السلام عليكم ورحمة الله وبركاته



عذرا ً على القطاعه :)



واسعد الله اوقاتكم بكل خير

يا خالد وبس والبحر الغزير=كيف انت ؟ كيف العرب واحوالها ؟
ارسل على هاجسك مني نذير=وانشد عيون الشعر وش هالها.!
العولمة من رحاها تستدير=واللّي شعفها عجز يشتالها.!
حصار جوّي على الريّس بشير=وحسني ( يقول الله ) ولا فالها.!
ضِرب الهجيني بعرضه فالقصير=وكل ٍ يغني على موّالها.!
لكنّ بين القوافي والنظير؟=لا تقول : قد قالها من قالها.!
لو لا الرغى ما عرفنا وش هدير=اللّي على غاربه اثقالها.!
وانكان ما احتلت فالأمر اليسير=شرهاتي كبار يا رجّالها.!

وسلامتكم


:)

انفض جناحك وطير .. ان كنت طير = والا اقْبل بحيلةٍ .. تحتالها
عينك صغيره وراسك مستدير = ورسالتك جاريٍ .. ارسالها
ام الكباير .. عبوس قمطرير = ولا زوّد آلامها .. الا آمالها
تومي على الناس .. بالسيف الشطير = وترسل على الغافلين .. عيالها
وانا لو البّسك .. بشت الوزير.. = اوثوبه .. وغترته .. وعقالها
يمكنّي احقق .. (احلام الفقير) = وارويه من جمةٍ .. يضمى لها
الرابح اللي معه عقل .. وضمير = وينزّل الناس في منزالها
وان شاف له واحدٍ .. ما فيه خير = جلس تحت شجرته .. وظلالها..!

وامسك :0015:

المشاركة الأصلية كتبت بواسطة النـوف (المشاركة 869500) الرســـام عوداً حميداً والحمدلله على السلامه مرحبا و مسهلا بـ عودتك للمجــالس صـح الله لسانك و اعتلا شانك والله يحفظك لمحبيك دمت بسمّـو

المشاركة الأصلية كتبت بواسطة العـــسر (المشاركة 869505) صح لسانك ولاهنت على النص الجميل تقبل مروري