرسمي