|
خاص لكل عجمي وعجميه
:asl:السلام عليكم ورحمة الله وبركاته ..
اريد ان اطرح سؤال واتمنى ان لايفهم خطأ ..ولكن حتى نضع سويا النقط على الحروف .. استغرب دائما من نظرة البدو للحضر ..ياخذونهم بالسخريه وانهم غير اقوياء ,,وخوافين وبالعامي ((ماعندك احد :cry: )) ليه مادري؟؟ عموما ياخوة ..ترى الخليج وخاصة اهل نجد الحضر فيهم كثار واغلبهم اصل وفصل وهل موقف وراعين اوله:thumbs_up مثل قبايل تميم وبني خالد ..ووووووالخ يامعشر العجمان صدقوني اشتركي في منتداكم حبي للبدو بشكل عام والعجمان بشكل خاص اولا..وثانيا حتى اجد رد على سؤالي السابق ودمتم في حفظ الله ورعايته.. :rose: |
يامرحبا يالعنقا وابدا طال عمرك يالغاليه الحضري والا البدوي كلهم عرب واخوان ولا فيه كراهيه بينا والحمدلله الدين وحدنا ولا ننسى فضل حكومتنا الرشيده بعد الله ونحمده ونشكره على الوحده والتكاتف كأخوه في الله ومرحبابك بين اخوانك واخواتك تقبلي سلاامي |
لاهنتي العنقا وانااخالف راكان بحيث يوجد فرق بين الحضري والبدوي البدو خشن ولايخاف في اليل ويتحمل الجوع والعطش مثلهم مثل الابل ولا الحضري انسان ناعم الملمس ولا يحب البر ويخاف في اليل لوحده وقطع المسافه الحاله وهذاشي مجربه شخصيا ويجب علينا تعليم ابنائنا خصوصا من يسكن المدن منكم فنتبهو لاطفالكم لايطلعون رخوم وتري مافيه اخبل من البدوي الي تحضرا لامنتي اختي العنقا
|
وعليكم السلام ورحمة الله وبركاته ,,,
انا معك ان فيــه بدوو مثل ماقلتي وفيه بعد حضر ينظرون للبدو بنــظرة تخلف , يعني الخطأ من الصوبين بس بالوقت الحالي انا اشوف ان النـظرة هذي تغـيرت حيـل عن أول و مثل ماقال اخوي راكان كلنـا ربع وخـوان مشـكورة على المشاركة واتمنى اني جاوبت على السؤال بشكـل المطلوب |
اخي سعد انت تمشي على قانون خالف تعرف وذالشي اتوقع انه مهوب في كل حوار لابد ان تمشي عليه:D |
راكان ههههههههههههههههه وش اخبارك مع النيدو تراه يتنح بالمخ الطاهر انك تقلد المصريين في الفول وعلي فكره يقول واحد انك كنت تاخذ من جبس اللي يبنون به المصريين تحسبه نيدوههههههههههه
|
اشكر ردود الجميع..
اشكرك اخ راكان اليامي وان كنت اشوف ابتسامتك في ردك على الاخ سعد يعني ... يعني امممممم ماهي مريحه بصفتك مشرف.. الاخ مشعان بن سريح اشكر كلاماتك اللطيفه واسلوبك الذرب واجادتك فن الحاور من دون غمز او لمز ماهي غريبه على ولد عجمان.. اخ سعد من يقول ان الحضري خواف ؟؟على العكس انت من عارف حديث الرسول صلى الله عليه وسلم فيما معناه انه اقوى امتى على المسيح الدجال هم بنوا تميم .. طيب ايش رايك انا اعرف بدو مرررره خوافين وخصوصا من؟؟؟؟؟ واخيرا اخوتنا العجمان في خليجنا الغالي اتمنى انه مايفهم اي احد في ردي تجريح او سب لاسمح الله لاي احد ..اتـــــفــــــقــــــنـــــا |
أختي العنقاء
السوال فيه شي من التخصيص وهذا المنتدى لو عنوانه (مجالس العجمان) فهولكافة رجال يام والعجمان الله يعزهم يكفون ويشفون في وأأأأأأأأأأأأأجد وكان الأحرى بك أن توجهي السوأل للعموم بلا تفقيط0 أما الجواب على سؤالك فاقول لك من خلال إختلاطي ومعرفتي بالناس أن كل عود فيه دخان 0 والسلام ختام......... |
هلا أختي العنقاء
ومرحبا فيك كلامك فيه نسبة كبيره من الصحه ولكن هالشي متعمق في بلدنا ومجتمعنا وانتي اثرتي نقطه مهمه ولكن المسألة أختي الكريمة مو مسألة قوه حتى وصلت للزواج البدوي ما يزوج حضري والبدوي ما ياخذ حضريه الا في حالات استثنائيه ولا ننسى أيضا أن الحضر ينظرون للبدو بأنهم متخلفين متشددين متعصبين والطرفين كلهم أبناء شعب واحد والتعصب القبلي من أيام الرسول عليه الصلاه والسلام أتمنى من كل قلبي تلاشي هذه الظاهره التي تفرقنا ونتمى شعب واحد يأمه السلام والمحبه والمساواه وشكرا على طرحك المميز ولكي مني الشكر الجزيل أخوك الوعيــــلي |
اختى العنقاء اولا احييك اجمل تحيه على اسلوبك الراقي
اما السخريه من البدو تجاه الحضر والعكس صحيح فصدقني اصبحت غير موجوده حالياً الا نادراً خاصة ً ان الاوضاع المعيشيه والاجتماعيه وحتى التركيبه السكانيه طراء عليها تطور واضح وملموس كذالك الوعي الذي اصبح يتمتع به الجميع من الحضر والبدو اما عن نفسي انا فصدقيني ان مثل هذه الامور لا اعيرها اهتمام مهما كان جاري او صديقي او زميلي في العمل لن اسئله عند بداوته او حضارته فهي لا تهمني بقدر ما يهمني اخلاقه وتعامله معي ومعى الجميع في محيطه وهذا هو الجانب المهم في وقتنا الحاضر .. العالم يتطور والمجتمع الخليجي ما زال يناقش مثل هذه الامور التى بصراحه تدعوا لشفقه على مجتمعنا .. رساله لاخي صاحب القلم المبدع (( سعد )) ارجو ان تدرك لقب القلم المبدع وتحيه لك عاطر التحايا لك اختي العنقــاء |
| الوقت في المنتدى حسب توقيت جرينتش +3 الساعة الآن 05:50 PM . |
مجالس العجمان الرسمي