ياذوق ياهل القوافي والحكي والنشيد= يانخبة الشعر مدري صفو شعّارها
ياحاملة ألوية شعر النبط والقصيد= ياملطخه ثوب شعر الجيل في عارها
يامدعين البلاغه والكلام المفيد= الموجه اصبح خللها ضعف رادارها
فريد ماصار فعلا في زمنّا فريد=شواربٍ دِسّمت ماثوّر غبارها
وشواربٍ كونت بالشعر أطلق رصيد=لكن عشراتها مافادت اصفارها !!!
ياسوق ياكثر روادك ولابه جديد=والبيعة يضيع شاريها بسمسارها
كنت احسب السابقه تطلع سبب طيب الايد= وكنت احسب الفاشله من مدة اسبارها
واللّـين كنت أحسب انه عكس معنى الشديد=واليوم صارت سوى وأنهد معيارها!!!
وشلون لا تسئلوني شلون بس الاكيد= ان به عرب سمّمت هالناس بافكارها
تشري لها سلعه من السوق وتقول ( صيد)=ماتدري ان العرب ماتكتم اسرارها
والمشكله ناس عن درب الهزل ماتحيد=ماتقدر تميّز الأشعار واخيارها
ردا نصيب وعقل فارغ وقلبٍ مريد= وشلون هالناس تقبلها على أعماراها
لاجاهم الخبل يشلشله بقيط وعصيد=قامت جماهيرنا تصدح بمزمارها
ماغير تصفق بيديها تقول هل من مزيد!!= ماتدري لو المعاني تسفي ديارها
تسمعهم بصوت واحد عيد.. ياشيخ .. عيد=ثم عادت الثرثره واعتز ثرثارها
كلّه سبب من يمهّد للخبل والبليد= إلين شفت الجزاله طافيه نارها
الجيد حطوه ضعف وضعفهم صار جيد=واهل المعاني الفريده ضاع مقدارها
عبيد صارو أسياد..أسيادصارو عبيد= ماعاد يعرف كبار القوم وصغارها
ياهيه ياهل القوافي والشّعر والقصيد= الشجره المثمره ضيعتوا اثمارها
ان ما ضربنا الهزل بايدين مثل الحديد= ولاّ استوى حصان اهل الاشعار و(.....)
يامدعين الكمال ورفع راس النشيد= قتلتو الشعر والجزله تبي ثارها
يقولها راس عرجاني ولاهو وحيد= معه هل الوقفة اللي تسطي اشبارها
تحّمد الله ياراعي الهزل ربّك حميد= ان القصيده شطبنا نصف مشوارها
تريد ونريد والله يفعل اللي يريد=ماتعلم الناس وشهي غيبة أقدارها
ولاّ لو أطاوع احساسي ودم الوريد=ماعاد تنشد عن الساحه ولاأخبارها

جزل وكلامك سمين وبالقوافي سديد=وقصيدتك اطربت جوي وسمارها
تقبل الشكر مني والشعر يالفريد=واقبل تحيات من وقف على اسوارها