مجالس العجمان الرسمي - مرثية عبدالله بن محمد الجبر المري (ذيب آل مره)

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

مرثية عبدالله بن محمد الجبر المري (ذيب آل مره)

السلام عليكم ورحمة الله وبركاته

مرثية عبدالله بن محمد الجبر المري ذيب آل مره رحمه الله رحمة واسعه(وحييييد ابوه)

على لسان والده محمد بن عبدالله الجبر المري

.

|| .. جرح الفرآقّ .. ||

على ذِكْر الفقيد اللي ذَخَرْته للسنيـن سـلاح
نِزَف حبر القلم يكتب غلاه وذبلـت أوراقـي

تَرَجّل فارس الطيبه عنِ حْصان الحياه وراح
وتَرَك جَرْح الفراق اللي يعيش بداخل أعماقي

بداية مولده كانـت بدايـة مولـد الأفـراح
على بيتٍ ترعرع فيه بين النَّخْـل والسّاقـي

ونما عوده على يديني وشعشع نوره الوَضّاح
ونَسّاني الشقا وَابْعَد سَهَر عيني عَنَ احْداقي

صغير السن لكنّـه كبيـر وفالبحـر سبـاح
يجيبَ اغْلى الجواهر مايِخَيّب هقوة الهاقـي

وِاذا مِنّه عطا يعطي بكفين ٍ مَهِـنْ بِشْحَـاح
وِاذا مِنّه نِزَل مايَنْـزل الاّ المَنْـزل الراقـي

يِحِبّ الخير واهْل الخير واهْل الدّين والإصلاح
وحياوي طَبْع وِبْطَبْعه لِفِعْل الطّيـب سبّاقـي

ومَعََ اقْرانه تَرَك بَصْمَه اثَرْها فالمشاعـر لاح
وعلى كَسْبِ احْترام النّاس راع الطيب توّاقي

وتعامُلْه المِثَالي كان لِقْلوب العـرب مفتـاح
مَلَكْ به وِدّ مِنْ عاشوا معه في كـل الافاقـي

رَضِيَّ الوالدين ومع خَواته يِكْتِسي بُوْشـاح
مَحبّتْهـن وِلِرضاهِـنْ نَهَـر يمنـاه دفّاقـي

خلوق وكل ماشفته بعيني خاطـري يرتـاح
وسرى حبه بدمي وِانْشَغل به نبض خفاقـي

وِالا ناديت ما يطربني الاّ صوتـه الصـدّاح
وِالا من غاب عن عيني تَعَاظَمْ لَهْفة أشواقي

وبعد ماقْفَتْ به ركابه واخذها نـازع الأرواح
تِمَلّكْني الحزن حتـى بِحَبْلـه جَـوّدُ وْثَاقـي

وقريت آخر كتاباته ودمعي فوق خدي طـاح
لَوِانّ آخر سطر مكتوب : لاتبكي على فراقي

ورحمك الله ياعبدالله ضنايه كاسب الأمـداح
وأنا اللي من بعد غيبتك عيّا ينجبـر ساقـي

لَكِنِّ ايماني بربي عزا قلب ٍ كسيـر جنـاح
يسليني ويبقا في حياتـي درعـي الواقـي

وعزايه سيرتك بين الخلايق عطرهـا فـوّاح
وعزايه حب غيري لك وحبي لك هو الباقـي

والا يالله يـارب العبـاد وفالـق الإصبـاح
دعيتك ياعظيـم الشـان ياربّـي وخلاّقـي

تصبرني على الفرقا وترحم كاسب الأمـداح
وتجمعني معه بجنان عدن ٍ خضر الأوراقـي

واخر ماكتبه في صفحة في الفيس بوك رحمه الله

كبر الخطأ ماكل عذرا يغطيه ***مثل التعازي ماترد المصيبه