(( شــرار الـلــول )) // لأبن عكشــــان //
http://up106.arabsh.com/s/t4q6k6bx8x.jpg يسعد صباحكم ومسائكم إخترت لكم قصيده من قصائد المبدع الشاعر // أحمد بن عكشان أتمنى انها تعجبكم // // الخيال اجمل من الواقع وأنا أملك خيال= لاسرابي كل صوره تجعل الواقع حرير أمسح جروحي تفائل وأبتسم في كل حال = مابكيت إلا على فقدان والدنا الكبير يايبه شفني كبرت وصرت من روس الرجال = مايعذربني كريم ولا يرافقني حقير ماخذيت من الحياه اسراب والدنيا منال = الطموح إن زاد حده لايجار ولا يجير غايتي ألحق مداها لو يقال البعد طال = حكمتي لايأس حتى ينتهى حد المسير أحشم الكلمه وأثمن جملتي فيما تقال = ما صغر في عيني إلا من يشوف إني صغير من رقا فوق الجبل شاف القمم فوق الجبال = ما حقره إلا صغير نظرته في قاع بير هيه ياللي تحتميلي بالتشائم والهيال = كل ما قلت إستوت لي قلت لايمكن تصير البطوله ماوصلها غير ذربين الفعال = وأنت لاوالله خلك في رجا حبل قصير لو تشوف البدر كامل قلت لله الكمال = كيف صور إنس يضوي في ظلامي مستنير كان تفهم لش أعاند لو تقول الحظ مال = لبا كلمت شد حيلك من شفاه الزين غير ياعذابي ياشرار اللول يادم الغزال = ملمس ابهامي وأكثر بس في شي يسير وردتينك بالخجل تضوي ولو من خلف شال = ياشعاع النور وجهك ياصباح فيه خير يارموش العين ياللي في محاجرها ظلال = ياسواد في بياض يابياض في جفير سلة السيف الصغيره ما يشابها مثال = حاجبينك والجبين أقواس والغره تطير ليلك المنثور هذا ليل من سود الليال = استخير من الوصايف ياحبيبي استخير يوه يابعضالوصايف لاحلال ولاحرام = فوق هذا يالحبيبه شاعرك جدا يغير والله إنك في عيوني من يمين ومن شمال = ماوصفتك في خيالي لجل أقول إني مثير لكن أحيان الإجابه تنطلق قبل السؤال = ويمكن أحيان السؤال أقوى من السيف الشطير صورتك أحلا من التصويروالواقع جمال = يختلف ظني وشوفي والمعاني تستدير (( الخيال أجمل من الواقع وأنا أملك خيال )) = والحقيقه عكس ذلك واقعك أحلا كثير صح لسانك يابو مسفر :rolleyes: |
رد: (( شــرار الـلــول )) // لأبن عكشــــان //
القديرة
شيخــة الغـــلا اختيار رائع من الاروع دائمــآ :: شيخــــــــة الغلا قصيدة رائعة وصح لسان شاعرها تقبلي ودي وعبير وردي |
رد: (( شــرار الـلــول )) // لأبن عكشــــان //
شيخة الغلا تسلم يمينش على النقل والاختيار الرائع
قصيده جزله ومعبره للشاعر احمد بن عكشان صح لسانه
يايبه شفني كبرت وصرت من روس الرجـال=مايعذربنـي كريـم ولا يرافقـنـي حقـيـر
كفو والله كفو جعل من جابه الجنه تقبلي مرور اخيش |
رد: (( شــرار الـلــول )) // لأبن عكشــــان //
اقتباس:
الأروع مرورك العطر صح بدنك غلاااي ولاهنتي |
رد: (( شــرار الـلــول )) // لأبن عكشــــان //
والله انك في عيونـي من يمين ومن شمال = ما وصفتـك في خيالـي لجل اقول اني مثيـر الله الله ابيـات جدآ رائعـة الشكـر لـش يا شيخـة الغلا على نقل مثل هذه الرائعة |
رد: (( شــرار الـلــول )) // لأبن عكشــــان //
اقتباس:
لليمين در حياك الله وياهلابك وصح بدنك لاهنت ع المرور |
رد: (( شــرار الـلــول )) // لأبن عكشــــان //
اقتباس:
هلاااابك بطااح تسلم ع المرور العطر ولاهنت |
رد: (( شــرار الـلــول )) // لأبن عكشــــان //
صح لسان يابومسفر
انا اشهد ان شاعر ونعم الخوي مشكووره الغنووج على ابيات المبدع احمد بن عكشان |
رد: (( شــرار الـلــول )) // لأبن عكشــــان //
غايتي ألحق مداها لو يقال البعد طال = حكمتي لايأس حتى ينتهى حد المسير أحشم الكلمه وأثمن جملتي فيما تقال = ما صغر في عيني إلا من يشوف إني صغير من رقا فوق الجبل شاف القمم فوق الجبال = ما حقره إلا صغير نظرته في قاع بير اي والله صح لسان ابو مسفر ,,:rolleyes: على القصيدة الجزلة ,, و صح لسانش يا شيخة على الإختيار الرائع ,, تقبلي مروري ,, أستودعش الله ,, |
رد: (( شــرار الـلــول )) // لأبن عكشــــان //
اقتباس:
|
الوقت في المنتدى حسب توقيت جرينتش +3 الساعة الآن 08:30 PM . |
مجالس العجمان الرسمي